nada-olsi-ok.jpg Pas përfundimit të spektaklit në “Top Channel”, banorët e shtëpisë së “Big Brother” futen në natën e radhës, duke pasur dhe dy banoret e reja, pas largimit të Leonardit, që pasoi në ikje, Ingridin dhe Junën. Që në çastet e para, Mardiola dhe Ilda rrethohen me ngrohtësi dhe me biseda të ndryshme rreth jetës dhe eksperiencave në jetë. Ndërsa Olsi, i cili mbrëmë u braktis nga e dashura, vijon të komentojë atë që ndodhi. Ai flet për të dashurën dhe i tregon Inës dhe Polit se nuk e di se si
duken gjërat nga jashtë dhe se si mund ta gjykojnë, por në lidhje me këtë nuk ka ç’të thotë e nuk ia shpjegonte dot Lusit se çfarë ndodh brenda vetëm me 5 minuta takim. Megjithatë ai shton se nuk ka hyrë te “Big Brother” për të testuar dashurinë e tij ndaj Lusit, por përtë. Lusi duhet të tregohet e fortë, thotë Olsi. Ai shprehet se në fillim kujtoi se mos Lusin e kishin futur në shtëpi dhe se nëse një gjë e tillë do të ndodhte, do dilte ai nga shtëpia. Nga ana tjetër, Romina ankohet se nuk kanë sjellë ndonjë djalë në shtëpi. Në kopsht banorët janë mbledhur rreth Ildës dhe po diskutojnë për të hedhur
shortin se ku do të flejë ajo. Në dhomën jeshile, rreth Mardiolës janë mbledhur Arbëri, Ervisi, Ina dhe Romina, të cilët e bëjnë atë të ndihet si në shtëpinë e saj dhe në rrethin e saj shoqëror. Ajo u tregon banorëve edhe foton e vajzës së saj të vogël. Banorët mundohen të orientojnë vajzat e reja dhe u tregojnë gjithçka nëpër shtëpi. Bisedat vazhduan deri në orët e para të mëngjesit. Djemtë janë mbledhur e flasin për vajzat e reja. Romina bashkëbisedon me Ildën dhe i thotë se e pëlqen dhe e simpatizon tipin e Olsit. Bisedës me Romin dhe Ildën i është bashkuar edhe Arbëri, i cili e pyet nëse e ka ndjekur “Big Brother”-in që në fillim. Romina shpreh keqardhjen për atë që ndodhi me Olsin, por Arbëri mundohet t’i shpjegojë vajzës së re për afrimitetin shoqëror në shtëpi. Ilda thotë se mund të jetë edhe mentaliteti, sepse jashtë të gjithë për shembull ndajnë qiranë e shtëpisë me shokë dhe shoqe dhome. Ervisi, që ka pak çaste që i është bashkuar bashkëbisedimit, tregon se si duken ngjarjet kur i përjeton brenda shtëpisë dhe si shembull ato marrin rastin e Olsit me Lusin. Dritat janë fikur dhe bisedat tashmë vazhdojnë shtrirë në dhomat e gjumit. Banorët flasin për nominimet. Disa janë të mërzitur se nuk e prisnin, megjithatë të gjithë janë të ndërgjegjshëm që loja sa vjen e po bëhet më e vështirë dhe se dikush duhet nominuar. Për ta përfunduar, Poli ka filluar të tregojë një përrallë për ta mbyllur ditën e lodhshme që kaluan dje. Pas daljes nga shtëpia e “Big Brother”, Juna Vata nuk ka mundur të mos jetë pjesë e suplementeve rozë të gazetave shqiptare. Por kur bëhet fjalë për thashetheme, nuk mund t’i shpëtojë ndonjë komenti të tepruar. Juna, si vazhdojnë të jenë ditët jashtë shtëpisë së “Big
Brother”? E fiksuar pas ekranit, sa në Digitalb 1, aq në Digitalb 2. Ndihem keq që nuk vazhdoj të jetoj më në atë shtëpi. Po kjo ishte lojë dhe fatkeqësisht unë dola jashtë, megjithëse më vjen mirë që vazhdoj të mbetem aty përmes pikturës së Olsit dhe poezisë së Julindës. Përveç asaj çka banorët flasin për ju, po jashtë shtëpisë çfarë komentesh keni marrë? Më shumë për faktin që qëndroja me Olsin. Ditën që dola nga shtëpia (sigurisht më erdhi shumë e papritur edhe pse isha e kandiduar) dhe erdha në spektakël, pata një dialog jo të këndshëm me Jonida Maliqin, e ftuar në sallë. Kaq mjaftoi që gjatë javës në vazhdim shumë gazeta të vazhdonin të komentonin pyetjet e saj dhe përgjigjet e mia, madje duke shkuar edhe më tej. Çfarë lexonit në intervistat apo komentet që bëheshin për ju, që ju duket e trilluar? U duk sikur reagimi i Jonidës kur më pyeti për unazat që mbaja në gisht, një prej të cilave ma kishte dhuruar Olsi, ishte më shumë një gjykim sesa pyetje. Ndoshta
prandaj fjalëve të mia u janë shtuar komentet për një miqësi të mundshme mes Jonidës dhe Lusikës, të dashurës së Olsit; gjë të cilën unë nuk e di. Në fakt atë natë unë akoma isha e emocionuar prej daljes nga shtëpia dhe kontaktit të menjëhershëm me shumë njerëz, për më tepër në një skenë spektakli. Çfarë raporti u krijua mes jush dhe Olsit? Asgjë më shumë sesa një miqësi. Duhet të jetosh aty brenda që të kuptosh sesi ndihesh, për të mësuar se sa e vështirë është të përshtatesh me njerëz të tjerë me të cilët më parë nuk të ka lidhur asgjë. U fol shumë për faktin që kisha fjetur me Olsin, po ne ishim të gjithë bashkë të shtrirë në tokë, në dhomën e gjumit, prandaj çdo interpretim do ishte i tepërt. Kanë ndikuar këto interpretime në lidhjen tuaj të mëparshme? Ndonëse janë të pabazuara, mund të them që kanë lëkundur paksa raportin me të dashurin tim. Edhe ai nuk mund t’i shpëtojë mentalitetit që e rrethon? Jeni takuar me të? Para disa ditësh erdhi për vizitë në shtëpinë time, por e kishte të vështirë të më fliste për mënyrën si ndihej. Edhe ai është nën presionin e shoqërisë. Sikur t’ju jepej mundësia të ktheheshit prapa në kohë, a do të ndryshonit diçka në sjelljen tuaj brenda shtëpisë
së “Big Brother”? Asgjë më shumë apo më pak nga ç’kam bërë. Jam e bindur.

Burimi: Gazeta Shqip