Para disa ditësh, banorët e shtëpisë së “BB”-së kanë udhëtuar drejt Kosovës. Siç dëshmohet nga këto foto, të gjithë bashkë, ata e kanë kaluar mbrëmjen në një pub të madh në Prishtinë dhe kanë festuar bashkë me të rinj kosovarë. Natyrisht që, herë pas here u është dashur të shkëputen nga argëtimi, për t’u dhënë autografe fansave të shumtë. Hihi…çfarë kënaqësie është të japësh autografe. Po çfarë dedikimesh japin vallë??

Atmosfera ka qenë mjaft e nxehtë dhe festive, nuk kanë munguar as fishekëzjarret, nga të cilët ajo që ka marrë më shumë masa ka qenë Aida. Ka bërë dhe flokët extation, vlejnë një qerre me lekë.

Festës nuk i ka munguar as Ani, i cili tashmë që është i papunë ka më shumë mundësi të “rendë” pas ziafeteve. Në foto duket dhe Anjeza, ndërsa duket se mungojnë Arjoni, Adela dhe Bjordi.

Adelën dhe Bjordin e dimë që duan të rrinë vetëm, po Arjoni pse të ketë munguar vallë?
Moza, siç duket ka qenë dhe më e lakmuara e mbrëmjes, ngaqë ka qenë dhe banorja më e vogël e shtëpisë, por dhe ngaqë është një nga vajzat, e cila dihet tani se është vetëm. Pasi shkëputi lidhjen me Polin, është normale të ketë shumë djem kosovarë që i vijnë rrotull.
Ndërsa Zhuljeta, Eltoni dhe Aida, duket se nuk kanë dashur shumë të përzihen me pjesën tjetër, ata janë fotografuar më shumë bashkë.

Festoni djem e vajza sa e keni famën “të freskët”, se pastaj do t’jua zënë vendin të tjerët. (E kemi fjalën për këta që mbetën pa u futur në listat e deputetëve).

I janë bashkuar grupit të ish banorëve edhe Bjordi me Adelën, paçka se në udhëtimin e fundit që ata bënë në Orikum të Vlorës preferuan që të rrinë më shumë me njëri tjetrin dhe të mbyllur në hotel sesa me të tjerët. Kjo edhe për arsye të incidentit që i ndodhi Adelës me një fanse të Qetsorit por që gjithçka u zgjidh brenda disa minutash. Kësaj here Bjordi dhe Adela ashtu si ish banorët e tjerë, kanë shijuar çdo moment të këtij udhëtimi të mrekullueshëm në Prishtinë por kanë preferuar që kohën e tyre ta ndajnë edhe me të tjerët jo vetëm me veten. Mbase edhe ata të dy janë ngopur disi me shoqërinë e njëri tjetrit dhe me intimitete larg kamerave. Madje tani ata kanë gjithë komoditetin e duhur që të kosumojnë dashurinë e tyre në një ambient shumë të mirë. Një fanse e çiftit, një tregtare perdesh, iu ka marrë atyre një shtëpi me qira në bllok, që çifti të jetojë aty për një vit, duke ia paguar të gjitha shpenzimet. Madje këto ditë është parë edhe mamaja e Bjordit duke çuar lart në shtëpi disa valixhe të rënda. Mesa duket ajo  po i jep dorën e fundit ambientit që të rinjve të mos iu mungojë asgjë. Një mama që çdo djalë do ta dëshironte ajo jo?
Në Prishtinë Adela me Bjordin kanë ndenjur me Agonin, Zhuljetën, Liritën, Dritanin, pra me të gjithë pothuajse duke kujtuar edhe momente pikante nga qëndrimi i tyre i gjatë në shtëpinë e “Big Brother”. Me siguri ata kanë mundur të zbulojnë tek njëri tjetri gjëra që më parë nuk i dinin. Fakti që Bjordi me Adelën tashmë kanë braktisur jetën e tyre të vjetër, njëri në Itali dhe tjetra në Kavajë, tregon se për ata ka filluar një kapitull i ri jete falë suksesit që iu dha ky program. Në shtator Adela pret t’i rikthehet ekranit të Top Channel si bashkëprezantuese me Adi Krastën dhe Xhemi Shehun tek programi “E diell” dhe natyrisht që ky impenjim kërkon që ajo të jetojë në Tiranë. Dhe ja ku doli një fanse që mendoi për këtë gjë të nevojshme. Mbas daljes nga “Big Brother”, Adela është tjetërsuar edhe përsa i përket humorit, pasi ka kuptuar se nuk ishte fundi i botës pjesëmarrja e saj në “Big Brother” ashtu siç druante kur ishte brenda shtëpisë më të famshme në Shqipëri. Tani ajo është bërë më alegro dhe e lirshme, duke shijuar famën e saj dhe duke ëndërruar për planet e bukura që e presin. Natyrisht në krah të saj ka Bjordin që e do dhe e mbështet për çdo gjë, një tjetër rastësi fatlume për vajzën nga Kavaja, e cila e ndihmoi që të ndahet përfundimisht edhe nga e kaluara e saj sentimentale.

Moza, Lirita dhe Agoni kanë bërë rolin e të zotëve të shtëpisë gjatë vizitës së miqte të tyre në Prishtinë. Ata janë zbavitur dhe kënaqur pafund në vendin e tyre si dhe janë ndjerë krenarë për mikpritjen që Kosova iu kishte rezervuar ish banorëve. Ata kanë marrë pjesë në programe televizive, në ato radiofonike si dhe kanë qenë të ftuar në shumë lokale aq sa janë detyruar të shtyjnë biletat se axhenda ishte shumë e ngjeshur. Javën tjetër disa nga ish banorët janë të ftuar përsëri në një disko ku dihet në këto raste ka mbipopullim të lokalit për të parë të preferuarit e tyre. Ndërkohë Moza nuk ka ngurruar të nxjerrë në pah të gjitha hiret e saj në Prishtinë dhe dihet se ka patur si gjithmonë vemendjen e djemve. Nuk dihet se çfarë u bë me lidhjen e saj me Polin por mesa duket u arkivua një herë e përgjithmonë. Gjithsesi ajo po shijon ditët e saj me fat në shoqërinë e miqve të rinj dhe të motrës Njomzës, e cila i është bashkuar grupit dhe nuk i ndahet të motrës. Ari vijon t’i bëjë shumë korte dhe t’i përsërisë idenë se e pëlqen shumë por nuk mbetet mbrapa as Toni i cili e ngacmon jo pak vajzën bukuroshe. Për momentin nuk dihet se çfarë do të bëhet për një lidhje sentimentale të Mozës por thuhet se familja e saj është mjaft fanatike dhe nga ngjarja me Polin ka gjasa që Moza të ketë vënë mend dhe të mos i bëjë më publike lidhjet e saj me djemtë përderisa familja e saj nuk i përtyp dot. Kështu edhe ne do ta kemi pak më të vështirë për të mësuar diçka më shumë.

Tashmë u mësuan me famën dhe pritjen e ngrohtë kudo ku shkel këmba e tyre. E kanë kuptuar se ç’kanë fituar duke marrë pjesë në një program aq popullor siç është “Big Brother”. Dhe mbasi janë mësuar disi me jetën e re, tregohen pak më të kujdesshëm kur dalin nga shtëpitë e tyre duke u përpjekur që të sillen si njerëz publikë pasi sytë e të gjithëve janë tek ata. Javën e kaluar ish banorët e “Big Brother 2” ishin në Orikum pasi ishin të ftuar nga Qetsori në një festë që ai kishte organizuar tek lokali i tij për të gjithë fansat. Më pas të rinjtë nuk i kanë rezistuar tundimit për të qëndruar edhe pak ditë në Vlorë për të shijuar aty plazhin e mrekullueshëm. Si gjithmonë ata shprehen me superlativa për ditët që kalojnë së bashku dhe mikpritjen që gjejnë kudo ku shkel këmba e tyre. Por vizita e tyre në Prishtinë ishte krejt tjetër gjë. Një surprizë e vërtetë që ata i ka lënë me gojë hapur. Fansat kosovarë ishin ku e ku më të nxehtë se ata shqiptarë kështu që ish banorët kanë kuptuar aty se e mira nuk paska fund. Një mikpritje që ata do ta mbajnë mend gjatë dhe një vend që ia vlen të rikthehen sa herë që t’ju jepet mundësia. Kjo është Kosova që zbuluan pak ditë më parë ish-banorët e “Big Brother 2”.

Por supriza e vërtetë dhe ajo më e madhja u ishte rezervuar tre prej banorëve të “Big Brother 2”, Zhuljetës, Aidës dhe Eltonit. Ata kanë kuptuar se ishin tre nga banorët e preferuar për publikun kosovar dhe këtë fakt ata e kanë shprehur duke kërkuar që të komunikojnë me ta. Por jo vetëm fansat, por edhe mediat kosovare, televizionet, revistat, gazetat dhe sitet e ndryshme virtuale kërkonin kryesisht përshtypjet dhe konsideratat e Eltonit, Zhuljetës dhe Aidës. Intervistat e tyre u botuan në mediat e ndryshme pasi të gjithë ishin të interesuar për përshtypjet e treshes së tyre të preferuar. Lexo me teper »

E meqë u trajtuan si Vip-a në çdo hap që hidhnin, nuk kishte se si të mungonte limuzina e bardhë e cila u vu në dispozicion të ish banorëve për të lëvizur nëpër qytet, kur ata dilnin për aktivitete të ndryshme ose edhe thjesht për të bërë shopping. Në vizitën e tyre në Prishtinë ishin të gjithë ish-banorët përveç Qetsorit dhe Arjonit, të cilët mesa u informuam ishin që të dy në Itali për punë që kanë lënë pa bërë gjatë kohës që ishin të mbyllur në shtëpi. Të tjerët janë shoqëruar nga bodyguardët dhe kanë shëtitur me makinën gjigande e cila rrethohej nga fansa që
kërkonin autografe sa herë që ata ndalonin. Banorët kujdeseshin për pamjen e tyre duke ndërruar vazhdimisht rrobat aq sa e kuptuan në një moment që nuk ishin përgatitur për aq shumë
dalje dhe ftesa, kështu që u detyruan të bëjnë disa blerje në dyqanet e mira të Prishtinës, ku edhe aty nuk mungonin fansat që i ndiqnin këmba këmbës për t’u takuar dhe për t’u marrë autografe. Madje kishte edhe prej atyre që dëshironin edhe t’ju dhuronin diçka si kujtim.

Burimi: Panorama Plus

Ishin mbledhur të gjithë në Vlorë për festën e Qetsorit. E vetmja që mungonte ishte Juna. Pasi kanë pirë “Birra Korça” në shesh dhe pasi kanë vazhduar festën në lokalin e Qetsorit, ish-banorët kanë darkuar në hotel “Liro”. Ish-banorët, të cilët tashmë kanë harruar qejfmbetjet apo inatet e krijuara brenda shtëpisë janë zgjuar të nesërmen, kanë veshur rrobat e plazhit dhe kanë qenë gati për të marrë rreze.

Nuk e morëm vesh se si përfundoi lidhja e Mimozës bukuroshe me Polin, një histori shumë e përfolur brenda dhe jashtë shtëpisë së “Big Brother” e zbuluar fillimisht nga “Panorama Plus”, por fakt është se që nga koha që Mimoza ka dalë nga ajo shtëpi, nuk e kemi parë në shoqërinë e Polit. Por duket se vajza nga Kosova nuk po e vuan shumë këtë fakt pasi siç e shihni edhe nga fotoja, vëmendja mashkullore nuk i mungon në asnjë moment. Tek festa e tyre, Moza është parë vazhdimisht e rrethuar nga djemtë të cilët nuk kishin se si të mos e shfrytëzonin këtë rast, aq më shumë tani që mendohet se zemra e Mozës mund të jetë sërish e lirë.
Nga një gazetar i medias së shkruar, Arjan Konomi tani njihet edhe si imazh falë programit “Big Brother” ku ai ishte në rolin e opinionistit. Por edhe më parë Arjani ka promovuar imazhin e tij falë faktit se ai frekuenton jetën e natës dhe shoqërohet nga vajzat Vip njëra prej të cilave, Hueida, e cila është një nga miket e tij më të mira.
Thonë se e kanë marrë vesh se janë kushërinj vetëm pasi kanë dalë nga shtëpia e “Big Brother” dhe janë ndjerë shumë mirë për këtë fakt. Megjithatë Eltoni rrëfen se sikur Aida dhe ai të kishin vazhduar të qëndronin brenda asaj shtëpie do të ishin lidhur bashkë si të dashur. Kjo nuk ndodhi dhe më mirë kështu pasi ata janë kushërinj, mirëpo edhe pse ky fakt bën që ata të dy të sillen si kushërinj dhe si miq, gjithsesi nuk pengohen dhe nuk e kanë problem që sapo shohin blicet e paparacit, të bëjnë pak show, nga ato që i kanë qejf lexuesit. Kështu ata i kanë dhuruar njëri-tjetrit disa puthje në buzë dhe me këtë rast edhe ne kemi siguruar disa foto pikante dhe shumë të guximshme natyrisht

Ajo pati fatin që të përfitojë diçka speciale nga ky reality show, që shumë vajza të reja do ta kishin pasur ëndërr. Do të jetë prezantuese e programit javor “e Diell” përkrah Adi Krastës dhe Xhemi Shehut. Ndërkohë që ajo vazhdon të ruajë miqësinë me punonjës të stafit të “Top Channel”, siç është spikeri i lajmeve Arben Mevlani. Fotografi ynë ka fotografuar këtë moment ku Adela dhe Bjordi kanë qenë në shoqërinë e tij, edhe për faktin se Mevlani ka miqësi të vjetër me Antonetën, mamanë e Bjordit.

Në Orikum shkeli për herë të parë pak ditë më parë pas fitores dhe nuk e fshehu që po përjetonte delirin. Më shumë se 100 ditë më parë kishte ikur në heshtje dhe u prit me shumë zhurmë, pas fitores së një “reality show” si “Big Brother 2.” Ishte bërë i famshëm, dhe kishte përmbushur egon e vlonjatëve. Qetsor Ferunaj, i dyti në listën e Partisë Demokristiane për Qarkun e Vlorës në zgjedhjet e 28 qershorit, tani i intereson vetëm politika. Me ethet e një fushate që sapo ka nisur, 33-vjeçari nga Dukati tregon planin për të ndjekur studimet për shkenca politike,
dhuratë e një universiteti privat në Vlorë. Strategjia që e shpalli fitues të spektaklit, pasuria e vërtetë që zotëron, si dhe mendimi që ka për femrat dhe armiqtë do t’i lexoni në këtë intervistë.
Qetsor tani që keni dalë fitues i një “reality show” si “Big Brother 2”, si e ndjeni veten tashmë një person të qetësuar apo të shqetësuar?
Realisht jam person i shqetësuar. Ndodhem në një situatë të paparashikuar. Kjo sepse para se të hyja në “BB2” kisha menduar se do të bëhesha i famshëm, por nuk kisha parashikuar se çfarë
kategorish sociale do “të godisja”.
Tani që dola po shoh që kam bërë për vete publik nga të gjitha shtresat, dhe kjo është përgjegjësi e madhe për mua. Të hënën ju mbërritët si një “hero” në Orikum, ku shumë persona u mblodhën për t’u pritur të ekzaltuar në shesh.

Çfarë ndjesie ishte ajo që provuat?
Po e vërtetë. Jam mallëngjyer nga prania e aq shumë njerëzve në pritjen e parë në Vlorë pasi u shpalla fitues. Madje dhe banorët e tjerë të “BB2” që erdhën aty u çuditën nga pritja e jashtëzakonshme, ku njerëzit brohorisnin dhe kishin shumë dëshirë t’i shihnin e preknin ata. Pra, ishim bërë të famshëm…
Çfarë pohimi konkret keni dëgjuar nga njerëzit?
Njerëzit më thanë që në 100 ditët në shtëpi na ke lënë pa gjumë, dhe të kemi vënë në gjumë.

Ka ndryshuar regjimi juaj tani që jeni jashtë shtëpisë?
Në jetën e përditshme unë fle shumë pak, tani dhe më pak akoma. Maksimumi 4 orë e gjysmë edhe për faktin se ndodhem para zgjedhjeve politike të qershorit. Kjo më bën të jem i kujdesshëm në lëvizje, të jem i menduar që të mos prish imazhin që i ofrova publikut.
E cili është ky imazh?
Mendoj që kam qenë burri që do një grua, vëllai që do një motër, djali që do një nënë, miku që do një mik. U komentuat si i shkathët, origjinal, por edhe intrigant…

Në jetë jeni i prirur të bëni më shumë miq apo armiq?
Në jetën time në shumë raste kam qenë në pozicionin e mikut, dhe mund të them se si i tillë jam shumë i disponueshëm. Nuk kam qenë shpesh në pozicionin e armikut, por them se jam tolerant dhe si armik. Gjithsesi kam një shprehje timen që e përdor në këto raste; “Qëndro afër armikut tënd, se një ditë do të bëhet miku yt”.

Qetsor çfarë loje ka qenë ajo jotja në BB 2, dhe a je një lojtar i mirë në jetë?
Në “BB2” unë nuk bëra lojë ishte një realitet paralel me jetën time. Unë bazohem në ndërtimin e individit, dhe tek prova që vendos të bëjë individi se sa shumë mundet të ndryshojë formën.
Keni transmetuar një sens superioriteti, vetëvlerësimi, sigurie karakteristikë e vlonjatëve. Lexo me teper »

Askujt s’i ka shpëtuar të kuptojë stepjen e Adelës brenda shtëpisë për të qenë më e përmbajtur në lidhje me intimitetin që mund t’i shfaqte Bjordit, edhe pse nuk mund ta fshihte ndjenjën e saj për të. Tashmë që ka dalë nga shtëpia, në ambientet ku ata frekuentojnë kushdo mund ta vërë re një lloj shpërthimi nga ana e saj, për të qenë më e dedikuar ndaj Bjordit, dhe pa u rezervuar në sytë e askujt. Tashmë puthje pa fund në publik, eufori dhe moskokëçarje. Ndërkohë që deri tani nuk ka denjuar të kërkojë asnjë kontakt me ish-të fejuarin e saj, pas ndarjes që ashtu siç u komentua nuk ishte pa probleme. Por mesa duket ajo lidhje i takon realisht të shkuarës së saj. Tani është vetëm Bjordi. Të dy shihen në çdo moment në shoqërinë e së ëmës së Bjordit, Antonetës. Ndërkohë që ende nuk dihet se ku do t’i kalojnë pushimet, dhe si do t’i kalojnë tre muajt e verës, deri në shtator kur për Adelën fillon eksperienca e parë në televizion dhe për Bjordin angazhimi në kinemanë italiane.