Domi dhe Seldi dalin nga dhoma dhe befasojnë të gjithë banorët. Domi ka vënë një jastek në bark që t’i duket i fryrë dhe në këtë mënyrë ajo do t’u tregojë banorëve që e gjithë historia e shtatzanisë së saj ka qënë e gënjeshtërt. I pari që i shikon është Mandi, i cili është në dush dhe i thotë se janë shumë të poshtër që i kanë gënjyer. Ata shkojnë në kuzhinë dhe gjëjnë Kikën, Manalin dhe Tatianën, të cilët mbeten pa fjalë kur shikojnë Domin. Më pas dalin në kopësht dhe Olta me Klodin e përqafojnë megjithëse amoma nuk e kanë marrë veten nga gënjeshtra që i kanë bërë Seldi dhe Domi për një prill. Seldi shprehet se ata e zgjatën shumë gënjeshtrën, por ama ia ka vlejtur pasi kanë kuptuar se kush janë njerëzit që i duan me të vërtetë. Kika shprehet se ai e ka menduar se mund të ishte gënjeshtër, por në të vërtetë e ka besuar. Olta thotë se asaj i kishte vajtur mendja se mund të ishte lojë pasi Seldi nuk ka ditur të aktrojë mirë. Domi përgjigjet se Olta mund të ketë dyshuar që ishte lojë pasi e ka parë Domin duke pirë cigare në tualet.
Seldi i mëshon dhe njëherë faktit që ata kanë arritur të kuptojnë se kujt i bëhet vonë për t’a dhe përmend Kikën, Oltën dhe Klodin.
Ndërkohë Jetmiri dhe Edi qëndrojnë në kopësht dhe nuk reaguan fare me banorët e tjerë për çështjen e Domit e Seldit, por preferuar të flasin me njëri-tjetrin.
Erioni afrohet tek ata të dy dhe u flet për shakanë e bërë. Edi shprehet me ironi se ka qënë shumë shaka e bukur, duke nënkuptuar të kundërtën dhe Erioni shton se Klodi do të ishte bërë kumbari i fëmijës, por ja që e vërteta doli ndryshe.
Domi bisedon me Oltën dhe Tatianën dhe u thotë se kjo gënjeshtër u ka ardhur në mend dhe e kanë bërë dhe pse dikujt mund të mos i ketë pëlqyer. Domi shton se ajo qesh për gjithçka, por në këtë rast ka qënë e aftë t’a mbajë seriozitetin pasi dhe kur fliste vetëm me Seldin, e trajtonin si një çështje të vërtetë dhe kanë hyrë vërtet në rol. Domi thotë se deri shumë vonë mbrëmë, të vetmit që e kanë ditur kanë qenë Olta dhe Klodi. Ajo shton se shumë herë i vinte për të qeshur dhe fshihej pas jastekut që të mos e shikonin. Më pas Kika shprehet se kjo lojë ka qënë e bukur, por lojrat që kishin të bënin me rrobat e tyre kanë qënë fare pa nivel. Erioni shton se e bukura e lojës ka qënë herën e parë, por përsëritjet kanë qënë të mërzitshme.

Nda kete artikull me miqte e tu!
  • Digg
  • del.icio.us
  • Facebook
  • Google Bookmarks
  • email
  • Live
  • MySpace