Tani atë e njohin të gjithë dhe të mendojë për të perfeksionuar look-un e saj, është gjëja e parë që duhet t’i vijë në mendje. Kur ishte brenda shtëpisë së “Big Brother”, Julinda tentoi të eksperimentonte me ngjyra për flokët, mbase edhe thjesht për të luajtur e për të shtyrë kohën, por vetëm tani duket se ajo ka gjetur atë që i shkon me të vërtetë. Ka zgjatur flokët dhe i ka bërë ato ngjyrë platin, duke marrë kështu një pamje shumë moderne por edhe shumë të fisshme. Madje edhe veshjet e saj tani kanë më shumë klas. Ka hequr dorë nga xhinset treçerekëshe dhe bluzat pambuku por edhe nga ngjyrat e çelëta. Tani me këtë model flokësh, veshja e saj e errët i rri perfekt.
Julinda është e pranishme në aktivitete të ndryshme ku gjen edhe mjaft personazhe të tjerë të njohur. Si gjithmonë atë e sheh të shoqëruar nga Juna, mikja që njohu brenda shtëpisë së “Big Brother”, por edhe nga Visi dhe të tjerët. Julinda krijoi gjithashtu shumë miqësi edhe me Besartën nga Kosova me të cilën pak kohë më parë hapën edhe një dyqan veshjesh në kryeqytet. Julinda punon në një nga bankat e Tiranës dhe ka disa vite e lidhur me Romin, një djalë shumë simpatik. Duket se lidhja e tyre po shkon më së miri edhe tani që jeta e Julindës ka ndryshuar.

Burimi: Panorama Plus

Be Sociable, Share!