Najada, Astriti dhe Arbri flasin për jetën brenda shtëpisë dhe kur të largohen prej saj. Arbri imagjinon se çfarë do të bëhet me katërshen finale. Ai supozon që në fillim do të eliminohet banori i parë dhe i dytë, pastaj të tretit dhe të katërtit do t’i komunikohet fituesi. Arbri kujton ditëlindjen e Mardiolës kur i bënë surprizën me fishekzjarre. Ata imagjinojnë se si mund të bëhet festa e mbrëmjes finale. Arbri mendon se kur të dalin nga shtëpia, edhe mund ta ruajnë miqësinë, por do të ketë përsëri inate mes banorëve për arsye të kandidimeve. Najada e mbështet mendimin e Arbrit, duke thënë se nuk premton ta mbajë shoqërinë me të gjithë, ajo do të mbajë shoqëri vetëm me ata që ajo dëshiron dhe me kë i hahet muhabeti. Najada shton se ka krijuar një përshtypje për të gjithë në shtëpi. Arbri shton se megjithëse mund të ketë konsideruar shok ndonjë, pikërisht ai mund të ketë thënë ndonjë gjë dhe kur ta dëgjojnë pasi të dalin jashtë të mbetet qejfi dhe mund të mbetesh keq. Megjithatë, ai nuk përjashton faktin për thashethemet që bëhen brenda shtëpisë. Astriti duket se nuk është plotësisht dakord me të tjerët, ai thotë se të jetë kush të jetë dhe të ketë thënë çfarëdolloj gjëje do ta pijë një kafe me të gjithë. Arbri me Najadën nukjanë dakord me atë qëthotë Astriti, duke thënë se ai nuk di gjë se çfarë mund të jetë thënë për të prapa krahëve. Megjithatë, për mirësjellje do të takohen me të gjithë. Arbri thekson faktin se ata shikohen 24 orë në 24 dhe vetë ata mund të shohin vetëm 40% të ngjarjeve, ndërsa teleshikuesit që votojnë dinë më shumë rreth tyre.