Për të gjithë banorët është rezervuar nga një surprizë. Protagonistja e radhës është Domenika ku surpriza për të ka një karakter romantik. Domenika është finalistja e vetme vajzë e këtij edicioni, një vajzë plot vlera artistike, një karakter pozitiv që ka dhuruar shumë emocione si e vetme, ashtu edhe në sajë të lidhjes së saj me Seldin. Arbana i kërkon Domenikës të dalë në oborr, pasi aty do të realizohet një ëndërr e bukur. Domenika befasohet kur aty shikon disa shkallë të zbukuruara të cilat duhet t’i ngjisë, duke marrë kështu rolin e Zhuljetës. Ajo vesh një mantel roz i cili i përshtatet ambienti romantik. Edhe Romeoja i saj nuk mungon. Seldi vjen pikërisht i veshur si ky personazh e nën tingujt e muzikës romantike, ai i dedikon një poezi. Por, surpriza nuk ka përfunduar me kaq sepse Seldi i propozon për herë të dytë që të fejohen. Domenika emocionohet shumë kur e sheh e akoma më shumë për propozimin e tij. Ajo zbret nga shkallët dhe e puth e përqafon plot mall Seldin dhe i kthen një përgjigje pozitive për propozimin e Seldit i cili tashmë është ulur në gjunj. Ai i dhuron një varëse të cilën ia vë në qafë. Domenika nuk resht së puthuri Seldin duke dhuruar të dy momente shumë emocionuese. Pasi qëndrojnë për pak caste, dy të rinjtë ndahen për t’u takuar vetëm disa momente më vonë. Domenika futet e emocionuar dhe e gëzuar në shtëpi.

Arbana e komenyon këtë surprizë me Valentinën, mamanë e saj e cila shprehet se e përkrah dhe e mbështet vajzën e saj në cdo vendim që merr. Ajo thotë se beson shumë në dashurinë e dy të rinjve.

Opinionisti, Ariani shprehet se Domenika e ka befasuar me sjelljen e saj, pasi lirshmëria që e karakterizon atë e bën të jetë një person shumë i dashur e shumë i pëlqyer nga të gjithë.

Seldi dhe Domi qëndrojnë në një pjesë të kopështit, të veçuar nga pjesa tjetër e banorëve e bëjnë thashetheme për Kikën, Erionin e Jetmirin. Domi shprehet se Jetmiri dhe Erioni i kanë folur shumë rëndë Kikës e ai nuk reagonte, por i pranonte të gjitha. Seldi përgjigjet se Domi nuk duhet të mendojë se Kikës mund t’ia hedhin dy djemtë pasi ai është shumë i zgjuar, përtej sjelljes që bën. Më pas Domi shprehet se asaj i vjen keq për Jonën e Seldi i përgjigjet se kjo është loja e asaj nuk ka pse t’i vijë keq. Domi shton se Jona nuk i meriton sjelljet e pahijshme të Erionit e Jetmirit, pasi jo vetëm për Jonën por kundrejt ç’do femre duhet patur respekt. Ajo shprehet që dhe pse Jona është e madhe, ajo dhe Seldi nuk duhet t’i lejojnë këto gjëra të ndodhi. Seldi përgjigjet se ai nuk ka ndërmend të ndërhyjë për Jonën, pasi kur nuk po kundërpërgjigjet për veten e tij, nuk ka pse t’a bëjë për Jonën dhe Domi e mbështet këtë mendim më pas. Seldi shprehet se Erioni nuk ia prish terezinë asnjërit nga banorëve dhe shkon mirë me të gjithë, por kjo është shumë e lehtë për t’u bërë pasi mjafton të qeshësh e të luash me të gjithë pas u përfshirë në asnjë debat apo diskutim. Domi përgjigjet se në fillim ka menduar se ky është vërtetë karakteri i Erionit, por nga videot që ka parë të shtunën ka kuptur që pas kësaj fshihet diçka tjetër. Ajo shton se që pas ikjes së Bertinës, Erioni ka ndryshuar dhe Seldi shprehet se kjo është e vërtetë, por ata të dy nuk duhet t’i japin rëndësi të tjerëve e t’i vënë në qendër të vëmendjes pa qenë nevoja.

Seldi dhe Domenika shkojnë në dhomën e gjumit dhe fillojnë të bëjnë thashetheme për Kikën dhe Erionin. Seldi i tregon Domenikës bisedën që pati me Kikën jashtë duke i treguar në detaje ato çfarë Kika kishte thënë më parë. Nga ana tjetër Domenika i tregon Seldit për bisedën që ajo pati me Erionin. Domi thotë se Erioni ka karakter të dobët duke u nisur nga fakti që ai u nevrikos nga një provokim i saj. Të njëjtën gjë thotë edhe Seldi duke thënë se Erioni ndikohet shumë nga Jetmiri. E ndërsa ata bëjnë thashetheme në dhomën e gjumit vijnë edhe banorë të tjerë dhe çifti ndërpresin bisedën.
Pas bisedave ata fillojnë të luajnë dhe Seldi duke luajtur e vret Domenikën e cila i thotë se ai nuk di që ai të sillet me një femër. Duke luajtur Seldi i thotë Domenikës me shaka se ai do të përdorë dhunë ndaj saj. Domenika i thotë që të mos e thotë më me shaka se një femër duhet të trajtohet me dhunë sepse jashtë mund të merret si e vërtetë dhe jo si shaka. Shprehja e saj nevrikos Seldin i cili i thotë se ajo nuk duhet që t’ia thotë më një gjë të tillë sepse ai po e thotë në sensin e shakasë. Kështu mes të dyve lind një debat me tone të larta nga ana e Seldit. Domenika mundohet që t’a qetësojë dhe sqarojë, por Seldi vazhdon të bërtasë. Domenika pas një tentative të dështuar për t’a qetësuar i kërkon falje. Seldi i thotë se nuk është problemi tek falja, por ai e kishte me shaka, ndërsa ajo duket sikur e thotë në mënyrë që jashtë duket sikur Seldi e kishte gabim dhe Domi ka të trejtë. Pas kësaj në dhomën e gjumit bie heshtja.

Banorët janë ngritur të gjithë nga gjumi. Ndërsa disa qëndrojnë në kopsht, bisedojnë për debatet e mbrëmshme. Mandi i ankohet Erionit se mbrëmë, kur bisedonte me Mirin, e ka bezdisur se nuk i ka lënë të flinte. Erioni justifikohet, ndërsa Seldi ndërhyn duke thënë një batutë me ironi për Mirin. Erioni i kthehet Seldit dhe thotë se nuk duhet të bëjë veprime të tilla me Mirin, përderisa nuk shkojnë. Ai e quan provokim të vërtetë faktin që gjatë mbrëmjes, Seldi i ka hedhur lëngun që pinte mbi trup Mirit. Mandi, i cili nuk e dinte këtë gjë, i thotë Seldit se Erioni ka të drejtë. Seldi justifikohet se ashtu i erdhi për momentin dhe shton se edhe Miri ka thënë shumë fjalë për të. erioni e këshillon që me fjalë mund të zihen sa të duan, por mos të bëjnë veprime të tilla se quhen provokime. Edhe Mandi mbështt Erionin dhe thotë se Seldi duhet të mbajë qëndrimin e tij. Seldi ia kthen se ishte për lojë, por Erioni e kundërshton. Domenika vjen dhe shprehet se Mirit i lejohet të luajë, ndërsa atyre jo. Erioni tërhiqet nga biseda kur Seldi i thotë se atij s’ka c’i duhet, ndërsa Mandi i thotë Domenikës se që mbrëmë, situatat kanë ndryshuar. Erioni tregon se pas asaj që bëri Seldi, Miri do reagonte dhe ishte ai që e kishte mbajtur. Erioni thotë se ndonjëherë shakaja kthehet në debat. Edhe Mandi insiston njësoj si Erioni, ndërsa Seldi shprehet se ata po luanin dhe nuk e bëri me tendencë, ndryshe nga ato që bën Miri. Ai thekson se janë në lojë e duhet të kënaqen. Seldi nxehet nga ndërhyrjet e tyre dhe Erioni i kërkon falje dhe thotë se nëse duan, mund të zihen sa të duan. Mandi thotë se ata do i diskutojnë sjelljet e njeri-tjetrit, por Seldi ia kthen se nuk do që të tjerët të merren me gjërat e tij. Ai shton se kur bën një gjë e bën me vetëdije dhe shprehet se u bë nami që u lag Miri. Mandi i kujton këshillat që i dha një natë më parë duke i thënë t’i ketë në mendje ato.

Seldi me Domenikën qëndrojnë për një kohë të gjatë në sallon deri në orët e para të mëngjesit, ndërkohë që të gjithë të tjerët janë në gjumë. Ata i tregojnë gjëegjëza njëri-tjetrit dhe argëtohen me situatat që krijojnë, pasi shpesh herë ngatërrohen dhe nuk arrijnë të gjejnë përgjigjen e saktë.
Më pas ata kujtojnë të gjithë banorët që kanë marrë pjesë në BB. Ata përmendin Renaton si tipin që kishte ashumë siguri në vetvete dhe i qetë. Seldi shprehet se ai duhet të ishte më energjik dhe gabimi i tij ishte sepse ka thënë që i ka mundur të gjithë banorët. Më pas Seldi thotë se për Gracielën i ka ardhur keq që është larguar shpejt, e Domi shton se Jetmiri e futi Gracielën në lojën e tij. Ajo thotë se gjithsesi Graciela ia ka numëruar të gjitha kur ka dalë. Domi shprehet se dhe kur ka qenë në shtëpi, Graciela ka bërë një debat të madh me Jetmirin pasi ai nuk po rrinte shumë me të kur kanë qenë në shtëpi të veçanta, por gjithsesi ai nuk i ka merituar të gjitha fjalët e saj pasi nuk mund të rrinte vetëm me Gracielën. Seldi shprehet se Jetmiri me Gracielën kanë patur të njëjtin raport si ai me Pamelën, pra vetëm shoqëri. Domi thotë se ai ka qenë në nominim javën që kanë qenë në shtëpinë e re dhe normalisht që do të rrinte dhe me banorët e tjerë. Seldi thotë se për aq sa e ka njohur Gracielën, i është dukur njeri i mirë, ndërsa Jetmiri e ka treguar veten më të gjithë.
Pasi kanë qëndruar për një kohë shumë të gjatë, ata shkojnë të shtrihen në dhomë pasi shikojnë që jashtë po zbardhet.