Për Erionin dhe Bertinën, vazhdimi i lidhjes pas shumë konflikteve dhe keqkuptimeve brenda shtëpisë së”Big Brother 3″ ishte si një diell pas shiut. Por tashmë duket se kjo lidhje nuk po thellohet ashtu siç fansat e tyre do të kishin dëshirë. Edhe pse kalojnë shumë kohë bashkë, shfaqet si një lidhje thjesht për argëtim. Miq të përbashkët të ish-banorëve të BB3 kanë treguar se është Erioni ai që nuk dëshiron ta bëjë gjithçka serioze në lidhjen e tyre, duke e shijuar deri tani pa ndonjë kokëçarje dhe preokupim të veçantë. Ndërsa nga ana e saj, Bertina thuhet se ka bërë të pamundurën për të qenë sa më afër Erionit si një partnere e vërtetë. Ajo jo pa qëllim ka marrë disa javë më parë një apartament me qira në rrugën e Elbasanit në Tiranë, duke u ndarë nga jeta me shoqet që bënte para se të hynte në këtë “reality show”. Por kryesorja ka qenë një apartament për t’i krijuar mundësinë Erionit të kalojnë kohë të gjatë bashkë. Por edhe pse ajo tashmë jeton vetëm, Erioni nuk ka vendosur ende të marrë rrobat dhe të nisë një bashkëjetesë me Bertinën, si një çift që mund të planifikojnë më mirë jetën e tyre të përditshme. Këtij fakti i shtohet edhe e vërteta që Erioni nuk ua ka prezantuar të dashurën prindërve të tij, apo të prezantohet vetë me mamanë e Bertinës, e cila jeton në Delvinë. Në fakt udhëtimi i tyre i parë si çift jashtë Tiranës ndodhi javën e kaluar, kur ata u nisën të dy drejt Vlorës pas ftesës që u bëri Jetmiri, për të festuar fitoren e tij. Bashkë me ta ka qenë edhe Rezarta, të cilën Jetmiri e ka marrë me vete në qytetin ku jeton, dhe ua ka prezantuar prindërve si të dashurën e tij. Jetmiri nuk e ka lënë me kaq këtë thellim të lidhjes së tij me vajzën kosovare, pasi këtë javë kanë udhëtuar bashkë me të drejt Kosovës, për t’u takuar me familjen e Rezartës. Kështu, ndryshe nga lidhja e Erionit dhe Bertinës, lidhja e Jetmirit me Rezartën pavarësisht komenteve që pati duke u cilësuar si “sipërfaqësore dhe banale” po merr nota serioziteti. Po çfarë do të ndodhë me Erionin dhe Bertinën?! Lexo me teper »

Banorët janë duke ngrënë drekë, por gjatë drekës lind një debat, pasi Klodi hedh fjalë ngacmuese në drejtim të Erionit e Jetmirit. Klodi pyet Jetmiri se çfarë do të thotë prezenca e Jonës për të në shtëpi dhe ai përgjigjet se është një mënyrë e mirë për të kaluar kohën, ndërsa Erioni shprehet se prezenca e Jonës për të, nuk do të thotë asgjë, si të jetë e si të mos jetë. Jona përgjigjet se këto fjalë janë injoruese, por Erioni shprehet se nuk e mendon kështu. Jona thotë se ajo nuk pretendon që t’a duan të gjithë, por i bën përshtypje se nga buron gjithë ky mllef e urrejtje ndaj saj. Erioni shton se ka disa banorë që si të jenë e si të mos jenë, për të është e njëjta gjë dhe për Jonën nuk ka ndonjë simpati të veçantë. Mandi ndërhyn dhe i thotë Erionit se të gjithë banorët duhen respektuar dhe Erioni përgjigjet se ai nuk po tregon mosrespekt ndaj Jonës, por ajo kundërshton dhe shprehet se ai këtë po bën pasi kjo do të thotë se ajo është veç një hije për Erionin në shtëpi. Lexo me teper »

Pas lojës banorët futen brenda, ndërsa Mandi dhe Erioni qëndrojnë jashtë pas të tjerëve. Mandi i thotë Erionit që të mos i mbajë anën Jetmirit edhe pse e ka shok. Erioni i thotë se e ka gabim që mendon një gjë të tillë. Erioni e mohon se ka mbështetur Jetmirin në veprimet e gabuara që ai ka bërë. Mandi i thotë: “i ke thënë që përse ishte shprehur aq keq për Seldin dhe Domenikën”, dhe Erioni i thotë se ka folur për këtë çështje me Mirin dhe i ka thënë që ishte shprehur me të keq. Mandi i thotë se ai nuk duhet të flasë veç me Mirin, por duhet që t’ia thotë gjërat në sy të të gjithëve. Erioni i thotë se kjo është mënyra e tij e të vepruarit dhe ai nuk mund të sillet ashtu si duan të tjerët. Mandi i thotë se gjatë spektaklit ai nuk mbajti qëndrim ndaj Jetmirit ashtu siç bën banorët e tjerë. Lexo me teper »

Erioni, Jona, Mandi, Klodi dhe Domenika vazhdojnë të bisedojnë në tavolinën e ngrënies. Në bisedë e sipër Domenika fillon të ngacmojë Erionin duke i folur me nënkuptime dhe ironi. Ajo i thotë se në shtëpi Erioni ka qënë protagonist kryesor në një “film”, por nuk e sqaron më tepër se për çfarë e ka fjalën. Erioni i kërkon shpjegime, por Domenika nuk e sqaron plotësisht duke e lënë Erionin me dyshime. Gjatë kësaj Kohe Erionin e ngacmojnë edhe Mandi, Klodi dhe Jona. Ai insiston që Domenika t’ia thotë drejtpërsëdrejti atë që mendon dhe çfarë nuk i është dukur korrekte te sjellja e Erionit. Pasi Domenika nuk i tregon, por largohet, Erioni mërzitet dhe nevrikoset. Mandi e pyet se përse mërzitet për gjëra të tilla, por Erioni thotë se nuk i vjen mirë që Domenika të nisë një bisedë me ironi e nënkuptime dhe të mos e sqarojë atë deri në fund. Ai thotë se pëlqen që ajo t’ia thotë në sy ato që mendon dhe të sqarohet me të, por jo të thotë dy fjalë me ironi dhe të mos e vazhdojë bisedën. Më pas ai del jashtë ku ndodhet edhe Kika i cili e këshillon që të mos mërzitet për gjëra të tilla.

Në dhomën e ndenjjes, Miri, Erioni dhe Hakiu mbeten vetëm. Ata vazhdojnë të diskutojnë për pjesë të ndryshme nga klipet e një ndër to që i intereson Mirit për të diskutuar është kur Hakiu kishte thënë se Erioni sillet ndryshe kur është me Mirin apo edhe këshillat që i kishte dhënë Manalit që të mos bjerë pre e lojës. Në rastin e parë, Erioni hidhet në mbrojtje të vetes dhe Mirit duke thënë se kur janë të tre, ata vetëm bëjnë shaka e shkëmbejnë batuta. Te rasti i dytë, Miri thotë se Hakiu po bën rolin e babait të mirë, por fundja nuk kanë ardhur për t’i shprehur dashurinë njeri-tjetrit, por të luajnë. Hakiu thotë se ato fjalë nuk i kishte vetëm për Manalin, por ai ka parë se banorë të tjerë kanë dal për faj të lojës së tij. Miri i kujton rastet e ndryshme si për Rezin, Valonin, Manalin që Kika bënte të njëjtin rol. Ai thotë se Kika nuk e di fare se cfarë bisedash ka zhvilluar ai me të tjerët e në këtë rast me Manalin. Lexo me teper »

Pas Erionit në kuzhinë vjen edhe Kika i cili i thotë Klodit përse i zgjoi nga gjumi. Klodi i përgjigjet se ndyshe nga Kika ai i zgjoi me ëmbëlsi, me këngë. Të tre djemtë qeshin me përgjigjen e tij dhe fillojnë të ngacmohen me njëri-tjetrin me shaka. Ata këndojnë duke ngacmuar secilin prej tyre, duke kënduar këngë tradicionale të zonës nga ata vijnë, por edhe duke i tranformuar tekstet e tyre. Kështu mëngjesi i sotëm zhvillohet, kryesisht nën nota harmonie dhe nën një atmosferë të ngrohtë nga shakatë dhe të qeshurat. Përveç shakave, nuk mungojnë edhe diskutimet serioze ku Kika dhe Erioni ankohen për gjumin dhe më pas ata komentojnë lojën që bënë një ditë më parë. Më pas ata dalin jashtë për të shijuar ditën e bukur dhe “Vëllai i Madh” ndez muzikën dhe dritat e dhomës së gjumit ku banorët vazhdojnë të flenë ende. Lexo me teper »

Një ditë më parë Kika dhe Erioni patën një debat dhe tani kërkojnë të sqarojnë keqkuptimet ndërmjet tyre. Kështu Erioni fillon që t’i shpjegojë Kikës arsyet e sjelljeve të tij gjatë debatit të kaluar. Erioni i thotë Kikës se shpeshherë ai ka reguar deri diku edhe ashpër ndaj Kikës jo nga fakti se ka dashur që t’a sulmojë, por ka dashur që të shohë reagimin e Kikës kur ai të thoshte të njëtat gjëra që Kika kishte thënë më parë. Kika i ka marrë veprimet e Erionit si sulme ndaj tij, por Erioni e mohon këtë gjë. Erioni thotë se ai i tha Kikës që në një përballje në nominim Kika do të eleminohej dhe kjo nuk është sulm, por një mënyrë tjetër për të thënë “jam më i miri”. Të dy diskutojnë dhe sqarojnë se nuk kanë asgjë kundër njëri-tjetrit, pavarsisht të gjithave, të dy e vlerësojnë njëri-tjetrin. Kika i thotë Erionit se e ka vlerësuar që nga fillimi, por gjithmonë e ka menduar si njeriun e fundit që mund t’i kundërvihej. Lexo me teper »

Të tre djemtë futen në kuzhinë për të përgatitur mëngjesin. Ndërsa gatuajnë, ata qeshin dhe bëjnë shaka me hundën e enjtur të Mirit. Më pas, Hakiu dhe Miri dalin jashtë për të ngrënë. At qeshin me disa batuta të Erionit për gjumin e pabërë këtë natë e duke folur për të, Miri shprehet se e kishte këshillonte më parë Erionin që ta linte Bertinën që të flinte që gjatë ditës të ishte aktive, kur ajo ishte ende në shtëpi. Duke kujtuar kohën kur ishte Bertina, Hakiu mendon se për disa gjëra, ajo kishte të drejtë në lidhje me Erionin. Edhe Miri pohon dhe tregon se pasi doli Bertina, Erioni e humbi duke u bashkuar me grupin tjetër. Ai tregon se gjatë asaj kohe, Erioni thuajse nuk i fliste fare. Miri mendon se gjatë takimit me Bertinën këtë të shtunë, ajo do t’i ketë tërhequr vërejtje që ai u rikthye prapë me ta. të dy flasin fjalë pozitive për Bertinën dhe karakterin e saj, pavarësisht ndonjë sjelljeje të gabuar. Miri mendon se në disa raste, Erioni sillet si fëmijë duke e humbur situatën. Ata e lënë bisedën pasi Erioni bashkohet me ta për të ngrënë mëngjesin.

Miri dëshiron që të mos flejë këtë natë. Kështu ai shkon tek krevati i Erionit dhe fillojnë të diskutojnë për ngjarjet e ditë. Më pas, ata ngacmojnë Hakiun dhe Jonën që janë duke fjetur. Miri më së shumti ngacmon Jonën duke e pyetur për përrallat, pas premtimit të saj se përpara se të flinin, do i tregonte një përrallë atij. Jona e përgjumur nuk i kthen përgjigje, por vetëm i kërkon që ta lërë rehat. Por edhe Erioni e ngacmon duke i thirrur në emër që ajo të mos flejë. Miri bërë shaka, i thotë se e dashuron. Jona kthehet duke i kërkuar sërish të flenë, ndërsa ai me Erionin qeshin. Jona kthehet nga ana tjetër, ndërsa kur Miri thotë se ka dëshmitar Erioni që e do atë, Erioni shton se edhe ai e do Jonën. Ngacmimet vazhdojnë dhe Jona ngrihet për të folur me ta. Të tre bisedojnë me zë të ulët, pasi të tjerët flenë. Djemtë shprehen se kanë rënë në dashuri me të brenda dy ditëve, ndërsa ajo thekson se sidoqoftë, ajo e ka të dashurin jashtë dhe ata i shikon vetëm si dy djem lagjeje. Lexo me teper »