Në fakt ky dyshim na lindi teksa pamë disa foto të dy vajzave pak ditë para se të hynin tek shtëpia e “Big Brother”. Aty shihej se Jonida dhe Dorina frekuentonin të njëjtin lokal nate, duke qenë aty kliente të rregullta.
Dhe meqë lokali është me karaoke, Jonida ishte e njohur nga të gjithë për dëshirën e saj për të kënduar,
sidomos këngë të lehta. Edhe fotot që kemi sjellë për ju janë marrë nga nje lokal ne Tirane, shumë i njohur për muzikën e mirë dhe ambientin e këndshëm. Siç e shihni nga fotoja, Dorina ka mbajtur flokë të gjatë në ngjyrë platin. Madje, thuhet se ajo pëlqente të ndryshonte shpesh look. Natyrshëm lind pyetja, a mund të jenë njohur më përpara Jonida dhe Dorina dhe kanë vendosur të futen të dyja në shtëpinë e “Big Brother” meqë ekzistonte njëfarë ndroje për t’u futur në një ambient ku të gjithë njihen? Nuk e dimë, por e gjitha kjo do të kuptohet në javët në vijim. Do të shohim me vëmendje nëse Jonida dhe Dorina do ta nominojnë apo jo njëra-tjetrën, por edhe sjellja në shtëpi mund të na e sqarojë këtë dyshim tonin. Për momentin vajzat janë mjaft të ndrojtura dhe akoma nuk kanë arritur të krijojnë lirshmërinë e tyre në një shtëpi, ku tashmë miqësitë dhe aleancat janë krijuar.

Burimi: Panorama Plus

Be Sociable, Share!