Hakiu kërkon të dijë më shumë për këndvështrimin e Mirit për pyetjet që bëhen në grup. Miri shprehet se kjo gjë nuk i pëlqen sepse kur të gjithë pyesin bashkarisht, të heqin vëmendjen e të bëjnë të dalësh jashtë kontekstit për të cilin po flet e ndoshta edhe të humbësh kontrollin. “Nuk dua të jap më shumë se një përgjigje dhe në pyetjet në grup, bëhesh impulsiv dhe e humbet”- shprehet ai. Sipas tij, kjo lojë është paramenduar prej grupit tjetër pikërisht sepse u realizua në javën kur janë më shumë të nominuar banorët e grupit ku bën pjesë dhe ai. Miri mendon se ata përpiqen që të sulmojnë më të dobtin e në këtë rast ishte Valoni, por njëkohësisht edhe Bertinën duke parë marrëdhëniet jo të mira të saj me ta. Hakiu i thotë se po i lë të kuptojë se ka frikë që të ballafaqohet me ta, por Miri i sqaron se nuk i pëlqen në grup, ndërsa vec e vec i pëlqen që të sqarohet me ta sepse i jep argumenta të drejtpërdrejtë. Hakiu e pyet nëse i intereson kjo ndarje në grupe dhe Miri përgjgijet se i intereson vec për lojrat, por jo për bashkëjetesën. Ai thotë se ka për të sqaruar shumë me Adën dhe Klodin, por ata s’po i japin mundësinë që të jenë vetëm. Miri arsyeton se në këtë javë nominimi, ata nga pasivë bëhen aktivë, vendoset një komunikim mes banorëve, një situatë harmonie mes tyre, por sureale sipas tij, bëjnë një lojë me paramendim ku sulmojnë individët e paramenduar dhe kjo vazhdon për tërë javën, por Hakiu nuk e mendon në këtë mënyrë duke shprehur se nuk mendon se të tjerët do arrijnë deri në këtë pikë. Miri, për pyetjet në grup, merr shembullin e Valonit kur u konfliktua me Bledin dhe që e ndërroi versionin disa herë. Po ashtu thotë edhe për Rezin dhe kur Hakiu e pyet se përse ai nuk e ndihmoi, Miri tregon se Rezarta nuk e lejoi ta bënte këtë gjë. Hakiu i thotë se është dakord që situatat duhen sqaruar individualisht, por ai duhet të tregojë se di të ballafaqohet edhe në grup. Miri ia kthen se këtë gjë do ta bëjë kur ta shohë të arsyeshme, por Kikës nuk i pëlqen kjo përgjigje. Miri i thotë se ata ia kanë thënë shpesh që duan të sqarohen kur të kenë dëshirë dhe se ai po ia kthen me po të njëjtën mënyrë. Ndërsa dalin për të pirë cigare në kopsht, ata kalojnë përpara grupit tjetër. Miri i thotë Kikës se nuk bën mirë që po rri me të sepse të tjerëve u duket sikur po komplotojnë, por Kika ia kthen se ai rri me atë që do të rrijë. Ndërsa Hakiu e dëgjon bisedën e Mirit për mënyrën se si i sheh të gjithë banorët, shprehet se ai po e stimulon hipokrizinë, por Miri mendon të kundërtën duke i thënë se këtë bisedë po e bën vec me të dhe me të tjerët po vazhdon të mbajë raportet që ka patur, po vazhdon me lojën e tij sic e ka nisur dhe nuk po ndikon tek askush. Ai shton se i ka marrë përsipër kostot e sjelljes së vet. Përsa i përketë vazhdimësisë së lojës, Miri shprehet se do donte që trofeu të ishte në anën e tyre, pavarësisht se kush do e merrte.