Ina: “Ajo nuk ishte një lidhje e fortë përderisa e harroi sapo u fut në shtëpi”

Është rikthyer fuqishëm, në vëmendjen e fansave dhe të mediave, Ina, me takimin special që realizoi të shtunën e kaluar me Polin, gjatë spektaklit të “Big Brother”. Por nga ana tjetër, ka çuditur të gjithë ata, të cilët kishin besuar thëniet e Inës brenda shtëpisë kur e mohonte faktin se, ndiente diçka për Polin. Por mbas daljes nga shtëpia, duket se Inës i janë kthjelluar idetë, pasi filloi t’i mungonte Poli dhe aty konfirmoi brenda vetes idenë se ajo pa kuptuar kishte filluar të ndiejë për të jo më si për një shok. Ina duke qenë një vajzë tiranase dhe me shum shoqëri, ka pasur vëmendjen e të gjithë miqve dhe të njohurve të saj, por mesa duket edhe pëlqimin e tyre, pasi disa dashamirës të këtij programi tregojnë se gjatë kohës që po pinin kafenë tek “La Voglia” dhe po ndiqnin programin, në momentin e puthjes mes Polit dhe Inës, të gjithë kanë bërtitur, a thua se bëri gol Milani. Ina me të vërtetë nuk arriti të marrë trofeun prej 50 mijë eurosh, por mesa duket fitoi djalin e zemrës edhe pse ajo pohon se, as që e kishte menduar se mund të pëlqente dikë brenda asaj shtëpie. Por ndërsa për Inën ka qenë e lehtë t’i shprehë dashurinë Polit, për këtë të dytin gjërat ishin pak më të komplikuara. Poli kishte lënë jashtë të dashurën, një vajzë jo më shumë se 17 vjeçe, me të cilën kishte një lidhje njëvjeçare. Nga ana tjetër, brenda shtëpisë ai filloi një lidhje me Ildën, edhe pse nuk patën kohë për ta vazhduar, pasi Ildën e nxorën jashtë. Kur Ina i kërkoi vëllait të madh që t’i bënte këtë surprizë Polit, thuhet se organizatorët i kishin matur pulsin atij duke e pyetur, kë do të donte të takonte Ildën apo Inën, dhe ai ishte përgjigjur: Inën. Ja çfarë na tregon Ina për momentet para dhe mbas takimit. Gjithmonë e ke mohuar
se ndieje diçka për Polin.

Çfarë ndodhi që papritur vendose t’i tregosh se nuk e ke thjesht shok?
Kur je brenda në shtëpi i monitoruar nga kamerat, vetë ambienti të bën konfuz. Vetëm kur dola pashë që Poli më mungonte. Kisha dy javë që i kërkoja “Big Brother” të më lejonte t’ia bëja këtë surprizë dhe jam shumë e lumtur që e realizova, dhe mbi të gjitha, jam e lumtur që Poli e priti aq mirë. Pasi siç e dini me mua Poli ka qenë mjaft i rezervuar.
Ndërkohë që me Ildën ky rezervim nuk u pa apo jo?
Po çfarë të bënte, kur një femër të vardiset, njerëzit të keqkuptojnë nëse t’i nuk i përgjigjesh. Pastaj mua Poli
ma tha: “Jashtë kemi muhabete të tjera, këtu po bëjmë lojë”. Një tjetër pengesë ishte se Poli e kishte shumë problem që njerëzit të mos e paragjykonin dhe llda i thoshte shpesh se, kur flije me Inën të gjithë të shanin,
në mënyrë që të na ndante.
Kemi marrë vesh se Poli është djalë i vetëm dhe ka një familje në gjendje shumë të mirë, mos të është prishur pak mendja edhe nga ky fakt?
Absolutisht jo, thjesht kam bërë atë që kam ndjere.

Ju kanë parë shpesh të shoqëroheni me mamanë e Polit, është e vërtetë?
Po, dalim shpesh bashkë për kafe ose për të ngrënë diçka, ajo është një grua aq e mirë sa unë shpesh them se Poli është tamam personifikimi i shprehjes “bëmë mamatë të ngjaj”.

Dimë që Poli është më i vogël se ti, nuk e ke problem këtë fakt?
Jo aspak, madje e kemi diskutuar dhe as për Polin nuk përbën ndonjë pengesë.

Por dimë edhe këtë gjënë tjetër, që Poli ka lënë një të dashur jashtë, e kishe menduar edhe këtë gjë?
Po dhe Poli më ka folur për këtë lidhje, por vetë fakti që ai ka vendosur të futet në “Big Brother”, do të thotë se ata të dy e kanë ditur qëndarja mund të ndodhë, pasi shumë çifte janë ndarë në spektakle të tilla.

Çfarë do të ndodhë me tëdashurën e tij, e ke menduar?

Miqtë e Polit, të cilët më rrinë shumë pranë, më kanë thënë se ajo e ka ndarë mendjen që ata tashmë janë ndarë. Poli e harroi sapo më njohu mua apo jo? Kjo tregon që nuk ka qenë aq e rëndësishme për të.

Burimi: PanoramaPlus

Be Sociable, Share!