Mbase e mbani mend një bisedë, që Zhuljeta ka bërë me Aidën në verandën e shtëpisë së “Big Brother”. Flisnin për dashurinë duke pasur parasysh personat që kanë lënë jashtë dhe ata po njohin tani brenda. E Zhuljeta, e cila nuk ka qenë shumë aktive me banorët e tjerë ka pasur një lloj afrimiteti me Arjonin, banorin tjetër shumë simpatik. Por deri tani nuk ka rrëfyer asgjë më shumë për lidhjet e dashurisë jashtë shtëpisë, para se të hynte në “Big Brother”. Me hyrjen e saj në shtëpi, kanë qarkulluar me shpejtësi thashethemet, për lidhjen e gjatë dhe speciale të dashurisë, që ka lënë jashtë. Dhe nuk ka qenë pak, plot gjashtë vite, një marrëdhënie për të cilën ishin në dijeni pothuaj gjithë të afërmit e Zhuljetës. Historia e tyre kishte nisur, kur ajo ishte 22 vjeçe dhe i dashuri 50 vjeç, një biznesmen, ndërtues pallatesh dhe
burrë i martuar. Mikesha të saj kanë pohuar se bëhet fjalë për një histori të vjetër dhe këtë bashkëjetesë çifti është përpjekur ta mbajë të fshehtë.
Ata kanë jetuar bashkë në një nga vilat pranë Qytetit Studenti dhe ka qenë një lidhje e përjetuar me shumë ndjenja xhelozie nga Zhuljeta. Ndërsa thuhet se dhe i dashuri i saj ishte nga Dibra, vendi i origjinës së Zhuljetës. Për të respektuar privacinë e tij, ne nuk mund t’i përmendim emrin, por mikesha të saj kanë treguar se Zhuljeta i kishte dhënë fund kësaj lidhjeje me të dashurin pak kohë para se të hynte në këtë
“reality show”. Tashmë ai nuk e ushtron më aktivitetin si ndërtues pallatesh në Tiranë dhe nuk ka marrë ndonjë kontakt më prej Zhuljetës, që kur ajo ka aplikuar për ‘Big Brother”.

STRATEGJIA E ZHULJETËS
Javën e parë të qëndrimit të saj në “Big Brother” ajo u soll si indiferente, me stimë për veten, e fshehtë dhe si femra seksi e shtëpisë. Por vajza që acarohej shpejt që pamë nga ekrani, direkt pas daljes së Erjolës, nga shtëpia, ndryshoi stil. Filloi të afrohet më shumë me banorët e tjerë, të krijojë afrimitet me Arjonin,
dhe të bisedojë më gjatë me të tjerët. U përpoq të jepte imazhin e vajzës së edukuar, apo që kishte kaluar as më shumë dhe as më pak eksperienca se vajza të tjera të zakonshme. I shpëtoi një nomimimi
të dytë nga banorët, edhe për faktin se ajo siç u vu re nga të gjithë, ndryshoi sjellje. Miket e saj jashtë shtëpisë flasin se Zhuljeta po rri shumë urtë, pasi ajo njihej si vajza që flet shumë dhe nuk është aq e përmbajtur. Kjo sjellje e saj është komentuar jashtë shtëpisë si një strategji nga ana e Zhuljetës, për të
transmetuar një imazh ndryshe nga të tjerat.

E VËRTETA E QËNDRIMIT NË GJERMANI
Çfarë mbetet ende enigmatike është jeta që ajo ka bërë në Gjermani. Edhe pse ajo vetë ka pohuar se ka mbaruar shkollën atje, ku jeton një nga motrat e saj, të njohurit e saj pohojnë se ka dyshime për qëndrimin e Zhuljetës, vetëm dy muaj në Gjermani. Kthimin e ka justifikuar pasi nuk mundi të bënte dokumentat, edhe pse ëndrra e saj mbetet për të jetuar gjithmonë në atë vend. Zhuljeta është një nga pesë fëmijët e dy prindërve që aktualisht jetojnë në një shtëpi me qera në zonën e Freskut në Tiranë. Një motër jeton në Greqi, një në Gjermani, një në Fier dhe një në Tiranë, ku jeton dhe vëllai i tyre i vogël Romeo.

PUNA DHE PASIONET
Jashtë shtëpisë e njohin si Xhuli. Nëse do të flisnim për pasione të saj, natyrisht që i pëlqen të jetë gjithmonë në lëvizje, ka pasion dhe tatuazhet dhe një të tillë e ka në gisht në formën e unazës.
Asnjëherë nuk e kishte shprehur dëshirën për të hyrë në “Big Brother”, vetëm e kishte pohuar në biseda të
shpërfillura se vitin e kaluar e ndiqte rregullisht këtë reality show dhe i komentonte vazhdimisht banorët. Përsa i përket punës së saj si operatore pranë Drejtorisë së Shfrytëzimit të Ambienteve, në Sektorin e kolaudimit të makinave, nuk i kërkohet orar. Ajo e kishte shprehur vetë më parë, se kishte një punë të rehatshme, pa shumë preokupime dhe ku ndihej mirë.

EKSTREMISTE NË ‘LOOK”
Mania e saj është për të ndryshuar ekstremisht ngjyrën dhe stilin e flokëve, nga të verdha, të kuqe, pastaj
të zeza, ose nga të gjata, shumë të shkurtra dhe prapë të gjata. Vetëm një vit më parë, ajo shkurtoi dy herë flokët, në stilin shumë shkurt dhe anash të shkurtuara zero.

Burimi: Gazeta Panorama Plus

Nda kete artikull me miqte e tu!
  • Digg
  • del.icio.us
  • Facebook
  • Google Bookmarks
  • email
  • Live
  • MySpace