Hakiu diskuton me Oltën për ndryshimet e sjelljes ndaj njeri-tjetrit. Olta shprehet se nuk ka ndryshuar sjellje ndaj tij, ndërsa ai po dhe mendon se mund të kenë ndikuar të tjerët. Ajo e pyet Hakiun nëse u sqarua me Mirin për ato që i kishte thënë ajo (Olta i ka treguar disa javë më parë që Miri kishte folur keq për Kikën kur ishin të ndarë në dy shtëpitë). Hakiu shprehet se ai i ka kuptuar edhe vetë këto lloj reagimesh si të Mirit edhe të banorëve të tjerë apo intrigat që thureshin ndaj tij, por sqaron se nuk ka dashur që ta shfrytëzojë atë situatë e t’i kthehej Mirit me po të njëjtën mënyrë sepse ajo lloj sjelljeje nuk është pjesë e tija. Ai thotë se me Mirin e zgjidhi sipas mënyrës së vet, por Olta shprehet se ai asaj nuk i ka kthyer ndonjë përgjigje konkrete që ai ishte në dijeni të asaj situate dhe sipas saj, ajo që kërkonte nuk ishte nxitje, sic e kishte marrë Kika. Hakiu thotë se Miri i ka thënë të njëjtat gjëra që i ka thënë sikurse ajo dhe shton se i është krijuar përshtypja se ajo është bërë një burim intrigash, i nxitjes së situatave, pikërisht nga bisedat që janë bërë mes banorëve të tjerë për debatin e tij me Mirin në shtëpinë e re gjatë asaj jave. Hakiu i thotë se një arsye tjetër që ka ndryshuar sjelljen ndaj saj ishte kur kuptoi se ajo filloi të pozicionohej në shtëpi duke patur mbështetjen e të tjerëve, ndërsa Olta i thotë se ai gjatë javës së kaluar që ajo ishte e nomininuar, ai ka dashur që ta sulmojë. Olta tregon se ajo gjithnjë është interesuar për të kur ka qënë në nominim, ndërsa ai, javën e kaluar e ka pyetur me kunjë nëse ndjehet e fortë. “Mua nuk më shpëton gjë”- shprehet ajo. Kika tregon se nuk ka dashur asnjëherë që ta sulmojë atë dhe thotë se tek ajo ka parë një ndryshim që po e bën të mos kuptojë se cila është e vërteta. Ai thotë se ajo ka marrë disa krahë e nuk po fluturon si duhet, ndërsa ajo ia kthen se mbështetet vec në krahët e veta. Hakiu shprehet se nuk i pëlqeu lidhja e saj me Bledin dhe thotë se nuk i pëlqejnë lidhjet që bëhen për lojë. Olta i thotë se ata ishin shokë, por për Kikën ajo është vec lojë fjalësh dhe tregon se mënyra se si ndodhën gjërat me Bledin ishin sa për lojë. “Mu duk sikur doje të ndihmoje Bledin që të rrinte ende në shtëpi me atë lojë”- i thotë ai, por Olta e mohon duke thënë se nëse do ishte ashtu, do ishte lidhur me të. Kika i tregon se me Bledin kishte edhe momente intime, por Olta shprehet se ishin puthje në faqe. Kika shprehet se tendenca për lojë iu la të kuptohej të paktën nga Bledi. Olta insiston se asgjë nuk ishte bërë për lojë. Ata fillojnë të flasin për lidhjet që u bënë në shtëpi dhe mënyrën se si i shikojnë. Olta mendon se të dyja lidhjet janë sa për lojë, ndërsa Hakiu thotë se lidhja e Bertinës me Erionin është e sinqertë. Olta ia kthen se uron që ai t’i njohë më mirë të dy ata, Erionin me Bertinën, e ta kuptojë se si është e vërteta.