Në fillim Madalena, pastaj Besarta. Rishfaqet Madalena, dhe ikën Besarta, por këto janë thjesht dy vajzat që ne njohim më mirë. Fituesi i “Big Brother”, Arbër Çepani tani nuk e fsheh më shoqërinë, pse jo herë pas here nga vajza të reja dhe të panjohura. Ruajti imazhin e djalit serioz, dhe të ekuilibruar brenda shtëpisë së “Big Brother”, por mesa duket në këtë pikë s’është se ndryshon shumë nga Olsi, edhe pse dihet që ky është moskokëçarësi. Është angazhuar me nismën “Ndryshimi fillon nga ty”, ndërsa preferon, që fundjavat dhe orët e vona t’i kalojë duke u argëtuar në lokalet më të njohura të natës në Tiranë. Në këtë foto që shihni paparaci ynë e ka fotografuar në ambientet e Lolly Pop, në shoqërinë e një vajze brune. Arbri i “Big Brother” ashtu siç njihet tashmë, vendosi që famën e tij si fitues i një reality show”, ta menaxhonte ndryshe më një nismë vullnetare, serioze, dhe që të ishte në shërbim të të tjerëve. Por pas daljes nga shtëpia e “Big brother” as ai nuk mund të bënte përjashtim, nga jeta e gëzuar por dhe andrralla, që të ofron një famë e papritur. U përfshi në faqet rozë, pikërisht për dilemën e tij mes Madalenës së zemëruar dhe Besartës, ish banores së “Big Brother”. Gjithsesi ai s’e pranoi asnjëherë lidhjen e tij me Besartën, sidomos pasi në krah të tij u pa sërish Madalena, duke u dhënë fund thashetheme për një kohë të gjatë.

Burimi: Panorama Plus

Be Sociable, Share!