Jetmiri dhe Erioni janë në banjë dhe teksa Erioni lan rroba, Jetmiri e mban me muhabet. Ata flasin për lojën e futballit që patën si provë javore duke u përballur me djemtë e BB1. Jetmiri hap bisedën e provës së vajzave. Ai i thotë Erionit se kur diskutonin jashtë për futbollin që mund të luajnë vajzat, ai dhe Kika kishin thënë se nëse kjo ndodh vajzat e BB3 do të kishin fituar nëse do të luante futboll Bertina. Në momentin që ata kishin përmendur Bertinën si një lojtare e mirë futbolli, kishte ndërhyrë Mandi dhe Seldi të cilët kishin thënë se do të ishte Olta ajo që do të luante më mirë futboll se të gjitha vajzat që kanë marrë pjesë në BB3. Jetmiri i thotë Erionit se Olta nuk luajti futboll, ndërsa Bertina luajti me djemtë dhe arriti të bënte edhe gol me një top prej leckash. Të njëjtën gjë thotë edhe Erioni duke përforcuar faktin se Berina luante shumë mirë futboll, ndërsa Olta sipas tij nuk ka lidhje fare me futbollin. Jetmiri thotë se Mandi dhe Seldi e përmendën Oltën vetëm nga fakti se me Bertinën nuk kishin mardhënie të mira, pasi kjo e fundit kishte debatuar disa herë me ta dhe bënte pjesë në grupin kundërshtar, pavarësisht se Mandi kishte luajtur futboll me Bertinën. Pas një bisede të gjatë për provën e javës ata shkojnë në kuzhinë ku darka është në përfundim e sipër.

Be Sociable, Share!