Bjordi Mezini është një nga djemtë më të përfolur në Big Brother. Sot, ai vjen i rrëfyer nëpërmjet një interviste nga shoku i tij më i ngushtë, ku tregohen edhe të vërtetën e fotos, veshur si femra.Fundjavën e shkuar, në një foto të publikuar në suplementin e gazetës “Shekulli”, SH2, Bjordi, pjesëmarrës në Big Brother, ishte veshur si femër së bashku me dy miq të tij. Fustane, dekolte, dhe performanca që të bëjnë të dyshosh? Dhe, në fakt, komentet në faqen e SH2-shit on-line, ishin nga më të ndryshmet. Andrea Ghirilli, një nga miqtë më të mirë të Bjordit, i cili pozon me të në foto, tregon të vërtetën e atij momenti, se çfarë ka ndodhur me djalin e BB-së dhe shokët e tij italianë, atë mbrëmje. Por, jo vetëm kaq, ai flet edhe për marrëdhëniet e tij me femrat italiane dhe të huaja. Andrea na rrëfen se si e ka njohur 20-vjeçarin Mezini, ëndrrat dhe dëshirat e tij për t’u bërë një aktor i madh. Më tej ai na zbulon nëse Bjordi është apo jo një biznesmen.

Andrea, prej sa kohësh e njihni Bjordin?

Bjordi është një nga miqtë e mi më të mirë shqiptarë. Bashkë jemi njohur në një koncertin tim, në një bar. Bëhet fjalë për 3-5 vjet më parë, kur Bjordi ishte ende 16 vjeç.
Ju jeni italian dhe jeni miku i Bjordit. E keni problem që keni një shok shqiptar?
Po, unë jam Italian, po kjo nuk ka aspak rëndësi. Fakti që Bjordi është shqiptar nuk më krijon asnjëlloj problemi. Nuk kam komplekse të tilla për ekstrakomunitetet. Shumë shpesh dëgjojmë opinione negative për shqiptarët, mjafton t’i njohësh dhe të qëndrosh për pak kohë me ta, dhe do të kuptosh se ke të bësh me njerëz shumë të mirë, dhe Bjordi është një i tillë. Nga ky djalosh unë njoh edhe shumë miq të tij shqiptarë, të cilët nuk janë aspak problematikë.

Mendoni ju se Bjordi do ta fitojë Big Brother-in?

Unë shpresoj që po. Besoj që ai djalë ka shumë mundësi të mira për të fituar atë çmim. Normalisht, i uroj shumë sukses, duke u kthyer fitimtar në Itali. Ai është nga ata djem me vlera dhe ka çfarë të japë në një shtëpi të mbyllur.

Në facebook gjendet një fotoja juaj së bashku me Bjordin dhe një mik tuajin, të tre aty jeni të veshur si femra. Duhet të dyshojmë këtu për preferencat e Bjordit ndaj meshkujve? Përse është bërë ajo foto?

Ajo fotografi është realizuar gjatë një feste me maska, që ne kemi organizuar në Sardenjë. Në atë mbrëmje të gjithë meshkujt duhet të visheshin si femra dhe femrat duhet të visheshin si meshkuj. Atë imazh e kam publikuar në këtë faqe për një motiv të vetëm, sepse e shikojë si shumë qesharake dhe zbavitëse. Asgjë më tepër. Nuk bëhet fjalë për preferenca ndaj meshkujve. Ajo foto nuk ka asgjë të keqe.
Në Shqipëri qarkullojnë thashetheme se Bjordi është gay… Sa e vërtetë është kjo?
Jo, Bjordi nuk është absolutisht gay… duhet të jenë përshtypje të gabuara, ose ndoshta thashetheme pa vend.

Kur e morët vesh që Bjordi do të ishte pjesë e Big Brother-it në Shqipëri?

U njoftova se Bjordi do të merrte pjesë në këtë reality show, kur më kërkuan të isha pjesë e videos që do të realizohej për të. Unë jam pjesë e profilit të tij në BB. Vetëm atë ditë kur më morën në telefon dhe më thanë se duhet të isha pjesë e atij profili, e mora vesh. Normalisht u gëzova për mikun tim.

Ju mungon Bjordi?

Sigurisht. Ai është një nga miqtë e mi më të mirë dhe patjetër që me mungon. Jo vetëm mua, por e gjithë shoqëria e ndjek me vëmendje.

Andrea, na tregoni diçka për veten tuaj. Cili është profesioni juaj në Itali?

Jam student në Akademinë e Arteve të Bukura në Milano. Studioj pikturë dhe arte kontemporane. Studioj muzikë që prej 12 vitesh. Në 8 vitet e fundit kam studiuar basso. Kam luajtur me shumë grupe të famshme rrok, vetëm në vendet provinciale. Tani, që prej një viti, i jam dedikuar xhazit. Unë edhe Bjordi jemi bërë miq falë faktit që ndajmë shumë interesa dhe elementë të përbashkët me njëri-tjetrin. Si për shembull, kinemaja dhe muzika. Madje, në drejtimin e muzikës unë jam bërë edhe mësuesi i tij i bassit. Kjo për faktin se ai e ka shumë dëshirë muzikën, përveç aktrimit, që është ëndrra e tij ë parë.

Si është Bjordi në marrëdhënie me femrat?

Bjordi është i rrethuar nga shumë vajza. Ai i do vajzat e bukura. Motivi se përse atë e gjuajnë shumë gocat është se Bjordi është xhentil. Adhuron femrat e bukura. Që nga koha që e njoh, ka patur shumë të dashura, si italiane, ashtu edhe të huaja, të gjitha të bukura, si Mimoza (vajza në BB).

Cilat janë anët pozitive dhe negative të Bjordit?

Është simpatik, i gatshëm të ndihmojë gjithmonë miqtë e vet. Është inteligjent e i shkathët. Kur është ai, vështirë se mund të mërzitesh.
Është e vërtetë që Bjordi është një biznesmen i madh?
Nuk i njoh mirë punët e tij, por jam i sigurt që do të jetë i suksesshëm.

Për Bjordin…
Ka nga ato që ia kanë shprehur dashurinë djalit që tani, duke realizuar foto me të. Sigurisht kjo jo me Bjordin, pasi ai është brenda shtëpisë, po me fotot e tij. Një nga fansat ka hapur një blog në facebook, ku ka realizuar një montazh fotosh, madje ka vendosur edhe një mbi shkrim “I lave Bjordi!”.