“Big Brother” pëlqehet jo vetëm për faktin se të gjithë kanë mundësi që nëpërmjet ekranit të shohin ‘non stop’ disa copëza jete njerëzish, por tërheqja ndaj këtij formati bëhet akoma edhe më e fortë kur brenda atyre katër mureve, lindin histori dashurie. Dhe nëse duhen plotësuar të gjitha këto kushte që suksesi të jetë i garantuar, mund të themi me plot gojë që pjesmarrësit e “Big Brother 1” e kishin kuptuar shumë mirë se ku qëndronte çelësi i suksesit pasi nuk mjaftonte të ishe një vajzë apo një djalë i shkatthët për t’u pëlqyer. Duhej të mbaheshe mend gjatë dhe të bënin të gjithë tifo për ty falë një love story. Kjo është arsyeja pse akoma ka kuriozitet për jetën e Olsit, Najadës, Polit apo Inës. Edhe pse me ulje-ngritjet e tyre, me grindje, qejfmbetje, ribashkime, siç është vetë jeta, ka qenë pikërisht kjo kurbë kaq e gjallë që e ka mbajtur kuriozitetin lart për lexuesit.
Poli dhe Ina ndryshe nga Najada dhe Olsi, historinë e tyre të dashurisë e filluan kur dolën nga shtëpia e
“Big Brother”. Natyrisht tani ishin sy të tjerë që i ndiqnin ngado dhe mesa duket kjo vënie në qendër të vëmendjes iu pëlqente edhe atyre. Dhe pa mbaruar mirë vera, mbaroi edhe kjo lidhje për të cilën shumë mund të vinin bast se do të shkonte gjatë. Më pas Ina pothuajse u zhduk nga vëmendja mediatike, ndërkohë që Poli zgjedh të bëjë rolin e Don Zhuanit ku pikën kulminante e arrin në trajnimin që ai bëri në ishujt Kanarie ku edhe falë pamjes së tij, femrat nuk kishte shumë zor t’i bënte për vete. Edhe kur u rikthye në Tiranë vijoi si për inerci me të njëjtin ritëm duke u parë gjithnjë nën shoqërinë e femrave seksi. Në sjelljet e tij me femra, ai të linte të kuptoje se nuk kishte as edhe një farë keqardhjeje për historinë me Inën, e cila sipas miqve thuhej se ishte shumë xheloze për Polin, madje mund të ketë qenë pikërisht kjo dhe arsyeja e ndarjes së tyre. Pa kaluar shumë javë, edhe Ina filloi të shoqërohej me një djalë. Edhe ai mjaft simpatik, miqtë e përbashkët na tregojnë se quhej Andi dhe se kishte qenë futbollist, por e kishte lënë sportin edhe pse i ri në moshë. Çifti shkonte gjithandej bashkë, në lokale dhe në pub-e duke mos e fshehur lidhjen.
Dukej se tani Ina kishte gjetur djalin e duhur, mbi të gjitha pa atë vëmendjen mediatike që kishte pasur Poli. Por edhe kësaj radhe Ina nuk pati fat. Pak javë më parë ata janë ndarë dhe sipas burimeve tona Andi është rikthyer tek ish e dashura e tij, me të cilën njiheshin që kur ishin fëmijë dhe kishin një lidhje të gjatë, një vajzë me emrin Pegi, e cila njihet si këngëtare. Tani Ina është pa të dashur, ndërkohë që vijon të frekuentojë miqtë e saj të përhershëm, por edhe ata me të cilët u lidh gjatë programit të “Big Brother”. Ka eksperimentuar
disa herë me ngjyrat e flokëve por duket se nuk ka gjetur rehat. Po kështu edhe veshjet me ngjyra llojlloj,
e bëjnë që të bjerë në sy, por jo të ngjajë bukur. Ne kemi arritur të sigurojmë disa foto të Inës me Andin, foto të cilat ajo i ka pasur edhe në facebook, por i ka hequr që kur ata janë ndarë. Gjithashtu, disponojmë edhe foto të tjera në pozicione shumë më seksi dhe provokuese, të cilat do t’i publikojmë në numrat e ardhshëm.