Gjatë kohës që të tjerët kërcejnë dhe këndojnë, Rezarta i kërkon Jetmirit që të flasin. Fillimisht Jetmiri i thotë që të sqarohen më vonë, por Rezi insiston se ajo do që të bisetojnë tani. Ajo i thotë Jetmirit se e vetmja gjë që bën Jetmiri gjithë ditën është “me dal jashtë me pi cigare e më pas kthehesh këtu brenda”. Ajo i thotë që të rrinë më shumë bashkë dhe Jetmiri i thotë se çfarë do që të bëjë ai. Rezi i tregon se ajo u kishte thënë banorëve të tjerë se ajo dhe Miri sot do të gatuanin. Jetmiri sqaron se Rezi u çua vonë sot prandaj nuk e bënë dot një gjë të tillë. Më pas ai i thotë se ndjehet i lodhur “jam i lodhur duke dhënë shpjegime, do iki fare në shpi, për Zotin” i thotë Miri Rezartës. Vajza i thotë se ajo nuk po i kërkon shpjegime dhe Miri i shpjegon se ai është lodhur nga banorët e tjerë, jo nga ajo. Më pas Rezarta e këshillon djalin që ta marrë më shtruar dhe të mos ndikohet prej banorëve të tjerë. Jetmiri hesht dhe Rezi i kërkon që të flasin, por ai i kërkon vajzës duke iu lutur që ta lërë pak të mendohet dhe të bisedojnë më vonë. Kështu biseda e tyre shtyhet për më vonë.

Be Sociable, Share!