Natyrisht, mbas mbarimit të “Dancing with the stars”, ne ishim kuriozë të mësonim se cilat do të ishin angazhimet verore të Bjordit dhe Adelës. Ata gjatë kësaj kohe janë marrë me shumë projekte të tjera, të dy bashkë ose në mënyrë individuale. Këtu vlen të përmendim programe në radio, shkrime në gazeta e revista të ndryshme, projekte në ekrane që kanë mbetur ende në letër etj. Pra, mund të thuhet me plot gojë që ata kanë shumë interesa dhe pasione. Dhe, ndërkohë që ne po prisnim të mësonim se cili do të ishte hapi i radhës, ja ku na vjen një lajm që na lë pa fjalë, Bjordi dhe Adela vendosin të lënë Shqipërinë. E themi këtë, sepse miq të çiftit na kanë rrëfyer që prej kohësh ata kishin vendosur të kalonin pushimet në Itali, por kur mësuan se ata kanë boshatisur shtëpinë ku jetonin duke e dorëzuar atë, të lë të mendosh se qëndrimi i tyre në Itali do të jetë i gjatë.

Pikërisht tani që mamaja e Bjordit vendosi të kthehet në Tiranë pët rë qenë sa më pranë të birit, Bjordi i cili nuk pranonte kurrsesi të kthehej në Itali pasi jeta këtu i pëlqente, me sa duket ka ndërruar mendje. Të hënën, çifti është nisur në Lecco, vend ku Bjordi ka jetuar me familjen e tij për rreth 20 vite, ku jeton aktualisht edhe familja e Adelës. Më pas, ata do të bëjnë pushimet në plazhin luksoz të Sardenjës dhe me shumë gjasa pritet që të kenë ndonjë angazhim tjetër që nuk ka të bëjë thjesht me pushimet, por me ndonjë projekt të mundshëm. Në pamundësi për të kontaktuar me çiftin e sqaruar diçka, ikja e tyre duke lënë edhe shtëpinë, mbetet mister dhe të krijon idenë se ky largim fsheh diçka, e cila shpresojmë të jetë e mirë për ta.

Efektet e bashkëjetesës brenda shtëpisë së Big Brother janë gjithmonë e më të forta për banorët, çka po çon në ndryshimin e raporteve të tyre.

Disa prej atyre që ishin miq, duket se nuk janë më e anasjelltas.

Ka mjaftuar shakaja e Ermelës dhe Nedës, të cilat i fshehën dyshekun Petritit, për të bërë të shpërthejë nervozizmin e këtij të fundit. Papritur, në debat u përfshinë edhe të tjerët.

Mirjeta u njoh me mendimin e vërtetë të mamasë së Mirjelit, i cili gjatë javës i kishte thënë asaj një version shumë më të zbutur nga ai reali.

Shkëlqimi u largua nga shtëpia me vendim të publikut. Big Brother vendosi që banorët të eliminonin një nga vajzat e shtëpisë. Shumica e tyre zgjodhi Ermelën, por shumica e publikut, më saktësisht 70% e atyre që votuan, e donin atë në lojë.

Në kandidim këtë javë janë Neda, Klodiana, Petriti, Ogreni dhe Ermela.

Pas disa provash bie gongu dhe fillon loja. Banorët bëhen gati. Nisin lojën grupi i parë i banorëve i cili përbëhet nga Ergysi, Klodiana dhe Marieli.

Më vonë bie përsëri gongu për grupin e dytë të banorëve të cilët janë:Hënes, Toros dhe Alma.

Grupi i radhës është grupi i tretë i cili përbëhet nga Ogreni, Fatjona, Mirjeta. Banorët e grupit të tretë presin gjatë, pas ca kohësh bie gongu për ta. Tre banorët fillojnë performojnë, ndërkohë që pjesa tjetër e banorëve i ndihmon me duartokitje.

Pas mbarimit të provës së grupit të tretë, bëhen gati pjesëtarët e grupit të katërt të cilët janë: Imelda, Alkena dhe Emilio. Banorët presin rënien e gongut i cili vonon.

Sipas informacioneve që morën gazetarët e “Bluetooth”, javën që sapo lamë pas, lidhjes së tyre i ka ardhur fundi. Ata të dy nuk kanë duruar dot më, me njëri-tjetrin. Sipas të dhënave që morëm nga njerëzit afër çiftit, ka qenë Najada, vajza nga Fieri, që i ka thënë “stop” dhe ndal, lidhjes së saj me Olsin. Edhe pse Najada përpiqet t’i shmangë në intervistën e mëposhtme arsyet që e çuan në ndarjen me Olsin, miqtë dhe njerëzit e saj të afërt thonë se gjithçka, ka ndodhur për shkak të disa veseve të kaluara të Olsit, dhe që sikurse është thënë poshtë e përpjetë, edhe nga e fejuara e tij e parë Lusila, kanë pasur të bëjnë me përdorimin e lëndëve apo substancave narkotike.
E pyetëm vetë Najadën se mos është kjo një tjetër lojë e çiftit, sepse ata e kanë provuar dhe herë tjetër të ndahen dhe me pas janë ribashkuar sërish, por ajo këtë radhë thotë “jo”, ndarja e tyre është në mënyrë definitive… Le të lexojmë më poshtë se çfarë na ka rrëfyer Noçja në këtë intervistë ekskluzive për “Bluetooth”…
Najada sa i vërtetë është thashethemi që qarkullon në lidhje me ndarjen tuaj nga Olsi?
Është shumë i vërtetë.
Kush e mori këtë vendim?
Unë, ishte një vendim totalisht i imi.
Çfarë u bë shkak për ndarjen?
Problemet e shumta që ka Olsi me veten…
Mendon se ka gjasa që të riktheheni sërish bashkë?
Kësaj herë është përfundimtare. Nuk më kthehet më mendja sepse duhet të mendojë për veten në radhë të parë, pastaj për të tjerët. Nuk mund të lidhë jetën me një njeri të papërgjegjshëm.
Olsi ka tentuar ribashkimin?
E ka tentuar në mënyrat e tij, por unë ia kam prerë të gjitha shtigjet. Edhe numrin e celularit, prandaj e kam ndërruar… Ato që ka bërë janë gjëra që nuk rregullohen dhe kalohen lehtë.
Ju kishit planifikuar fejesën brenda këtij viti, ishte ky sipas teje një veprim i nxituar?
Nuk mund të them tamam-tamam i nxituar… Gjërat ishin shumë mirë, unë po jepja maksimumin, por ai kishte 2-3 muaj që nuk ishte shumë në terezi, ndaj janë zvarritur edhe kaq shumë gjërat.
Çfarë do të bësh tani Najada?
Kam përfunduar shkollën për pikturë. Kam dëshirë të ndjek masterin dhe aktualisht jam duke ndjekur një kurs kualifikimi në gjuhë të huaj dhe kompjuter.
Sa e lënduar je ti nga kjo histori?
Normalisht nuk mund të bëj indiferenten, diçka është thyer tanimë. Diçka që kisha kohë që e ndërtoja, por nuk jam dhe shumë e lënduar, ju thashë kjo ishte më e mira për mua.
Si do e kujtosh lidhjen me Olsin?
Nuk mundem ta përcaktoj tani se si ka qenë kjo lidhje për mua. Ka pasur momente të bukura, sikundër ka pasur momente të shëmtuara… Nuk mundem seriozisht në këtë moment të jap një përgjigje…
Jetesa
Noçja tani ka një banesë të re, krejt më vete nga Olsi, dhe tashmë po kërkon një punë, kudo qoftë ajo. Një punë më të mirë për të përballuar jetesën në kryeqytet. Jo se Najada nuk ka oferta të deritanishme, por ajo po sheh me kujdes për të zgjedhur më të mirën për veten e saj në këtë moment pak të vështirë që po kalon pas ndarjes me Olsin. Në fakt, sikurse na tregojnë njerëzit afër tyre, por siç na tha dhe vetë Noçja ajo nuk e ka pasur shumë problem këtë ndarje. Madje, ajo më shumë se kurrë është e vendosur për të gjetur një tjetër zgjidhje në jetën e saj, tashmë jo për çështje zemre. Duket se ajo nuk ka hequr dorë as nga argëtimi, por më shumë është kufizuar te njerëz e familjarë të saj por edhe shoqëri shumë të ngushtë.
Olsi: “Nuk jemi ndarë”
Natyrisht që pasi dëgjuam këtë lajm tentuam të flisnim edhe me çiftin. Në fillim tentuam me Noçen, por telefoni i saj rezultonte i fikur (gjithsesi e gjetëm formën e komunikimit). Pas saj kontaktuam me Olsin, i cili me natyrën e tij moskokëçarëse, na u përgjigj me një pyetje: “Ç’janë këto budallallëqe more? Kush i nxjerr këto lajme?” Duke vijuar më pas me frazën që mohon gjithçka: “Si mund të ndahemi kur thuajse një javë më parë unë ju tregova se do të fejohem me Noçen?”, ka përfunduar Olsi duke i mëshuar faktit që e gjitha kjo histori është e sajuar dhe aspak e vërtetë. Por nga ana tjetër pak ditë më parë, në statusin e tij në facebook.com ai shkruan: “U R IN MY MIND”, (ti je në mendjen time e përkthyer në shqip)… E kontrolluam sërish profilin e tij dje, por Olsi e kishte fshirë këtë status…
Fejesa e Olsit dhe Noçes
Vetëm në 10 shtator, pra gati një muaj më parë, Olsi, në suplementin “Summer Pages” të Gazeta Shqiptare, që mbylli siparin më 15 shtator, shpalli lajmin se shumë shpejt do të fejohej me Najadën. “Pse të mos ta bëjmë më tradicionale lidhjen?” shtroi Olsi pyetjen retorike për fejesën e tyre të shpejtë. Olsi na tregoi se fejesa e tyre do të kryhej brenda këtij viti, do të ishte një ceremoni tradicionale me prindërit gjatë ditës, ndërsa në darkë, do të ishte një ‘party’ me miqtë. Dhe jo vetëm kaq, por Olsi dhe Noçja kishin zgjedhur edhe unazat e tyre të fejesës. Ceremonia do të ishte tradicionale dhe Olsi tregon në intervistën për “Summer Pages” se pjesën më të madhe të kohës ai e kalonte me Noçen, te shtëpia e saj. Ja dhe ëndrrat e tyre përfunduan, dhe më në fund, brenda vitit nuk do të ketë më fejesë, unaza apo gjithçka tjetër.

Erioni, Mandi, Kika, Jona dhe Klodi qëndrojnë në kopësht duke marrë rreze dielli e duke biseduar. Ata komentojnë pothuaj çdo këngë që dëgjojnë në sfond dhe e shoqërojnë duke kënduar. Jona u tregon djemve se ka ditëlindjen më datë katërmbëdhjetë maj dhe Mandi shprehet se do të ishte bukur sikur t’a festonin të gjithë bashkë. Por ai shton se duke qenë se jo të gjithë banorët do të mbeten deri në finale, ajo mund t’a festojë dy ditë më pas, atëherë që të jenë të gjithë jashtë. Jona përgjigjet se ajo do t’a festojë në ditën që e ka, e më pas nën shoqërinë e të gjithë banorëve mund të organizojnë ndonjë festë tjetër.
Më tej, Mandi është i pari që hidhet në pishinë për sot dhe Erioni do të hedhë Jonën me patjetër në pishinë. Ajo i thotë se do të hidhet me vullnet të lirë e nuk është e nevojshme që t’a shtyjë ai. Jona dhe Erioni bëhen gati për t’u hedhur të dy në të njëjtën kohë në pishinë, por Jona hidhet ndërsa Erioni, jo. Kur Jona e shikon që Erioni nuk është hedhur, i thotë se ai ka bërë me hile dhe Erioni fillon të lagë trupin pak nga pak që të mësohet me ujin e më pas të futet.
Në pishinë qëndrojnë Mandi, Kika, Erioni dhe Jona dhe luajnë me top aty e më pas marrin rreze dielli.

Banorët vazhdojnë të flasin për cështjen e Hakiut dhe atë të Kosovës. Ata janë mbledhur të githë dhe po ashtu ndërmjet tyre është edhe Hakiu. Për ta, i gjithë problemi qëndron tek mesazhi që përcillte ai klip, një formë thirrjeje për të mbështetur hakiun që cmimi të shkojë në Kosovë. Banorët janë ndarë në dy grupe, njëri pro kësaj cështjeje e tjetri kundër. Grupi që është pro mendon se mesazhe të tilla mund të bëhen për cdo banor, por që ata nuk i dinë dhe ndaj nuk mund të quhet problem. Mandi shprehet se nuk shikon asnjë lloj ndarje mes dy pjesëve të Shqipërisë. Edhe Seldi pohon të njëjtën gjë dhe shprehet se ndarjen e shikojnë ata që duan të ulin banorët. Erioni hidhet duke thënë se ata nuk po ulin banorët, në këtë rast Hakiun, madje për të ai është ndër më të preferuarit në shtëpi, por sidoqoftë kjo gjë nuk i pëlqen dhe ia ka thënë shpesh atij. Seldi pyet se përse kapen me Hakiun, por të tjerët thonë se po diskutojnë vetëm për mesazhin e jo për Kikën. Klodi mendon se Seldi po bën servilizma ndaj Kikës. Seldi dhe Klodi kapen sërish me fjalë e kësaj here edhe më shumë se më parë. Banorët i rikthehen bisedës por ndërpriten shpesh nga debati mes Klodit dhe Seldit i cili shpesh kalon në ofeza. Sidoqoftë, Hakiu dhe Mandi shprehen se nuk po shohin apo duan ndarje të tilla, ndërsa Klodi, Erioni dhe Miri insistojnë se nga ai mesazh, u kuptua sikur ekziston nëj ndarje e tillë mes dy krahinave. Debati mes Klodit dhe Seldit vazhdon sidomos kur ky i fundit thotë se klodi duhet t’ia thojë gjërat në sy Kikës. Klodi shprehet se ia ka thënë, ndërsa vetë Seldi duhet t’i thojë në sy gjërat dhe merr shembull nga një diskutim mes tij dhe Domit. Debati përfshin edhe Mandin dhe Domenikën ku kjo e fundit kërkon që të mbyllet tema. Pasi mbyllin këtë debat, banorët vazhdojnë debatin për ndarjen mes dy vendeve. Erioni dhe Miri shprehen se Seldi po hidhet në mbrojtje sikuar ata po shajnë Kikën, në fakt po diskutojnë për videon. Mandi dhe Seldi mendojnë se Mirit i intereson ta kalojë bisedën në tjetër vend, ndërsa Miri, Erioni dhe Klodi habiten pasi për ta, diskutimi vazhdon në po të njëjtin drejtim. Hakiu thotë se nuk ishte ndarje dhe se ky emision nuk ka këtë qëllim. Klodi ia kthen se kështu iu duk, por nëse është gabuar, do kërkojë falje. Miri i thotë Klodit se përvec atij, asnjë nuk po e kuptonte se cfarë po thoshte dhe se biseda e tij u transformua plotësisht.

Banorët kanë shkuar një e nga një për të dhënë kandidaturat e tyre për këtë javë sëbashku me dy arsye të forta se përse duan që njëri prej tyre të largohet javën e ardhshme. Kandidaturat e banorëve janë të larmishme duke përfshirë shumë banorë në të. Në përfundim të këtij rituali të përjavshëm, në kandidim për këtë javë shkojnë pesë persona: Hakiu dhe Miri me katër nominime, Mandi, Erioni dhe Seldi me nga dy nominime. Këtë javë shkojnë në kandidim vetëm meshkujt, ndryshe nga herët e tjera që vajzat kanë qënë dominante. Për këta të kandiduar, opinionisti shprehet kryesisht për Erioni për të cilin thotë se është i vetmi banor që nuk është kuptuar se si sillet gjatë javës së nominimit, pikërisht sepse ka dalë vec një herë. Kështu, Arbana ua komunikon këtë vendim të tyrin vetë banorëve të cilët nuk reagojnë thuajse fare.