olsi-sex-najada.JPG

Duket se prania e Junës do largonte Olsin dhe Najadën nga njëri-tjetri, por më pas gjërat rrodhën ndryshe. Të shfaqur si dy individë të pakompleksuar, Olsi dhe Najada nuk janë kushtëzuar nga asgjë në marrëdhënien e tyre intime. Ndërsa gjatë ditës nuk shihen shumë së bashku, gjatë mbrëmjes janë në gjendje të konsumojnë gjithçka. Nëse në ekranin e “Top-Channel”, nuk janë transmetuar pamjet, kjo është bërë vetëm për shkak të audiencës që u përket të gjitha moshave. Megjithatë në Digitalb dhe në faqen zyrtare të “Big brother”, raporti seksual mes Olsit dhe Najdës nuk është censuruar. Duke qenë se ky fenomen është i njohur edhe në “Grande Fratello” apo edhe “Big brother” në vende të tjera, për organizatorët që konfirmojnë faktin, është diçka krejt normale. Megjithatë organizatorët janë treguar të kujdesshëm, që pamjet të mos transmetohen në Top-Channel, ku programi ndiqet edhe nga fëmijët. Për më tepër, që kjo marrëdhënie duket se ka thyer një tabu, jo vetëm në reality-showt e zhvilluar në Shqipëri, por në përgjithësi në atë që ne jemi mësuar të shohim zakonisht në ekranet tona. Nga ana tjetër marrëdhënia e ndërtuar mes Najadës dhe Olsit të jep idenë, se pas përfundimit të programit do të mbyllet aty. Pra më shumë se sa një ndjenjë, ajo që po zhvillohet mes Olsit dhe Najadës duket se është një lojë, në të cilën secili po përpiqet të fitojë, duke qëndruar sa më gjatë në shtëpi. Sigurisht këto pamje mund të kenë rënduar situatën e Lusit, që ndonëse publikisht i deklaroi Olsit largimin u duk se nuk do ta kishte të lehtë. Gjithsesi pas largimit të Ildës dhe Mardiolës nga shtëpia, avantazhet e Olsit dhe Najadës për protagonizëm janë edhe më të mëdha në raport me banorët e tjerë. Ndërkohë që shakaja e Rominës për dashurinë ndaj Olsit duket se nuk ka ndikuar në marrëdhënien e tij me Najadën.

Burimi: www.panorama.com.al