Historia e dashurisë së Mesida Lleshit, jeta e natës, pasioni për kërcimin dhe divorci i prindërve. Flet ish-i dashuri, Eklen Hotaj
Banorja e re që ka hyrë në Big Brother, duket se i ka “trazuar” pak ujërat në shtëpi. U prezantua si “veterinere”, por doli që ishte konkurrente për 70 mijë euro, njëlloj si të tjerët. Mesida Lleshi, nuk e ka pasur të vështirë të përshtatet me banorët e tjerë, duke treguar shumë pjesë nga jeta e saj.
Mund të thuhet pa frikë që ajo vajzë është tip aventuriereje. I ka provuar të gjitha në jetë. I ati i saj ka qenë nënë edhe baba për të. Ka përjetuar një histori divorci të prindërve të saj, që në moshë fare të vogël.
Gjithë këto vite ka jetuar në Suedi, ku edhe është shkolluar për juridik, duke vënë në dukje dhe pasionin e saj për gjuhët e huaja.

Megjithëse ka hyrë me vonesë në shtëpi, nuk ka nguruar të futet në debate dhe të kundërshtojë banorët për tema të caktuara.
Për këtë herë, ai që flet për Mesidën është ish-i dashuri i saj, Eklen Hotaj. Në një intervistë për gazetën “Shekulli”, Ekleni tregon detaje të jetës së Mesidës, tregon se si e ka njohur atë, natyrën dhe aftësitë e saj. Ka treguar për ditët e tyre të kaluara në Belgjikë, ku Mesi, siç i thërret ai, ka jetuar në shtëpinë e tij për dy muaj.

“Dilnim lokaleve të natës, nga e hëna në të hënë”,- thotë ai, pasi ishte ish-e dashura e tij që adhuronte kërcimin dhe muzikën. Por, historia e tyre e dashurisë nuk zgjati, pasi siç e thotë edhe, ai nuk ishte qëllim në vetvete.
Tërheqja dhe simpatia për njëri-tjetrin ka bërë që të jetojnë një histori të shkurtër dhe të bukur dashurie. Tashmë, Ekleni është miku dhe një nga fansat e saj më të zjarrtë.

Cilat janë marrëdhëniet tuaja me Mesidën dhe kur jeni njohur me të?

Me Mesidën jam njohur nëpërmjet vëllait tim, Yrgynit. Ata janë njohur nëpërmjet Facebook-ut, diku rreth fillimit të 2008-ës. Pastaj jemi bërë fillimisht miq në këtë faqe on-line dhe kështu kemi filluar të komunikojmë, kur ajo ishte akoma në Suedi.
Kur jeni takuar për herë të parë ?
Ajo ka ardhur tek unë në Belgjikë, në fillim të qershorit ‘08, dhe ka qëndruar deri në mes të korrikut ‘08, kohë kur iku në Shqipëri. Ndërsa unë kam shkuar në Shqipëri në gusht, kam qenë në Durrës 2 javë, në Golem më saktësisht. Gjatë kësaj kohe, ajo ka ardhur disa herë tek unë dhe kemi dalë nëpër mbrëmje, si në Durrës, për shembull, apo dhe disa herë në Tiranë.
Gjithashtu, jam takuar me dy shoqet e saj më të mira dhe të ngushta, motrat Ermira dhe Holta. Gjatë kësaj kohe kemi qenë edhe për të parë futboll tek stadiumi Qemal Stafa, 2 herë, një herë Dinamo-Vllaznia, duke ditur që unë jam shkodran, edhe dihet tifoz, e herën e dytë në ndeshjen e 9 shtatorit, Shqipëri-Suedi, bashkë me vëllezërit e mi, Yrgynin dhe Edisonin.

Kur është larguar Mesida nga Shqipëria, dini ju diçka për jetën e saj?
Për sa i përket largimit të saj nga Shqipëria, nuk mundem të të them shumë me saktësi, sepse nuk i kemi konsumuar shumë ato muhabete, por e di se ka jetuar gjithandej, deri sa është vendosur në Suedi. Ka ikur që e vogël në Itali, pastaj në Gjermani 8 ose 9 vjet, mos u gabofsha, dhe ka, me sa di unë, rreth 6 a 7 vite në Suedi.
Vëllanë e ka në Suedi, të martuar me suedeze, dhe një djalë të vogël, kurse nenën e ka të martuar me një gjerman, jeton në veri të Gjermanisë, në Flensburg. Për sa i përket babait, e di se ka disa vite që i ka shkëputur lidhjet krejt me të dhe nuk ka kontakt më.
Cilat janë anët e saj pozitive, që mund ta ndihmojnë të triumfojë në Big Brother?
Anët pozitive?! Mesi ka një zemër flori, e ke shoqe edhe shok, është një vesh që të dëgjon kur ke nevojë, shoqërohet shumë shpejt në çdo ambient, e zgjuar, poliglote (4 gjuhë të huaja: italisht, gjermanisht, suedisht, anglisht), ajo ka lindur veç për party.
Për sa i përket triumfimit të saj në Big-Brother, ia urojë, natyrisht, nga thellësia e zemrës, por sa do jetë e mundur, koha do ta tregojë. Ama, ajo, personalisht i ka mundësitë, sepse është tamam tip për atë program, sinqerisht.
Ku i kalonit fundjavat kur ishit më të?
Jo vetëm fundjavat, por nga e hëna deri të hënën, veç dilnim, non stop, duke bërë party të ndryshme. Kemi bërë edhe gjatë kohës që ka qëndruar në Belgjikë. Kemi qenë një ditë në City-trip në Paris, se e kishte shumë qejf, ëndërr pothuajse, të vizitonte Parisin, si shumëkush, natyrisht.
Mendoni se do të lindë ndonjë ndjenjë dashurie mes saj dhe ndonjë djali brenda shtëpisë së Big Brother-it?
Për sa i përket ndonjë lidhjeje dashurie apo diçka të tillë, jam i sigurt që nuk do zgjasë shumë, në qoftë se do vazhdojë të jetë brenda në shtëpi, dhe asgjë më tepër. Të paktën kështu mendoj, duke e njohur mirë Mesin.
Pse mendoni se Mesida mund të fitojë Big Brother-in?
Me sa kam parë deri tani, mendoj se Bjordi i ka shanset, bashkë me Mesin, që t’i dhurojnë publikut momente të bukura.
Sa e vështirë ka qenë fëmijëria e Mesidës, duke ditur se është rritur me prindër të ndarë?
Me sa kemi folur, ka kaluar një fëmijëri të vështirë, pa nënë, me nënën gjallë, sepse ajo ka jetuar me të atin e nuk është e lehtë për një vajzë që të kalosh fëmijërinë vetëm me njërin prind, e sidomos pa nënë. E di se çfarë do të thotë, se jam rritur edhe vetë, pak a shumë, në të njëjtat kushte, me prindër të divorcuar. Kështu që, kur binte muhabeti, s’e kishim hiç të vështirë për t’u kuptuar!!!!
Çfarë pëlqenit ju më shumë tek ajo, kur ishit bashkë?

Tek Mesi pëlqeja shumë gjëra, përveç pak dembelizmit të saj.

Për çfarë arsyeje i keni shkëputur marrëdhëniet me të?
Ne nuk i kemi shkëputur kontaktet, përkundrazi, jemi shumë shokë të mirë, ajo mua gjithmonë më thërret vëllaçko, ose naro. Kemi akoma kontakt nëpërmjet telefonit, msn-së, Facebook-ut. Në dhjetor unë isha me pushime ne Shkodër dhe jemi takuar, ka qenë dy ose tre ditë në Shkodër tek familja ime, kemi qenë në Tiranë dhe kemi takuar shoqëri në Kavajë, e kështu me radhë….
Pse mendoni se Mesida mund të fitojë Big Brother-in?
Unë mendoj se mund ta fitojë çmimin e parë, sepse nga gjithë ata tipat aty, është më e përshtatshmja, ajo di ta luajë këtë lojë, do e shikoni vetë.

Cilat janë dobësitë e Mesidës? Pika e dobët e saj?

Pika e dobët e Mesidës është se, që në kontaktin e parë, ajo u beson shumë njerëzve. Të gjithë janë njerëz të mirë në syrin e saj, rob zoti, siç thotë vet Mesi, plus që është shumë pak e djallëzuar, pothuajse gati fare.

Burimi: Gazeta Shekulli

Be Sociable, Share!