Tani gjithçka është ndryshe për djalin që doli i dyti në programin e suksesshëm “Big Brother”. Edhe pse e
dinte se falë këtij formati të suksesshëm, banorët kthehen në personazhe publikë, nuk e kishte menduar asnjëherë se mjafton vetëm pjesëmarrja në një program televiziv, për të të ndryshuar krejtësisht jetën. Madje kur e pyet Olsin se çfarë do të doje të ruaje nga e kaluara jote, ai përgjigjet: “Asgjë, kam filluar një jetë të re dhe nuk dua të kthej kokën pas për asgjë”. Padyshim që të gjithë mund të mendojnë se Olsi mori shumë nga ky program pasi tashmë është i njohur, se ka një punë që i pëlqen si menaxher tek kompleksi “Austria”, por ka edhe një të dashur të re, Najadën me të cilën ndjehet aq mirë sa fjalët sipas tij nuk mjaftojnë për të përshkruar gjëndjen shpirtërore që i ka dhuruar ajo vajzë. “Gjithnjë në lidhje më ka ndodhur që femrat gjenin nga një motiv, edhe kot, për të krijuar debate dhe për të të bërë që të ndjehesh keq. Me Najadën është krejt
e kundërta. Ajo është një vajzë e qetë që nuk të mërzit kurrë. Jam me fat që e njoha dhe u lidha me të”. Dhe
sapo kanë dalë nga shtëpia e “Big Brother”, nuk kanë humbur kohë por kanë nxituar të shijojnë privacinë e tyre, tani pa prezencën e kamerave.
Olsi ka shkuar tek shtëpia e Najadës dhe tashmë jetojnë bashkë. Kanë bërë dhe shumë plane për të ardhmen në mënyrë që secili të ndjehet i kënaqur e i realizuar dhe natyrisht vetëm kështu të dy do të ndjehen më mirë edhe me njëri tjetrin. Najada nuk arriti të mbarojë vitin e tretë për shkak të mungesave, por ndërkohë që të dy kanë menduar që të hapin një dyqan rrobash ku edhe Najada të ketë mundësi të impenjohet me diçka. Në atë dyqan do të ketë edhe shumë piktura të saj. Ndërkohë Olsi ka filluar punë si menaxher tek “Austria” dhe pothuajse gjithë ditën është i impenjuar aty. “Është një punë që më pëlqen dhe i falenderoj pronarët e
kompleksit që më zgjodhën mua. Dua të bëj shumë ndryshime, kam shumë ide në kokë” - tregon ai. Por edhe shkolla është në planet e Olsit. Në shtator ai ka vendosur të fillojë Universitetin për Marketing, ndërkohë që Najada do regjistrohet shumë shpejt në një kurs anglishteje. Tani djali 34 vjeçar nuk ndalet Lexo me teper »

Nuk e fshehën dot xhelozinë e tyre, madje as nuk bënë sikur. Në një festë miqësore që fituesi i “Big Brother Albania”, organizoi për miqtë e tij në Bar Mumja të shtunën e kaluar, nga gjithë banorët e tjerë ishin vetëm Astriti, Jonida, Dorina dhe Leonardi. Nuk ishin Olsi me Najadën, Poli me Inën, Juna, Romina, Visi, Ilda, Mardjola, etj. Arbri i ftoi të gjithë, pavarësisht preferencave dhe miqësive që u krijuan brenda shtëpisë së famshme, por ata nuk shkuan.

FESTA, SURPRIZË NGA GERT BOGDANI
Gjithçka ishte ideuar dhe përgatitur nga Gert Bogdani, i fejuari i motrës së Arbrit, dy mbështetësit më të mirë. Për ta kënaqur, Arbrin, një djalë vërtet inteligjent dhe shumë i kulturur ata kishin përgatitur gjithçka duhej. Një koktejl ekzotik, i menduar për të freskuar apo qetësuar inatet e banorëve, dhe për të qenë në fund të fundit, takimi i parë mes miqsh të vërtetë. Lexo me teper »

Atë e sheh kudo dhe patjetër që nuk ka sesi t’i shpëtojë syrit të paparacit tonë. Duket se nuk ka një partner fiks pasi e shikon gjithnjë në shoqëri me djem të ndryshëm. Kësaj here ajo ishte tek “Living Room”, në një darkë ku nuk mungonin edhe shumë personazhe të njohur nga bota e artit dhe sportit. Ilda e cila u bë e njohur falë programit të sukseshëm “Big Brother”, duket se nuk lë rast pa u zbavitur, e pagëzuar nga të gjithë si një qejflije e paparë. Gjatë asaj darke ajo ka kërcyer dhe është zbavitur pa fund në ambientin e ngrohtë që krijohet në atë lokal. Lexo me teper »

Tani që aventura brenda katër mureve ka mbaruar, ajo është më e vëmendshme për të kujtuar momentet më pikante brenda “Big Brother”.

Duke qenë se është shumë e fiksuar pas pamjes së saj të jashtme, ajo kujton se një nga çmenduritë më të mëdha që ka bërë, ka qenë kur një pasdite, para se të fillonte nata finale, krehu flokët me hekurin e rrobave, pasi i mungonte piastra për të shtrirë flokët. “Për ironi të fatit, pas asaj që bëra në darkë erdhi një parukiere brenda “Big Brother”, por mua kjo çmenduri më kushtoi djegien e flokëve, të cilat i kam prerë, pasi kam dalë nga shtëpi”, rrëfen Jonida.

Nëse “Big Brother”, ishte një biletë e sigurt për karrierën, pasi pikërisht dje ka filluar punë si gazetare në “Top Albania Radio”, duket se nuk ka asgjë të re nga fronti i dashurisë për Jonidën, një nga protagonistet me karizmatik të realit show-t më të njohur në Shqipëri.

Gazetarja që provoi emocionet e “Big Brother” nuk e fsheh se kjo ka qenë eksperienca më e bukur e jetës së saj, madje ajo po përpiqet që ta jetojë atë në maksimum, pothuajse çdo ditë, duke udhëtuar çdo fundjavë me grupin e banorëve të tjerë. Ajo rrëfen për “Gossip”, se vijon të ketë miqësi të reja me të gjithë banorët e tjerë, të ndihet shumë e përkëdhelur nga fansat, por përsa i takon pushimeve, ato do t’i shpenzojë me mikrofon në dorë, teksa drejton “Summer Time”, emisionin që startoi dje në “Top Albania Radio”, madje ka edhe shumë projekte të tjera…!

Si ishte dita e parë e punës?
Dita e parë në punën time të re në “Top Albania Radio” ishte vërtet shumë e bukur dhe shkoi mjaft mirë, kjo edhe falë pritjes që më bënë kolegët e tjerë, Eno, Ledio, Xhoi dhe Flori (polici i “Portokalli”), me të cilët do të punoj së bashku për emisionin “Summer Time”. U ndjeva shumë mirë, shumë komode, sidomos nga prezantimi që më bëri Flori Binaj, duke më quajtur “mikesha speciale”. Besoj do të jetë një eksperiencë e bukur, pasi gjithë verën do të jem në lëvizje.

Cili do të jetë roli yt në këtë emision?
Do të jem disa herë në studio, ndërsa herët e tjera direkt në terren, duke intervistuar dëgjuesit për temën e ditës. Sot tema e ditës ishin pushimet e verës dhe u ndjeva shumë komode, qoftë me intervistuesit, por edhe në lidhjet direkte. Do të jetë një punë që do ta bëj 5 herë në javë.

Kjo do të thotë lamtumirë pushime…?
Në fakt do të jetë punë e harmonizuar me disa ditë pushimesh. Më parë kisha planifikuar të shkoja për pushime në Turqi, ndërsa tani do të jem në punë, por kjo nuk do të thotë se nuk do të pushoj, pasi do të udhëtoj në qytetet bregdetare, ku përveçse do të punoj do të kem mundësi edhe të marr rreze dielli. Por primare për mua në këto momente është puna dhe dua që të impenjohem më shumë aty, ndërsa pushimet mbeten në plan të dytë.

Po dashuria? Ka ndonjë të re nga lidhja që ke pasur, para se të hyje në “Big Brother”?
Nuk ka pasur asgjë të re përsa i takon lidhjes që kam pasur. Personi që duhet të më bëjë për vete duhet të lodhet shumë për të më arritur…(qesh). Edhe pse e kam pasur mendjen tek ai, nuk mund të them se ka pasur ndonjë tjetër që të ketë tentuar të hyjë në jetën time deri tani.

Besoj se je në pritje të një lidhje të re apo…?
Nuk kam pse e fsheh. Pas “Big Brother”, ka pasur shumë njerëz që më kanë përgëzuar për lojën time dhe kjo ka qenë dhurata më e bukur që ata më kanë bërë, përpos numrit të madh të mesazheve dhe urimeve. Megjithatë jam në pritje të një lidhjeje nëse ajo do të trokasë dhe do të më përshtatet.

Si shkojnë marrëdhëniet me miqtë e tjerë të “Big Brother”?
Gjithçka shumë mirë, vazhdojmë të frekuentojmë rregullisht njëri-tjetrin, festat apo baret e ndryshme të Tiranës dhe jashtë saj. Së fundmi isha në festën e Arbrit, ku u kënaqëm shumë, ndërsa para një jave ishim të gjithë në Vlorë ku ja kaluam shumë mirë, pas një ftese që na u bë nga pronari i një lokali.

Merrni shpesh ftesa të tilla udhëtimesh? Lexo me teper »

Të gjithë ata djem e vajza që u bënë të njohur falë programit “Big Brother”, tani po jetojnë ditët e tyre si njerëz të famshëm. Të gjithë kanë dëshirë t’i takojnë dhe t’u flasin. Ishbanorët e shtëpisë më të
famshme në Shqipëri, ndjejnë se falë atij programi janë bërë miqtë e të gjithëve. Dhe duket se vera e tyre do të jetë e pasur me aktivitete dhe zbavitje.

Të shtunën e kaluar, disa prej banorëve u ftuan në “Vila 1” në Vlorë, ku patën mundësi të kalojnë një fundjavë të këndshme në një nga qytetet më të bukura të vendit. Por të qenit afër detit nuk ishte e vetmja kënaqësi që ata morën. Pasi shijuan darkën e këndshme
tek ky lokal i njohur, të gjithë filluan të kërcenin nën tingujt e muzikës së zgjedhur. Por pas pak, në skenë u shfaqën dy balerina shumë seksi të cilat padyshim e ngrohën shumë ambientin dhe si gjithmonë djemtë nuk arrijnë t’i rezistojnë një atmosfere të tillë.
Kështu Visi, Çimi dhe Poli filluan të kërcejnë së bashku me balerinat. Gjithçka që ka ndodhur atë natë mund të kuptohet fare mirë edhe nga këto foto që paparaci ynë i cili i ndjek këmba këmbës, ka sjellë për “Panorama plus”. Kërcimi ka qenë tejet sensual dhe balerinat duket se kanë qenë të predispozuara që t’i kënaqnin deri në fund ata. Këtë moment e ka shijuar shumë edhe Çimi, babai i dy fëmijëve i cili si gjithë banorët e tjerë, tani është bërë i famshëm. Ai nuk ka ngurruar të kërcejë me balerinat në mënyrë shumë sensuale dhe intime edhe pse Rudina e ndiqte e ulur në një nga tavolinat. Ajo jo vetëm që nuk shfaqte shenja xhelozie, por përkundrazi po e shijonte shumë këtë moment sensual që balerinat po i dhuronin bashkëshortit të saj. Miqtë e çiftit tregojnë se Çimi dhe Rudina janë një çift perfekt, prandaj dhe qejfmbetejet mes tyre, mesa duket, duhet të ndodhin për arsye shumë të forta e kurrsesi nga një kërcim me balerina.Por balerinat seksi duket se kanë zbavitur pa fund edhe Polin i cili sapo ka filluar një histori dashurie me Inën, Lexo me teper »

Ashtu si të gjithë mund ta imagjinoni, Poli dhe Ina kanë kaluar ato pak orë të natës së bashku në njërën nga dhomat e hotelit. Sipas informacioneve që ne kemi marrë, duket se Ina dhe Poli nuk janë çmallur akoma si duhet, prandaj dhe momentet e tyre intime me siguri janë shumë më të zjarrta nga ç’mund ta imagjinoni. Ata që kanë patur dhomat afër dhomës së Inës dhe Polit, nuk kanë patur mundësi të flenë gjumë pasi për dreq dëgjohej gjithçka që ndodhte nga ana tjetër e murit. Kështu informatorët tanë tregojnë se Ina dhe Poli nuk kanë fjetur asnjë minut, vetëm kanë bërë dashuri. Ndërsa në mëngjes, miqtë e tyre nuk i kursyer shakatë dhe
ngacmimet me dy të rinjtë e dashuruar, duke iu thënë se i kishin lënë pa gjumë pasi gjithçka çfarë ndodhte tek dhoma e tyre, ata patën mundësi ta dëgjonin. Siç e shihni edhe nga fotoja Ina dha Poli kanë mundur të flenë vetëm në autobus, teksa ktheheshin për në Tiranë.

 Lusika Hajdari në karuselin e Big Brother. As që e kishte menduar se dashuria e tyre do të kishte një fund të tillë, përpara se Olsi, të hynte në lojë. E tani që “loja” aty brenda po bëhet më e fortë se kurrë, Lusi ndihet më e lënduar se asnjëherë tjetër. Nuk kishte ndodhur kurrë më parë në një program televiziv shqiptar të ndodhnin reagime të tilla “live”, ku një vajzë guxon drejtpërdrejtë të shpallë fundin e një lidhje më shumë se 3 vjeçare. Kjo ngjarje, pa dyshim që i dha një ngjyrim krejt të ri Big Brother-it, por edhe jetës së Lusikës, e cila tashmë pretendon se nuk do të ketë kthim me Olsin.

Vajza trendy e “Shallvareve”, vendi ku të rinjtë kanë frekuentuar vazhdimisht njëri-tjetrin, është ndier tejet e sikletosur pas lidhjes që Olsi ka nisur me Najadën, një nga banoret interesante të shtëpisë. Ajo kurrsesi nuk arrin ta kuptojë sjelljen e Olsit aty brenda, pasi sipas saj Olsi po tregon mungesë respekti ndaj saj dhe historisë së tyre, e cila asnjëherë nuk ka qenë e fshehtë, përkundrazi e deklaruar si e tillë nga të dyja palët. Nga ana tjetër, ajo nuk mund ta kuptojë as mënyrën sesi Olsi sillet me Najadën, duke mos e gjykuar aspak serioze. Çfarë ka ndodhur me Olsin e saj? Pikërisht këtë gjë Lusi nuk arrin ta kuptojë. Ajo ndodhet në momente të vështira dhe beson se më të vështirë do ta ketë kur Olsi të dalë nga shtëpia dhe të përballet me të. Ndonëse duket më se e vendosur se nuk do të ketë kthim prapa. 
 

“Përpiqem të mos e shoh fare në televizor, mirëpo ndonjëherë më merr malli dhe ngrihem natën, sa e sheh pak dhe pastaj e fik se nuk dua të lëndohem më tej”, tregon vajza me sinqeritet. Nuk e fsheh mallin e herëpashershëm, por as inatin ndaj tij. Madje nuk ka lejuar as qenin e tyre, që Olsi e ka fort për zemrër, t’ia fusë Olsit në shtëpi, pasi sipas saj, ai i përkiste vetëm atyre të dyve dhe tani Olsi nuk e meriton më. 

Ka qenë një ndër mbështetëset dhe nxitëset kryesore që Olsi të bëhet pjesë e Big Brother, ndërsa tani i duhet të përballojë e vetme një histori publike të të dashurit të saj, histori që transmetohet nga mëngjesi në mbrëmje.

Për të treguar lidhur me ndjesitë e saj, dilemat, vendimet dhe kryesisht lidhjen e saj të dashurisë me Olsin jashtë shtëpisë së Big Brother, Lusika Hajdari në një intervistë ekskluzive dhënë për revistën Shqip.     

Ka patur shumë komente pas hyrjes tuaj të papritur në spektaklin e radhës së “Big Brother” për të deklaruar ndarjen nga Olsi. E kishe menduar se mund të ndodhte një gjë e tillë, para se Olsi të bëhej pjesë e këtij reality show?

Kur shihja skena të tilla te “Grande Fratello”, program që e ndjek prej 8 vitesh në ekranet italiane, ndihesha shumë keq dhe asnjëherë nuk mund ta besoja që mund t’i ndodhte kujtdo një gjë e ngjashme. Por që do e provoja vetë një gjë të tillë nuk më shkonte kurrë në mendje.

 Si e more vendimin për ta bërë një gjë të tillë?

Ishte diçka që u bë më e fortë se unë. Diçka ishte thyer brenda meje dhe gati po plaste. Vinte nga zemra, nga shpirti. Doja t’ia thoja përpara syve gjëra të cilat po më lëndonin. Më mbyste ideja qe e akumuloja çdo dite brenda vetes. Ajo vërtet është lojë, por sjelljen e Olsit nuk e kam parë kurrë si lojën e Olsit aty brenda, sepse kjo që ndodhi është një mungesë e theksuar respekti dhe mohim ndaj meje. Lexo me teper »