S‘mund ta themi këtë për Ildën në realitet, po e sigurtë është se vajza që ishte njëra nga banoret e “Big Brother”, do të  interpretojë në një film me metrazh të shkurtër një vajzë të varur nga droga. Oferta nga një regjisore e njohur e ka surprizuar dhe lumturuar se tepërmi vajzën që erdhi nga Bostoni me shumë aspirata dhe që u bë e famshme në shtëpinë më të njohur televizive edhe pse ndenji shumë pak aty. Ilda është e lumtur për mundësinë që i është dhënë, një mundësi që as nuk ia merrte kurrë mendja se do t‘i jepej. Po kjo gjithashtu e ka bërë të ndjejë përsipër një përgjegjësi të madhe, gjë që e ka detyruar t‘i marrë gjërat shumë për zemër dhe seriozisht. Ja pse është parë të hyjë e të dalë në Akademinë e Arteve të Bukura sepse atje po zhvillon një kurs aktrimi. Kjo është mëse e domosdomshme nëse do që përvoja e parë me aktrimin të rezultojë e suksesshme e pas saj, të marrë të tjera oferta. Kjo është përvoja e parë e Ildës në aktrim dhe në një prodhim kinematografik. Ndonëse me kohëzgjatje minimale, filmi kërkon sërish shumë impenjim po kjo nuk e ka trembur Ildën, e cila dhe në raste të tjera ka treguar një forcë të vërtetë karakteri. Nga ana tjetër, përvoja në shtëpinë e “Big Brother” ka qenë si një shkollë aktrimi, sepse atje sikurse të gjithë banorëve, edhe Ildës i është dashur të aktrojë në një farë mënyre. I urojmë suksese Ildës në rolin e saj të parë, atë të një vajze që pi hashash e që sigurisht, Ilda nuk e paragjykon sepse dihen tashmë mendimet që ajo ka rreth kësaj teme. Mendime të cilat me guxim i ka shprehur dhe kur ishte në shtëpi, përpara miliona teleshikuesve konservatorë.