Një muaj brenda shtëpisë së “Big Brother” si ishte për ty?

Ishte një muaj që nuk e kam ndier, pasi ia kam kaluar shumë mirë. Jam munduar të shijoj çdo ditë brenda shtëpisë më të famshme në Shqipëri. Mendoj se u integrova mjaft mirë me banorët e tjerë dhe sigurisht që ishte një eksperiencë që do ta kujtoj gjatë.

Çfarë do të kujtosh më shumë?

Sigurisht që të gjitha momentet që kam kaluar aty ishin shumë të bukura, por më specialet ishin ditëlindjet e Arbrit dhe të Olsit, ku isha ndër balerinat kryesoret. Balerinat e haremit tek Arbri dhe të Lenny Crevits tek Olsi. Gjithashtu prova ku unë duhet të isha Vesa Luma, ishte mjaft e bukur. Hedhjen me kokë tek jacuzzi dhe kërcimin me mollët me Astritin.

Përse hyre në “Big Brother”, çfarë kërkoje nga ky spektakël?

Më duhet ta pranoj që jam i vetmi person që kam hyrë pa strategji. Gjërat erdhën shumë shpejt dhe arsyeja kryesore është se jam një tip që çdo eksperiencë interesante, që rrallë të jepet në jetë, dua ta provoj. Doja të prekja nga afër ndjesinë e të qenit pjesë e karaktereve të ndryshëm brenda një shtëpie. Doja të shihja gjithashtu në do të isha e aftë të rrija për një kohë të gjatë e mbyllur dhe pa kontakt me jashtë dhe mendoj se ia dola. Gjithashtu, për të provuar edhe veten nëse jam vërtet tipi që përshtatem me karaktere të ndryshme.

Cili ishte komenti më i bukur që more nga njerëzit jashtë?

Më vjen mirë që ishin opinione pozitive. Më kanë ndaluar mosha të ndryshme në rrugë e më kanë komplimentuar. Me sa duket tipi im i çiltër u ka pëlqyer të gjitha moshave. I pari që më ka përqafuar ka qenë një djalë 13-vjeçar në studiot e “Top Channel”, që nuk ia mbaj mend emrin, por më bëri shumë përshtypje, pasi më tha: “Po të kishe hyrë që në fillim do të na kishe dhuruar më shumë kënaqësi, ndoshta do ishe edhe në finale”.

Keni rreth 24 orë jashtë shtëpisë së “Big Brother”, çfarë keni bërë gjatë kësaj kohe?

U mërzita pak që mami nuk kishte mundur të vinte në studio. Pasi u prezantova me banorët e tjerë pjesëmarrës në “Big Brother” dhe një bisedë të shkurtër me ta, piva një kafe me shoqet e mia dhe u nisa për në shtëpi. Më vjen mirë që gjithë reagimet që pata në rrugë ishin pozitive. Kur takova babin kam shpërthyer në lot, pasi ai ishte personi që më tepër se të tjerët nuk donte që unë të hyja aty. Në momentin që më përqafoi u emocionua dhe kuptova që nuk e kisha zhgënjyer aspak. Familja ime është shumë krenare për mua, vetëm se janë ndikuar pak nga komentet që janë bërë për të ashtuquajturën “feeling” midis meje dhe Arbrit. Lexo me teper »

Secili nga banorët do të mundohet të pikturojë karikaturat e 5 prej 18 banorëve të “Big Brother”. Banorët janë të lirë të zgjedhin vetë se kë do të pikturojnë, duke u munduar të mos portretizojnë të njëjtin personazh. Secilës pikturë duhet t‘i vendosin një citat. Najada u shpërndan letrat dhe lapsat, ndërkohë që të gjithë dalin në kopsht për të filluar nga puna. Ndërsa Arbri ka përgatitur nga një pije freskuese për të gjithë, Astriti është në merak, sepse në shkollë të mesme nuk ka bërë vizatim teknik.
Pasi kanë përfunduar karikaturat, është Arbri i pari që merr guximin të prezantojë veprat e tij të artit. Ai komenton karikaturën e Julindës, e cila dashuronte ushqimin dhe që pas hyrjes në B.B. ndryshoi linjat. Karikatura tjetër është për Besartën, slogani i saj është: “T‘i thyej dhëmbët”, më pas vjen karikatura e Nardit, me sloganin: “I love cigaret” dhe dy të fundit janë Shkëlqimi dhe Poli.
Astriti prezanton punimet e tij, ku bëjnë pjesë Mardiola me sloganin: “T‘i thyej turinjtë moj qelbësirë”, Ingridi, të cilën e ka bërë si murgeshë, Ilda me duart lart që thotë: “Dua cigare”, Shkëlqimi si shef kuzhine dhe të fundit prezanton veten e tij si karikaturë.
Najada fillon prezantimin me karikaturën e Nardit, të cilin e ka bërë si tullumbac, më pas prezanton dashurinë e saj me sloganin “Do pimë vere”, Astritin me sloganin: “Kam atë timen, s‘ma ndryshon njeri”, Ervisi me prerjen e tij të fundit dhe Ina me fjalët “ku Poli”. Të gjithë plasin në të qeshur kur kujtojnë karikaturën që Najada i kishte bërë Astritit dhe sesa shumë u nxeh ai kur e pa. Poli thotë se edhe ai donte ta bënte Astritin karikaturë, por nuk e mori guximin, pasi ai kur nxehet bëhet i padurueshëm. Olsi i thotë se i rëndësishëm ishte momenti kur e kishte kapur Najada, duke i rikthyer atë shprehjen “Rinia shqiptare po shthuret dhe askush s‘ma ndryshon mendimin”.

Ndërsa Poli e ka nisur me Rominën, më pas me Besartën, prezanton karikaturën që ka bërë për Najadën, Nardin dhe Arbrin me fjalët “Muchacho i vogël”.
Olsi, pasi falënderon të pranishmit, prezanton karikaturat e tij. Ai ka pikturuar Dorinën, Jonidën, Rominën – heroinën e kandidimeve, dhe në fund Najadën, në momentin që është dashuruar.