Kur bie fjala për Sinanin, njerëzit kanë mendime të ndryshme. Disa mbledhin buzët, të tjerët janë fansa dhe dashamirës, të tjerët janë indiferentë, por në fund mbetet ajo shprehja që dikush ma tha pesë minuta para se ta takoja Sinanin: “Opo thoni ça të doni, po vetëm ai e mbush plot sallën e Pallatit të Kongreseve…”Sinani është i qetë për atë çka është. “Unë jam produkt i dalë 100% nga populli dhe jo nga një “laborator televiziv” – thotë ai. “Po bëj një këngë të re, të cilën do e nxjerr nga dhjetori. Është një duet me një këngëtare shumë të njohur kosovare, por që nuk dua t’ia bëj publik emrin. Është një këngë që flet për shqiptarët e Shqipërisë dhe Kosovës, – na tregon këngëtari, që fundjavat e kohëve të fundit e gjejnë thuajse përherë pranë shqiptarëve të diasporës. “Çdo të shtunë dhe të diel këndoj me kontratë në Gjermani, Zvicër, Itali dhe Greqi. Vendet ku këndoj janë diskoteka shumë të mëdha, pronarët e të cilave, sigurisht janë shqiptarë, – thotë Sinani. Por pyetjes nëse ka menduar ndonjëherë të marrë pjesë në festivale të muzikës popullore, ai i përgjigjet:”Për momentin nuk mendoj të marr pjesë, sepse mendoj që këto lloj organizimesh bëhen për lançimin e këngëtarëve të rinj. Unë besoj e kam kaluar atë fazë…”

Sinan, çfarë mendimi keni për atë që luhet “muzikë komerciale”.. Ju vetë bëni muzikë të tillë dhe jeni kritikuar për këtë gjë apo jo?

Muzikë komerciale ka bërë Madonna gjithë jetën dhe është kritikuar gjithnjë, por ajo mbetet mbretëresha e pop-it.
Karamelja mbahet në gojë…

Unë vetëm në Shqipëri dëgjoj të flitet për muzikë të mirë dhe muzikë të keqe. Muzika është muzikë, ato janë nota dhe vetëm një injorant mund të thotë që notat janë të mira, apo të këqija. Po, kam bindjen se këto kritika bëhen nga këngëtarë të pasukseshëm në stilin e tyre.Gjithashtu flitet se keni bërë “para” të madhe nëpër koncertet tuaja në diasporë…
Pagesa është e kënaqshme, por mos harro që për realizimin e një albumi dhe të dy videoklipeve, duhet shkuar një vit rresht për koncert, por gjithsesi ngelet “diçka” dhe për ne.

A është i dashuruar Sinani?

Sigurisht që jam, nuk kam pse ta fsheh dhe nuk besoj se më prish punë.

Sinan, para disa ditësh u përhapën lajme mbi një ndodhi të supozuar që Adela e Big Brother ka patur një ofertë nga ju për të prezantuar disa nga koncertet tuaja në diasporë, por që nuk ka pranuar, sepse, ju nuk hynit te këngëtarët e saj “të pëlqyer”… Çfarë mund të na thoni?

Nuk besoj që është faji im që Adelajda në këto momente ka ngelur keq, pas premtimit që nuk u mbajt kurrë për të qenë bashkëprezantuese tek “E Diell” me Adi Krastën..
I sugjeroj të merret me diçka konkrete, siç po merrem dhe unë.. Nuk besoj se më është dashur Adela gjatë këtyre 15 viteve që merrem me muzikë.Nëse njëri prej nesh ka interes për tjetrin. ajo ka interes tek unë, jo unë tek ajo. Më vjen keq që është shprehur kështu.. Kam qenë fans i saj gjatë lojës në “Big Brother”. Në koncertin tim të fundit mund të ketë pasur mbi 5 mijë vetë dhe ky koncert ishte pa Adelën dhe pa askënd tjetër. Unë jam produkt i dalë 100% nga populli dhe jo nga një “laborator televiziv”.

Keni folur me Adelën për diçka të tillë.. Apo janë marrë menaxherët dhe miqtë me këto tratativa?

Unë me Adelajdën s’kam folur asnjëherë në telefon..
Por desha të them, jam shumë i sigurt, madje madje është e vërtetuar që Adela, që nuk pëlen muzikën time, ka të paktën një CD timen në shtëpi, por Adela kërkon të hiqet sikur është rritur me “50 Cent”.Unë kam publik dhe nuk më duhet Adela. Oferta më e madhe që i është bërë Adelës i është bërë nga partitë politike, për fushata elektorale, gjë që mua s’më ka interesuar asnjëherë.

Je i sigurt dmth që Adela e pëlqen muzikën tënde?

Vetëm po të këndoja në gjuhën kinezçe do të mendoja që Adela nuk më dëgjon dhe nuk më pëlqen, dhe do e’i jepja të drejtë. Unë këndoj muzikë e Ballkanit, të cilit i përket dhe Adela nga Kavaja.

Nda kete artikull me miqte e tu!
  • Digg
  • del.icio.us
  • Facebook
  • Google Bookmarks
  • email
  • Live
  • MySpace