Ish-i dashuri i Aidës së “BB2” tregon gjithçka për lidhjen e tij të dashurisë, për njohjen me të ndjerin babin e Aidës, për largimin e saj në Itali, për tatuazhin e çuditshëm në trupin e saj dhe për motivet që i larguan nga njëri-tjetri. Ajo preferoi shtëpinë e një “reality shou”, ndërsa ai shkoi edhe më tej, pikërisht në kontinentin e largët të Amerikës…

Për herë të parë rrëfehet ekskluzivisht për gazetën “Korrieri” ish-i dashuri i njërës prej protagonisteve kryesore të edicionit të dytë të “Big Brother Albania”. Endrit Masha, djaloshi simpatik që aktualisht po kryen një specializim ne Florida të Shteteve të Bashkuara të Amerikës, tregon për marrëdhënien e tij me Aidën.
Një dashuri e bukur që nisi mes njohjeve dhe shoqërisë së përbashkët, lidhja katërvjeçare e tyre, të papriturat, surprizat, çmenduria që ajo ka bërë në emër të dashurisë dhe arsyet e ndarjes së tyre. Endriti ka pranuar më në fund të hapë zemrën për gjithë lexuesit e gazetës dhe fansat e Aidës, ashtu siç e pranoi
si pjesë të tijën në një lidhje të paharrueshme që zgjati jo pak, por plot katër vjet.
-Endrit, jemi kuriozë të dimë sesi e ke njohur ti Aidën përpara se të lidheshe me të?
“Me Aidën jam njohur në një ambient shoqëror, gati 10 vjet më parë, teksa dilnim dhe frekuentonim lokalet e të ashtuquajturës zonë e Bllokut. Kishim shoqëri të përbashkët, të cilët sot e kësaj dite janë miqtë tanë më të mirë”.
-Çfarë të ka pëlqyer tek ajo dhe çfarë tipi është Aida?
“Më ka pëlqyer dhe vazhdon të më pëlqejë tipi i saj i hedhur dhe tepër i çiltër. Aida është një vajzë shumë
energjike dhe impulsive në disa raste. Nuk pëlqen njerëzit që aktrojnë në jetën reale dhe nuk paragjykon askënd”.
-Sa zgjati lidhja juaj dhe si mund ta përshkruani sot atë?
“Lidhja jonë zgjati rreth 4 vjet. Një histori plot surpriza dhe shumë për t’i dhuruar njëri-tjetrit”.
-Si çdo lidhje dashurie, edhe ju besoj keni pasur ato uljet e ngritjet tuaja. Për çfarë ziheshit më shumë me njëri-tjetrin, për çfarë konfliktoheshit?
“Jo dhe aq, por në ato të pakta raste që kishte grindje, si çdo çift gjenim gjuhën e përbashkët shumë shpejt, me anë të mirëkuptimit”.
-Arsyeja për të cilën jeni ndarë?
“Do të thosha që më shumë është një pauzë mes nesh. Për momentin vrapojmë në dy rrugë të ndryshme,
që nuk mund të kryqëzohen. Prioriteti jonë është karriera, që e bën të pamundur lidhjen tonë falë largësisë. Një kryqëzim në të tillë situatë, do të ishte një pengesë për prioritetet që unë dhe Aida ndajmë”.
-Ju e dinit përpara se të lidheshit, se Aidës i kishin vdekur të dy prindërit. A fliste ajo me ty për këtë gjë dhe si je përpjekur për ta ndihmuar? Lexo me teper »

Po po, është Arbri, fituesi i “Big Brother 1”, ai që i bëri të gjithë për vete me imazhin e djalit të mirë. Madje ai u mor si model i djalit perfekt, dhe nënat lusnin Zotin që bijtë e tyre t’i ngjanin pikërisht atij. Dhe në fakt ashtu është. Arbri jo vetëm brenda në shtëpinë e survejuar, por edhe jashtë, ka demonstruar disa cilësi shumë të mira. Ai u quajt djali i fjalës së mbajtur pasi ashtu siç premtoi, 50 mijë eurot i shpenzoi për aktivitete sensibilizuese të pagëzuara me sloganin “Ndryshimi fillon nga ti”. Për shkak të aktiviteteve të shumta të organizuara prej tij dhe një stafi vullnetarësh, Arbri ka vijuar të jetë në qendër të medias të cilat kanë pasqyruar çdo gjë. Por nuk duhet harruar, ai është vetëm 22 vjeç, po jeton në Tiranë dhe dashur pa dashur do bëjë jetën e një të riu tipik kryeqytetas. Kështu Arbri është një frekuentues i rregullt jo vetëm i aktiviteteve të ndryshme ku mysafirë janë fytyra të njohura të ekranit, por edhe i jetës së natës.

MARRËDHËNIA ME FEMRAT
U tha që Madalena, vajza italiane me të cilën kishte tre vite lidhje dhe dashuri, e kishte lënë por në fakt
ajo u bë e gjallë sapo Arbri doli nga shtëpia. Ata të dy janë parë së bashku në disa aktivitete. Lexo me teper »

Është e fundit që ka hyrë në shtëpinë e famshme “Big Brother” dhe rrëfimin për veten e ka bërë pak a shumë kështu. Dita e Anjezës 20 vjeçare fillon me vajtjen në shkollë në orën 08:00. Pasi mbaron mësimin shkon në parukerinë “Frida” në rrugën “Bardhyl”, punë të cilën e lë rreth orës 10:00 të mbrëmjes. Nëse pyet mikeshat e saj më të afërta, tregojnë se pasioni për parukerinë i Anjezës është një “marrëzi” e vërtetë, kur bëhet fjalë për të eksperimentuar me “look”-un e saj. I pëlqen të ndryshojë pambarimisht. Kur pozoi për një konkurs vajzash në revistën “Trendy”, ishte shumë e vogël dhe flokët i kishte thjesht të shkurtra, në ngjyrën natyrale kaf. Por që nga ajo kohë Anjezën nuk mund ta shohësh dy javë njësoj. Nga
pesë vite, fillimisht kurs dhe pastaj punë në këtë parukeri, ajo mund të ketë ndryshuar dhjetëra modele, gjatësi, apo ngjyra flokësh, nga e verdha, kafja, e kuqja, e zeza, e deri tek fijet lejla. Me baluke, pa baluke, kaçurrela apo të shtrira, ajo pothuaj i ka provuar të gjitha modelet që i shkojnë. E nisi kursin e parukerisë që në moshën 15 vjeçare, dhe që atëherë punon çdo ditë në turnin e pasdites në këtë sallon, ku modelojnë flokët shumë vajza të njohura të ekranit. Nuk dihet se si do shkëputet Anjeza, nga pasioni për parukerinë, sepse vazhdon studimet e larta në vitin e dytë në degën e Juridikut, në një nga universitetet private në Tiranë, pasi ka mbaruar shkollën e mesme për gjuhë të huaj. E çfarë tipi ka qenë Anjeza jashtë shtëpisë?
“Tip i thjeshtë, e shoqërueshme me të gjithë, dhe po ashtu lajkatare”, thonë shoqet e saj. Mbase për natyrën në dukje të butë, të afërmit e morën pak me frikë hyrjen e saj në “Big Brother”, nëse mund ta përballojë dot ose jo lojën mes banorëve të tjerë, që tashmë kanë krijuar dhe grupimet mes tyre. Por
mikeshat tregojnë se Anjeza është aq tip i urtë, sa të mos durojë kapriçot e banorëve të tjerë, pasi kur e shikon që dikush e tepron me të ajo është e aftë të mbrohet. Përsa i përket argëtimit njihet si vajza që i pëlqen të bëjë jetë nate. Lexo me teper »

Është e qetë dhe të krijohet përshtypja se ta bësh të nervozohet, është një mision i pamundur. E megjithatë nuk duket se ka patur një jetë të lehtë. Mesida Lleshi, vajza brune e cila la shtëpinë e “Big Brother” një javë më parë, është një nga bashkëbisedueset më komode që fati mund të ta rastisë ta kesh përballë. Rrëfimet e saj mbi anët e errëta, të dhimbshme, apo edhe për momentet e bukura të jetës, përveç se shoqërohen herë me buzëqeshje e herë me pak trishtim, gjithsesi vijnë të qeta dhe pa keqardhje. Nuk është mërzitur që ka lënë shtëpinë më të famshme në Shqipëri, por tregon se e ka marrë malli për të gjithë banorët sapo ka dalë që andej. Ndërkohë jashtë e presin miqtë dhe disa kushërinj të cilët së bashku, janë familja e saj sa herë ajo vjen në Tiranë.

MARRËDHËNIET ME BANORËT DHE SHOQËRIA ME ZHULJETËN
Nëse ne ju themi se tani që ka dalë jashtë shtëpisë Mesida po shoqërohet me Zhuljetën, ju a do ta besoni? Duket absurde por është e vërtetë. Vetë Mesida tregon se ndjehet mirë në shoqërinë e Zhuljetës dhe po e frekuentojnë njëra tjetrën me shumë kënaqësi, duke zbuluar se mes tyre ekziston një marrëdhënie shumë e mirë mikeshash. “Ju nuk mund ta imagjinoni se sa tip fantastik është Zhuljeta. Ajo është një vajzë e dashur dhe ke kënaqësi të bisedosh me të”. Kështu thotë Mesida ndërkohë që kur e pyesim se si ka mundësi që këto cilësi nuk i reflektoi dot brenda shtëpisë ajo thotë: “Kur je në lojë, ndodh që edhe të tjetërsohesh. Mjafton një gjë e vogël që të ta prishë humorin dhe një gjë po kaq e vogël që të të lumturojë. Zhuljeta ka një marrëdhënie shumë speciale me të vëllain, Romeon, dhe fakti që asaj nuk i bënë as edhe një surprizë që t’i mundësonte një komunikim të vogël me të, e demoralizoi. Mendoj se Zhuljeta ishte e vetmja në atë shtëpi që nuk i bënë asnjë surpizë. Tani kam mundur të zbuloj Zhuljetën e vërtetë dhe më pëlqen shumë”.

ARJONI SHOK APO…?
Sapo ka dalë nga shtëpia e “Big Brother”, Mesida ka takuar të parët prindërit e Arjonit. Ka patur kuriozitet
t’i njohë pasi në rrëfimet e Arjonit ata paraqiteshin si prindër model. Dhe nuk është zhgënjyer. “Kam ndenjur rreth katër orë duke biseduar me prindërit e Arjonit dhe jam kënaqur. Ata ishin njerëz të mrekullueshëm. Kjo spjegon edhe arsyen pse Arjoni është i tillë. Ai djalë ka jo vetëm një pamje të bukur por edhe një shpirt po aq të bukur. Është një nga djemtë më të mirë dhe të kompletuar që kam takuar ndonjëherë” – tregon Mesida. Po si mund të vazhdojë lidhja mes Mesidës dhe Arjonit kur ky i fundit të jetë jashtë? “Mendoj se mund të jemi vetëm shokë pasi si të tillë u pozicionuam që në fillim. Ne mendojmë njëlloj në këtë aspekt, nëse nuk kemi një tërheqje që në fillim, asgjë nuk mund të ndryshojë me kalimin
e kohës, por di që do ta kem shumë shok” – thotë ajo. Lexo me teper »

Dy meshkujt me moshë më të madhe brenda shtëpisë së “Big Brother Albania”, duke njohur karakterin e tyre të prirur drejt batutave me humor, ndoshta edhe të hidhur, janë sqaruar menjëherë me banorin më të ri, Anin. Duke ditur se njëlloj si në jetën jashtë shtëpisë, edhe aty brenda ata nuk do rrinin dot pa bërë
ndonjë shaka në lidhje me gjatësinë trupore të Anit, ia thanë atij hapur se gjithçka që ata do të komentonin do të ishte thjesht humor dhe asgjë e keqe. Me shumë sportivitet, djaloshi me shtat të vogël, por me një mprehtësi të këndshme, e mori me shumë humor komentin e Adit edhe Qetsorit. Dy djemtë, që duket se nuk jetojnë dot pa bërë humor mbi gjithçka, kanë menduar se është më mirë ta bëjnë që në fillim një pakt me konkurrentin e ri, para banorë dashakeqës, që ta shfrytëzojnë humorin e tyre ndaj Anit si shkak për t’u zbehur suksesin para publikut televiziv.

Burimi: Suplementi Big Brother

Doli Lirita ! Banorja me pak e votuar ne te gjitha sondazhet dhe forumet shqiptare ku flitet per Big Brother Albania. Sondazhi yne rendit vajzen nga Kosova si nder me pak te votuarat, ajo ka marr vetem 5% te numrit total te votave. Ne pothuajse te gjitha sondazhet kryesonte Aida dhe ne vendin e dyte Mimoza, por prej te dyjave asnjera nuk doli nga shtepia e Big Brother Albania edhe kete jave. Ndoshta Vellai i Madh preferon te mbaj ne loje  Aiden dhe Mozen sepse jane nder konkurentet me te shikuara dhe me te komentuara, por kete asnjeri nuk mund ta di. Ju takon juve, fansave te Big Brother te komentoni dhe te gjykoni kete eleminim. Sa i vertet ishte ky eliminim? Mos valle Big Brother po luan piset?