Banorët duken paksa të dehur nga pijet alkoolike që kanë pirë. Domenika e këshillon Mirin që të shkojë të shtrihet, ashtu si bëri dhe Erioni, ndërsa ai thotë se do të rrijë zgjuar e të gëzojë për faktin që nuk është në nominim. Të dy flasin për këtë gjë dhe Domi tregon se ajo ka qënë një javë më pak se ai e nominuar dhe të dy banorët shprehen se e prisnin sërish këtë javë nominimin.
Pasi ndahet nga Miri, Domi shkon të bisedojë me Seldin. Ai e qorton që ajo po fliste me Mirin dhe se e këshillonte për gjumin, por Domi ia kthen se i vjen keq për të, ashtu si për cdo person tjetër në shtëpi dhe se ia tha këshillën sic do ia kishte thënë cdo kujt. Seldi insiston në të tijën se ajo nuk duhej t’i fliste dhe i kujton se Miri e ka mohuar atë si person. Domi nuk kupton se ku do të dalë Seldi, por ai i thotë që të vazhdojë si e ka nisur e se nuk kanë rëndësi fjalët e tija. Domenika mendon se me Mirin po tregohej xhentile, ndërsa Seldi me fjalët që thotë duket xheloz. Ai citon fjalët e Domit që ia tha Mirit “shko shtrihu për mua”, por ajo sqaron se ia tha si ta kishte mik, edhe ta kishte armik. Tonet e bisedës sa vijnë edhe ngrihen. Domenika mendon se Miri është më keq se djemtë e tjerë nga ana shëndetësorë, pas pijes dhe ndaj po e këshillonte. Klodi i jep të drejtë asaj, ndërsa Seldi vazhdon me të tijën. Domi i thotë Seldit që më mirë të flasin nesër sepse edhe ai është i dehur. Ajo mendon se Seldit po i leverdis kjo situatë. Ata debatojnë me tone të larta dhe Domenika preferon të largohet, pasi Seldi nuk po e dëgjon më. Klodi i thotë Seldit se ai po e shikon gabim këtë situatë dhe e këshillon që kur të jetë esëll të sqarohet me Domin. Debati mes Domit dhe Seldit vazhdon më tej e me tone të larta dhe Domi thotë sërish se edhe pse e ka inat Mirin, kaq gjë e ndjente ta bënte. “E kam zemrën e madhe, për këdo do e bëja se më vjen keq kur e shikoj ashtu”- thotë ajo. Seldi përpiqet që të fusë në diskutim edhe banorët e rinj, por Domi i thotë se ata nuk kanë punë me debatin e tyre. “Cfarë do të arrish se nuk kuptoj?”- pyet ajo, por Sedi vazhdon të mbështetet tek banorët e rinj. Domenika i thotë se po e acaron me këto veprime. Si përfundim, të dy banorët mbeten vetëm dhe Domi mendon se ai po ia thotë këto me një prapaqëllim. Seldi ia kthen se nuk ka asnjë qëllim tjetër, por cdo gjë e bën sepse e do atë. Ai kapet pas fjalës së Domit që i tha Mirit “bëje për mua” dhe mendon se ndoshta Miri mund të keqinterpretojë këtë fjalë. Domi sqaron për të disatën herë se e tha spontanisht, pikërisht që ta merrte me të mira e ai ta dëgjonte. Edhe Klodi vazhdon t’i japë të drejtë Domenikës dhe këshillon Seldin ta lërë këtë bisedë se e ka gabim.

Be Sociable, Share!