Lusika Hajdari në karuselin e Big Brother. As që e kishte menduar se dashuria e tyre do të kishte një fund të tillë, përpara se Olsi, të hynte në lojë. E tani që “loja” aty brenda po bëhet më e fortë se kurrë, Lusi ndihet më e lënduar se asnjëherë tjetër. Nuk kishte ndodhur kurrë më parë në një program televiziv shqiptar të ndodhnin reagime të tilla “live”, ku një vajzë guxon drejtpërdrejtë të shpallë fundin e një lidhje më shumë se 3 vjeçare. Kjo ngjarje, pa dyshim që i dha një ngjyrim krejt të ri Big Brother-it, por edhe jetës së Lusikës, e cila tashmë pretendon se nuk do të ketë kthim me Olsin.

Vajza trendy e “Shallvareve”, vendi ku të rinjtë kanë frekuentuar vazhdimisht njëri-tjetrin, është ndier tejet e sikletosur pas lidhjes që Olsi ka nisur me Najadën, një nga banoret interesante të shtëpisë. Ajo kurrsesi nuk arrin ta kuptojë sjelljen e Olsit aty brenda, pasi sipas saj Olsi po tregon mungesë respekti ndaj saj dhe historisë së tyre, e cila asnjëherë nuk ka qenë e fshehtë, përkundrazi e deklaruar si e tillë nga të dyja palët. Nga ana tjetër, ajo nuk mund ta kuptojë as mënyrën sesi Olsi sillet me Najadën, duke mos e gjykuar aspak serioze. Çfarë ka ndodhur me Olsin e saj? Pikërisht këtë gjë Lusi nuk arrin ta kuptojë. Ajo ndodhet në momente të vështira dhe beson se më të vështirë do ta ketë kur Olsi të dalë nga shtëpia dhe të përballet me të. Ndonëse duket më se e vendosur se nuk do të ketë kthim prapa. 
 

“Përpiqem të mos e shoh fare në televizor, mirëpo ndonjëherë më merr malli dhe ngrihem natën, sa e sheh pak dhe pastaj e fik se nuk dua të lëndohem më tej”, tregon vajza me sinqeritet. Nuk e fsheh mallin e herëpashershëm, por as inatin ndaj tij. Madje nuk ka lejuar as qenin e tyre, që Olsi e ka fort për zemrër, t’ia fusë Olsit në shtëpi, pasi sipas saj, ai i përkiste vetëm atyre të dyve dhe tani Olsi nuk e meriton më. 

Ka qenë një ndër mbështetëset dhe nxitëset kryesore që Olsi të bëhet pjesë e Big Brother, ndërsa tani i duhet të përballojë e vetme një histori publike të të dashurit të saj, histori që transmetohet nga mëngjesi në mbrëmje.

Për të treguar lidhur me ndjesitë e saj, dilemat, vendimet dhe kryesisht lidhjen e saj të dashurisë me Olsin jashtë shtëpisë së Big Brother, Lusika Hajdari në një intervistë ekskluzive dhënë për revistën Shqip.     

 

Ka patur shumë komente pas hyrjes tuaj të papritur në spektaklin e radhës së “Big Brother” për të deklaruar ndarjen nga Olsi. E kishe menduar se mund të ndodhte një gjë e tillë, para se Olsi të bëhej pjesë e këtij reality show?

Kur shihja skena të tilla te “Grande Fratello”, program që e ndjek prej 8 vitesh në ekranet italiane, ndihesha shumë keq dhe asnjëherë nuk mund ta besoja që mund t’i ndodhte kujtdo një gjë e ngjashme. Por që do e provoja vetë një gjë të tillë nuk më shkonte kurrë në mendje.

 Si e more vendimin për ta bërë një gjë të tillë?

Ishte diçka që u bë më e fortë se unë. Diçka ishte thyer brenda meje dhe gati po plaste. Vinte nga zemra, nga shpirti. Doja t’ia thoja përpara syve gjëra të cilat po më lëndonin. Më mbyste ideja qe e akumuloja çdo dite brenda vetes. Ajo vërtet është lojë, por sjelljen e Olsit nuk e kam parë kurrë si lojën e Olsit aty brenda, sepse kjo që ndodhi është një mungesë e theksuar respekti dhe mohim ndaj meje.

 Cili ishte ai moment kur fillove të mendosh se duhej t’i jepje fund me Olsin?

Olsi e kishte deklaruar që në fillim se është i lidhur me dikë, e që kjo jam unë. Por vetëm në raste shumë të rralla Olsi ka thënë gjëra që unë i meritoj. Për këtë gjë në fakt, nuk i vë edhe shumë faj, pasi loja aty bën që shumë gjëra të cilat thuhen, mund të përdoren nga të tjerët aty brenda. Prandaj edhe ai ka folur pak për mua. Por ndërkohë ka harruar se me sjelljen e tij po lëndon dikë që e ka shumë të afërt…

Të gjithë e shohin sjelljen e Olsit dhe unë ndihem shumë keq. Tirana është e vogël dhe njerëzit njihen mes tyre. Nuk kishte pse të fuste ndjenjat në lojë, jetën e tij private. 

 Brenda ishte edhe Juna që kishte vëmendjen e Olsit. Për cilën prej vajzave je ndjerë më tepër xheloze, për Junën apo Najadën?

Për asnjërën, nuk e kam ndjere asnjëherë xhelozinë. Jam tip impulsiv. Atë që e ndiej e them, nuk e mbaj përbrenda, nuk kam frikë nga e vërteta. Por realisht nuk jam bërë xheloze, as për njërën e as për tjetrën dhe asnjëherë për asnjë femër tjetër që mund të ketë patur Olsi. Unë jam e lënduar vetëm nga sjellja e Olsit që po tregon mungesë të theksuar respekti ndaj meje. Mua nuk më intereson se çfarë bën Olsi aty brenda, por Olsi nuk e di se me çfarë do të përballet kur të dalë përjashta.

 Kjo do të thotë se nuk do të arrish ta falësh Olsin, ta kuptosh atë?

Nuk mund ta fal. Jam e vendosur për këtë.

Beson se historitë e Olsit me vajzat janë pjesë e lojës?

Duhet të gjej ndonjë psikolog të ma shpjegojë…(qesh)

Nuk mund të di kuptimin e historive të Olsit. Thjesht duhet që dikush të më shpjegojë gjendjen shpirtërore, sesi mund të ndihet ai, gjë të cilën nga ekrani nuk arrij ta kuptoj, pasi nuk mund të vihem dot në pozicionin e tij aty brenda, sepse nuk ka patur arsye që të sillet në atë mënyrë.

Olsi më duket sikur është lëshuar nga zinxhiri. Kjo më bën të mendoj se e paska patur shumë frikë figurën time, si Lusi. Nuk e di nëse është kjo, apo është loja, ajo që e ka bërë aq të pamatur dhe të humbasë kontrollin.

 Si është Olsi jashtë?

Olsi më ka pëlqyer se ka qenë i lirshëm dhe më respektonte mua, shoqet dhe familjarët e mi. Nuk mbaj mend të kem patur ndonjëherë probleme të tilla, ose që të jem ndjerë keq për ndonjë femër. I kam kërkuar Olsit që mos ta humbasë kontrollin. “Mos më lëndo, i kam thënë, nëse nuk do që të më humbasësh!” Çdo femër do të kërkonte besnikëri nga partneri i saj. Të njëjtën gjë i kam kërkuar edhe unë, vetëm të më vërë në dijeni për gjërat që bën. Fillimisht ai e kishte problem ta bënte një gjë të tillë, pasi ka qenë i pavarur në jetën e tij jashtë vendit. Por këtu tek ne nuk mund të jesh tërësisht i lirë, pasi është mentaliteti ai që të vret. Dhe unë e kam patur shumë problem këtë përkushtim të Olsit ndaj të gjithëve. Megjithatë nuk di dhe nuk besoj të ketë pasur ndonjë lidhje tjetër paralele, përveç njërës jashtë Shqipërisë. Ishte një lidhje martesore që ma ka thënë edhe e ëma e Olsit, por ishte thjesht një lidhje për dokumente, me një grua më të madhe se Olsi. Për këtë gjë nuk kam mundur ta ndaloj, pasi Olsi e dëshiron ta ketë një pasaportë angleze,  por ende nuk ka mundur ta marrë.

 Prej sa vitesh njihesh me Olsin?

Me Olsin njihem prej shumë vitesh, por bashkë kemi tre vjet.

Thjesht ngaqë jemi tipa që dalim, vlerësojmë veten, lukun. Impakti i parë kanë qenë shikimet dhe e njëjta shoqëri ka bërë që të njiheshim. Puthja e parë ka qenë shumë spontane. Ishte Olsi ai që e mori iniciativën dhe e mori puthjen pa pyetur fare. Atë natë kanë qenë karnavalet dhe po i festonim me shoqërinë në një lokal. Ajo puthje më trullosi pak. Pastaj lidhja jonë vazhdoi duke ia lejuar njeri – tjetrit lirinë personale, por faktikisht çdo natë rrinim bashkë dhe lidhja jonë u forcua natyrshëm.

 Olsi njihet me familjarët e tu?

Nënat përgjithësisht janë shumë xheloze për fëmijët spektaklit kur ajo më mohoi. Por edhe familja e ime kishte problem ta pranonte në fillim Olsin, ngaqë Tirana është shumë e vogël dhe gjërat dihen…

Por nuk dua të shtoj më shumë në këtë pikë. Olsi nga natyra ka qenë shumë i dashur dhe e ka respektuar familjen time. Ai ka marrë pjesë në çdo rast tonin familjar.

 A kishit bërë plane për të ardhmen?

Kemi qenë tipa që i kemi lënë gjërat të rrjedhin vetë, pa bërë plane. E rëndësishme ishte, që ishim mirë me njëri – tjetrin.

 Si e priti familja jote përballjen tënde me Olsin?

Familja ime është e zhgënjyer si me Olsin, ashtu edhe me mua. Me mua, sepse ata nuk e mendonin kurrë që unë mund të bëhesha pjesë e lojës. Big Brother “shfrytëzoi” padurimin tim për t’i thënë dy fjalë Olsit, për të më bërë pjesë të lojës së tyre. Familja ime nuk e ka pëlqyer këtë veprim timin, pasi mendonin se unë nuk duhej t’ia lejoja vetes që të isha aty, sepse shërbeva vetëm për show. 

Herën e parë doja t’i shkruaja një letër. Aty shkruaja ato që arrita në fakt t’ia them kur u përballa herën e dytë me të. I thashë se në një lojë nuk ka pse përfshin ndjenjat dhe të lëndohej një njeri, që ka bërë më shumë për të, sesa 50 mijë Euro. Unë dhe Olsi 50 mijë euro i kemi prishur sa herë….

 Çfarë i referohesh kur thua që Olsi të detyrohet shumë?

Ka patur situata të vështira ekonomike dhe të tjera që nuk dua që t’i them, por ai e di mirë.

 Tek përballja juaj Olsi tha që e ka marrë malli?

Ishte thjesht një justifikim nga ana e tij, por unë prisja që gjërat të shkonin më keq. Por Olsi diti t’i kontrollojë shumë mirë emocionet.

 A ke menduar ndonjëherë të hysh edhe ti brenda në “Big Brother”. Mbase për të shpëtuar lidhjen?

Jo, nuk dua të mbaj një lidhje të sforcuar dhe as të detyruar. Unë nuk e vë në dyshim dashurinë që mund të ketë Olsi për mua, sepse mashkulli në fund të fundit ngelet mashkull.

Unë i thashë se kjo që po bëj nuk dua të ndikojë as tek loja e Olsit dhe as tek publiku. Unë nuk gjeta mbështetje as nga e ëma dhe as nga e motra e Olsit. I vetmi kontakt ka qenë pas herës së parë kur kam dalë në televizor, kur ajo më ka telefonuar dhe më ka thënë: “Ishe bërë shumë e bukur”. Unë nuk i thashë asgjë se nuk doja të krijoja debat. Ajo duhej të ishte e para që duhet të më thoshte, si të ishte nëna ime: “Lusi, bëhu e fortë, ai është duke bërë lojën”. Por jo duke më thënë: “S’e paske njohur Olsin ti?! Ai është vetvetja”. 

 Si janë këto ditë për ty nga ana emocionale?

Dy javët e para e kam pasur shumë të vështirë. Kam pasur shumë probleme me veten. Nuk haja, nuk flija. Pasi kam nxjerrë dufin që ka qenë shumë i madh, ca gjëra kanë filluar të ndryshojnë. E di se do e kem shumë të vështirë kur të dalë Olsi nga loja. As tani nuk më bëhet të punoj, megjithëse mundohem të vazhdoj punën si më përpara dhe të respektoj veten. Unë kam mbështetjen e të gjithë atyre që na njohin, si mua, si Olsin.

Lusika Hajdari, 29 vjeç, prej më shumë se tre vitesh, e dashura e Olsit, njërit prej personazheve më të diskutuar të “Big Brother”

“Dy javët e para e kam pasur shumë të vështirë. Kam patur shumë probleme me veten. Nuk haja, nuk flija. Pasi kam nxjerrë dufin që ka qenë shumë i madh, ca gjëra kanë filluar të ndryshojnë. E di se do e kem shumë të vështirë kur të dalë Olsi nga loja. As tani nuk më bëhet të punoj, megjithëse mundohem të vazhdoj punën si më përpara dhe të respektoj veten. Unë kam mbështetjen e të gjithë atyre që na njohin, si mua, si Olsin”.

“I thashë se në një lojë nuk ka pse përfshin ndjenjat dhe të lëndohej një njeri që ka bërë më shumë për të, sesa 50 mijë Euro”.

“Familja ime është e zhgënjyer si me Olsin, ashtu edhe me mua. Ajo nuk e ka pëlqyer veprim tim, pasi mendonin se unë nuk duhej t’ia lejoja vetes që të isha aty, sepse shërbeva vetëm për show”.

 “Olsi më ka pëlqyer se ka qenë i lirshëm dhe më respektonte mua, shoqet dhe familjarët e mi. Nuk mbaj mend të kem patur ndonjëherë probleme të tilla, ose që të jem ndjerë keq për ndonjë femër. I kam kërkuar Olsit që mos ta humbasë kontrollin.”

“Nuk mund të di kuptimin e historive të Olsit. Thjesht duhet që dikush të më shpjegojë gjendjen shpirtërore, sesi mund të ndihet ai, gjë të cilën nga ekrani nuk arrij ta kuptoj, pasi nuk mund të vihem dot në pozicionin e tij aty brenda, sepse nuk ka patur arsye që të sillet në atë mënyrë”.

“Olsi më duket sikur është lëshuar nga zinxhiri. Kjo më bën të mendoj se e paska patur shumë frikë figurën time, si Lusi. Nuk e di nëse është kjo, apo është loja, ajo që e ka bërë aq të pamatur dhe të humbasë kontrollin”.

 

 

 

 

 

 

 

Be Sociable, Share!