Erioni, Jetmiri, dhe Valoni janë ulur në banak dhe bisedojnë me njëri-tjetrin. Jetmiri thotë se situata e javës së kaluar u bë e gjithë vetëm për një fjalë të thënë nga ai dhe betohet se nuk e kishte bërë qëllimisht. Sipas tij ajo situatë ndodhi vetëm prej banorëve të grupit tjetër sepse ata janë persona që u mbetet hatri shpejt, por dhe shumë ironikë. Ata diskutojnë për grupin tjetër duke thënë se ata nuk marrin pjesë në diskutime. Erioni thotë se Klodi ishte mërzitur me të sepse ai me shaka i kishtë thënë gjatë provës “ç’do këtu ti, ku e ke grupin tënd”. Ai thotë se kjo nuk është e drejtë pasi edhe banorët e grupit tjetër e ngacmojnë shpesh Bertinën duke përdorur ironitë. Jetmiri i thotë se ai nuk ka pse ta vrasë mendjen nëse u ngel hatri atyre apo jo, ai duhet të bëjë lojën e tij sepse nuk ka detyrime ndaj tyre. Erioni tregon për një bisedë që kishte bërë me Oltën së cilës i kishte thënë se nëse ajo i bënte veprimet me ndjenjë ai nuk do ta kishte keqkuptuar, por nëse ajo i bënte veprimet kudrejt tij për të mërzitur Bertinën, atëherë do t’i vinte vërtet keq. Jetmiri i thotë se Olta nuk i bën veprimet me ndjenja sepse ashtu ishte sjellë edhe me djemtë e tjerë të shtëpisë duke përmendur Bledin. “I thashë të respektoj si shok, por po më përdore kundër një personi kaq të afërt për mua e ke shumë gabim” thotë Erioni. Valoni i thotë “ti nuk e ke vërejt, por ajo erdhi të puthi ty, pa Bertinën dhe iku”. Ata bisedojnë për një kohë të gjatë duke e vazhduar bisedën e tyre jashtë. Edhe Jetmiri i thotë Erionit që të ndryshojë kundrejt Oltës sepse duket që ajo e përdor për të mërzitur Bertinën. Ai i thotë “mos u merr me të, e pe ça i bëri Bledit, i shkreti u mor me të gjithë javën dhe nuk e tregoi dot e kush ishte”. Më pas Jetmiri bisedon edhe për pjestarët e tjerë të grupit të cilët sipas tij nuk po tregojnë asgjë në BB.

Disa nga banorët janë ulur në sallon dhe bisedojnë për homoseksualizmin. Duke marrë shkak nga publikimi i prirjeve seksuale të Klodianit gjatë spektaklit ata nisin të bisedojnë për këtë temë. Enxhi hap bisedën duke pyetur banorët e tjerë nëse u ka ndodhur që të dashurojnë dikë dhe më pas kanë kuptuar se ka qënë homoseksual. Jetmiri i përgjigjet “unë nga fshati vij, vetëm për femrat di të flas”, ndërsa Ada thotë se ajo ka një shoqe në Itali që më anë të operacioneve ka ndërruar seks nga mashkull në femër. Banorët kurioz nisin ta pyesin për të dhe Ada u përgjigjet duke treguar se si ka arritur këtë gjë mikesha e saj e cila tashmë punon si modele. Jetmiri thotë se ai është deri diku konservator përsa i përket kësaj çështje, ndërsa Valoni shprehet se është totalisht kundër këtyre prirjeve. Teksa Valoni shprehet me ashpërsi kundër homoseksualizmit, banorët e tjerë e kundërshtojnë dhe i kërkojnë që ai t’ia thotë mendimin e tij Klodit në sy. Valoni thotë se ai nuk ia ka thënë sepse nuk do që Klodi të lëndohet, apo të ndjehet keq. Ada fillon të tregojë se ajo ka pasur një shok të tillë dhe nuk e kishte kuptuar deri në momentin që personi ia kishte deklaruar vetë . Ajo thotë se miku i saj ishte çuditur se ajo nuk e kishte problem shoqërinë me persona që kanë të tilla prirje. Banorët japin opinionet e tyre ku ata që janë kundër thonë se homoseksualizmi është kundër natyrës, ndërsa të tjerët që janë pro thonë se është diçka krejt normale dhe ndjenjat nuk janë të kontrollueshme. Sipas tyre njeriu duhet të bëjë atë që ndjen, jo atë që të tjerët duan. Më pas ata me kërkesën e Hakiut ndërrojnë bisedën në të tjera çështje.

Flasin ish-banorët: Përplasje mendimesh; “përzgjedhje perfekt… surpriza të befasishme… erën e pleqërisë që po vjen aty… Seldi, “Bjordi” i shtëpisë… Lidhja është strategjia më evidente dhe e lehtë për të tërhequr vëmendjen e publikut” “Ata e kanë kaluar një herë këtë eksperiencë dhe tani flasin lirshëm. Dukur kanë qenë vetë pjesë e lojës dhe nën vëzhgimin e kamerave për 4 muaj me radhë…, ndërsa tani shohin me kuriozitet lojtarët e radhës. Ish-banorët e edicionit të parë dhe të dytë të “Big Brother Albania” kanë dhënë për Sh2-in opinionet e tyre për Big Brother 3. Të pyetur se si i duket ky edicion, si e shohin përzgjedhjen e banorëve, kushtet e shtëpisë, apo për ndonjë surprizë apo lidhje të mundshme mes lojtarëve, secili është shprehur hapur për atë që ka parë deri më tani. Eksperienca bën të vetën dhe ish-banorët arrijnë t’i kuptojnë “hilet”, apo objektivat që çdo kush nga ata që është futur në atë shtëpi i ka vënë vetes. Strategjitë janë të qarta po kjo vlen për tu parë në ditët në vazhdim. Në përgjithësi vlerësohet përzgjedhja e banorëve dhe askush nuk e vë në dyshim që do të ketë shumë surpriza”.

Elton Tozaj

“Normalisht është ende herët për të dhënë mendime, por duke pasur parasysh se që në fillim i shoh shumë aktivë mendoj se përzgjedhja këtë vit është cilësore. Megjithëse me thënë të drejtën me pëlqejnë më shumë miqtë dhe mikeshat e mia të BB2. Duke filluar që nga shtëpia dhe deri te hyrjet e reja, besoj se surprizat këtë vit do të jenë të mëdha, duke pasur parasysh që edhe organizatorët këtë vit do të sjellin diçka ndryshe nga vitet e kaluara. Lidhje do ketë…është më se normale dhe besoj se do të ndodhin shumë shpejt. Mendoj se çifti i parë që do të lidhet, do jetë ai që do të ketë më shumë vëmendjen e të gjithëve, por mendoj se shumë shpejt aty brenda do të hyjë ndonjë personazh që do të bëjë më shumë zhurmë se çdo njeri tjetër”. Lexo me teper »

Pasi përfundojnë drekën e përgatitur nga Klodi dhe Graciela të cilët gatuan pite, disa nga banorët shtrihen për të fjetur, ndërsa disa të tjerë zhvendosen në dhomën e ndenjjes ku përgjithësisht rrinë pa folur. Të gjithë ankohen se i ka kapur një plogështi dhe askush nuk bën asgjë, përvecse ndonjë bisede të shkurtër. Kryesisht bisedat lidhen me mungesën e cigareve. Kështu, pasi Valoni largohet duke përdorur fjalë jo etike se nuk i japin cigare, banorët në dhomën e ndenjjes fillojnë të komentojnë mbi të. Ata shprehen se fillimisht ai u ishte dukur një djalë i shkathët dhe shumë i mirë, ndërsa tani u ka dalë nga qejfi thuajse të gjithëve. Klodi mendon se edhe fjalët që ai përdor nuk janë të përshtatshme dhe shpesh i duket banal dhe i rëndë në ato që thotë. Bledi e krahason sikur ka dalë nga xhungla, për modelin e flokëve dhe faktin që nuk kujdeset më për veten. Ata diskutojnë se edhe pse ka një moshë më të vogël se ata, ai nuk mund të quhet fëmijë, por Klodi mendon se edukata ekziston edhe tek një fëmijë. Disa prej tyre tregojnë se në moshën e tij kanë marrë rrugët e emigrimit e kanë përballuar jetën të vetëm.
Biseda kalon tek sporti ku Erioni tregon se është tifoz me Partizanin në futboll dhe tregon se vëllai i Oltës ka qënë lojtar i asaj skuadre. Klodi dhe Bledi habiten dhe ky i fundit pyet për më shumë informacion. Klodi, për t’i ngacmuar i thotë se po interesohet për kunatin dhe shprehet se të gjithë janë bërë cifte cifte nëpër krevata. Olta dhe Bledi nuk ia marrin për keq, por vazhdojnë bisedën për futbollin shqiptar. Ndërkohë që bisedojnë, ata pinë sërish kafe.

Olta ka komentuar me Bledin për debatin e Oltës me Enxhin dhe ka thënë që Bertina është shprehur se Enxhi ka ardhur vetëm për të dhe ka mbajtur shënim me laps e letër veprimet e saj. Olta thotë që Bertinës nuk i jep asnjeri rëndësi dhe do të pozicionohet vetë pa ia dhënë mundësinë të tjerët. Më pas ajo i ka treguar që Erioni i ka thënë Enxhit që do të donte të bënte seks me të por ajo iështë përgjigjur që nuk është tipi i saj. Më pas Bledi i tregon që Erioni i ka thënë që po të nos ta kishte Bertinën do t’ja kishtë ulur kokat vajzave të tjera. Olta çuditet dhe Bledi i thotë që atë do ta kishte bërë për vete por Olta i thotë që ajo nuk këputet nga bukuria dhe ajo mund të kishte luajtur me të. Më pas ajo flet për Rezin dhe thotë që ajo e nxorri veten jashtë loje shumë shpejt sepse po e komandon Jetmiri komplet dhe ajo e ndjen veten inferiore. Bledi i ka thënë që është dakort nëse gjërat vijnë natyrshëm por nëqoftëse po e bëjnë për lojë nuk i pëlqën aspak. Ndërsa për Edin thonë që ka menduar se ka veshur robdishanin e Oltës dhe thotë që ndjehet sikur po fle me të.
Ndërkohë Enxhi ka dalë në kopësht me Jetmirin dhe po flasin për Bertinën. Ajo i thotë që nuk ka gjë kundër saj por në momentin që ajo e ofendon, nuk ka pse t’a durojë. Ajo i tregon që është ndjerë keq në situatën që u krijua mes Seldit dhe Domit pasi u duk sikur ajo iu fut në mes dhe i ndau ndërkohë që nuk ka patur këtë qëllim. Ajo tregon që Seldi e ka pyetur me këmbëngulje për opinionin e saj dhe te njerëzve jashtë dhe ajo i ka thënë që duket sikur ai i shkon pas Domit. Ai ia ka thënë Domit këtë dhe është dukur sikur ajo ka dashur t’i ndajë.
Më pas Jetmiri i thotë që ajo duhet të sillet në atë mënyrë që t’a përcjellë sa më mirë mesazhin që është njeri i mirë dhe ai i thotë që as njerëzit e tij mund mos ta njohin shumë mirë Jetmirin dhe tani do e kuptojnë se si është në të vërtetë. Enxhi i ka thënë që asaj i ka bërë përshtypje fakti që i ka dhënë cigare dhe mendon që është shumë i sjellshëm. Ai i përgjigjet që e bën çdo veprim duke vënë veten në pozitën e të tjerëve.
Si përfundim disa nga banorët janë mbledhur në dhomë dhe kanë filluar të luajnë lojën me të qeshura. Ndërsa Bertina dhe Miri kanë luajtur me top.

Kika ka dashur të dijë më shumë për Enxhin dhe ai e ka pyetur se çfarë e bën atë të ndihet e veçantë, a ka patur ndonjë sakrificë. Ajo i thotë që jeta nuk e ka vënë para sfidave të mëdha por ato vështirësi që ka patur i ka zgjidhur vetë. Ajo i tregon që nuk është futur në shtëpinë e Big Brother për të treguar që është e bukur, e ndershme apo e zgjuar por për të treguar që sa është e çmendur, deri ku arrin adrenalina e saj dhe se ajo bën çfarë t’i pëlqejë. Asaj nuk i intereson fare opinioni i njerëzve.
Ndërkohë që Bertina dhe Erioni janë në dhomë dhe flasin për gjuhët e huaja. Bertina thotë që ajo e do inteligjent mashkullin që ka në krah por ai i thotë që nuk ka ngelur inteligjenca tek gjuhë e huaja. Ai ndërron temë bisede duke i thënë që të vijë të ulet njëherë në tavolinë në kohën e duhur se gjithmonë vjen kur kanë mbaruar të gjithë dhe nuk gjen asgjë. Më pas të gjithë ulen në tavolinë për të ngrënë drekë.
Ata në një farë mënyrë akuzojnë Oltën që ka hedhur kafenë në tualet por Olta i thotë që nuk di asgjë dhe nuk ka ndërmend ta pastrojë. Erioni i thotë që ai e di që e ka bërë Enxhi por ajo e mohon dhe i thotë që e hedh prap po të dojë dhe më në fund e pranon se e ka bërë ajo sepse kishte dëshirë dhe qëllimi i saj u përmbush sepse ajo donte që të krijonte debat. Klodi i thotë i lumtë që e bëri. Ai ka debatuar me Erionin dhe kanë arritur të përdorin tona të larta. Lexo me teper »

Për banorët është rezervuar një surprizë e vecantë. Ata ka ardhur t’i takojë Gjimi i cili ndodhet në një dhomë të shtëpisë e ku për të kujdeset një infermiere sensuale, pasi ai është shtrirë në një krevat sikur të ishte në spital. Banorët e shohin në monitor dhe menjëherë reagojnë që ta takojnë atë. Arbana u kujton banorëve se dhoma në të cilën ndodhet Gjimi i përngjason shumë shtëpisë ku ndodhen dhe kjo tregon se Gjimi ka qënë shumë afër tyre gjatë gjithë kohës. Banorët ngrihen në këmbë për ta gjetur se ku është, por Arbana u thotë se ai po vjen i shoqëruar nga infermjerja. Gjimi shkonnë dhomën e ndenjjes ku ndodhen banorët të cilët e presin me gëzim dhe ata përqafohen përzemërsisht. Arbana i jep mundësinë Gjimit që të sqarohet me ata banorë që dëshiron t’u thotë dicka dhe ai kthehet nga Hakiu dhe i thotë se ai nuk e kuptoi aspak lojën e tij dhe se e vetmja gjë që donte të bënte ishte ta nervozonte që të dilte nga vetja dhe i thotë gjithashtu se ai nuk manipulohet lehtë, ashtu sikurse ishte shprehur Kika. Ai sheh me banorët klipin e tij gjatë qëndrimit në shtëpi dhepara se të dalë u uron banorëve suksese dhe u thotë se i mungojnë shumë dhe se duhet të vazhdojnë lojën e tyre. Ai del në kopsht ku takohet edhe me Erionin dhe Jetmirin të cilët ndodhen në shtëpinë e vjetër. Më pas ai del, por duke lënë në shtëpi infermieren që është një banore e re, Enxhi. Banorët shohin një klip prezantues për ta njohur disi më shumë atë. Arbana i komunikon publikut një të vërtetë se Enxhi është një e infiltruar nga Vëllai i Madh dhe jo një konkurente. Ajo ka për detyrë që të zbulojë karakteret e banorëve, ndërsa Ariani shprehet se tashmë do shohim spektakël dhe shumë lojëra. Enxhi, në dhomën e rrëfimit shprehet se dëshiron që të luajë fillimisht me Seldin.

Jetmiri i ka thënë banorëve të shtëpisë së përbashkët që duhet të rregullojnë shtëpinë sepse nuk mund ta lënë rrëmujë. Ai ka futur në punë Oltën, Renaton dhe Edin pasi vetë do të merret me gatim. Gjithashtu fton dhe Seldin që të shkojë ta ndihmojë, por ai nuk lëviz fare nga vendi.
Më pas Edi i afrohet Jetmirit dhe e pyet me çfarë po i gatuan midhjet. Ai i thotë të mos i nderhyjë në profesin pasi Jetmiri nuk ndërhyn në punët e tij. Edi i thotë që ai do ta dijë me çfarë po i gatuan pasi është kurioz nëse frymëzimi i vjen realisht apo i vjen nga “budalliku”, siç shprehet ai.
Pas pak në të dyja shtëpiat bie gongu dhe banorët i futen punës për provën e javës. Në shtëpinë e re detyra e banorëve është të përdorin midhjet për të bërë zbukurime të ndyshme, objekte, gdhendje (skulptura) e shumë ide të tjera që mund t’ju vinë lidhur me këtë. Ndësa në shtëpinë e re është e njëjta kërkesë por duke patur si objekt pataten.
Domi me Edin po mundohet të bëjë varëse me midhje por e kanë pak të vështirë për t’i ngjitur guaskat me njëra-tjetrën. Më pas Domi thotë që mund të bëjnë dhe ndonjë zemër dhe Seldi i thotë që nuk iu ndanë zemrat. Renato i thotë ngaqë ka zemër të madhe nuk i ndahen zemrat Seldit. Jetmiri u jep ide të bëjnë ndonjë fustan me guaskat e midhjeve, por Domi i thotë që është e vështirë. Më pas Edi mendon se si të hapë vrima tek guaskat por nuk po gjen zgjidhje. Ata thonë që mënyra e vetme do të qe me trapan, por atë nuk kanë ku ta gjejnë. Ndërkohë që pjesa më e madhe po merret me provën e javës, Jetmiri vazhdon të gatuajë midhjet me makarona dhe më pas ulen të hanë. Lexo me teper »

Në shtëpinë e vjetër pothuajse të gjithë banorët janë ulur te kolltukët dhe po diskutojnë. Tema e rradhës në debatin e tyre është “paragjykimet”. Duke folur për paragjykimet ata diskutojnë për mënyrën e të mënduarit të shtresave të ndryshme të shoqërisë shqiptare apo asaj kosovare. Secili jep mendimin e tij duke e ilustruar edhe me ndonjë histori apo eksperiencë personale gjatë jetës së tyre jashtë shtëpisë së BB.
E teksa ata diskutojnë Graciela ka dalë në oborr dhe po bisedon me Oltën. Të dyja vajzat flasin për shtëpinë e re dhe për komoditetin aty. Olta mundohet të shpjegoje orenditë dhe mobiljet e shtëpisë duke i krahasuar ato, me ato të shtëpisë së vjetër. Pas kësaj bisede vajzat diskutojnë për Renaton. Ato bëjnë thashetheme duke komentuar sjelljen e tij dhe ato çka zi ka thënë. Ato diskutojnë edhe për debatin që pati Graciela me Renaton gjatë spektaklit ku Graciela shpjegon edhe një herë atë çka donte të thoshte edhe gjatë debatit me të. Ndër të tjera ajo thotë se Renato nuk është vetvetja ndërsa Olta thotë se ai ka rënë në mendime prej nominimit. Edhe pse bëjnë thashetheme vajzat vlerësojnë anët e mira të sjelljes së Renatos.

Pasi kane folur gjate dhe kane treguar disa pjese nga jeta e tyre, banoret tashme kane filluar te flasin per rregullat e shtepise. Kjo ide u hodh edhe ne momentin kur banoret planifikonin se si do te shpenzonin buxhetin kete jave. Keshtu pasi diskutojne se cfare do te blejne dhe cfare jo, ata bisedojne per te vendosur disa rregulla per te gjithe. Ne keto rregulla do te perfshihen pastrimi i shtepise, gatimi e cdo gje tjeter qe ka lidhje me shtepine e BB. Valentina thote qe djemte qe nuk dine te gatuajne, le te zgjedhin nje vajze qe t’i ndihmoje. Keshtu djemte zgjedhin nga nje vajze per te bere punet e shtepise. Keshtu ciftet jane: Jetmir-Domenika, Seldi-Bertina, Kika-Graciela, Erjoni-Pamela etj. Duke qene se dikush do te donte qe te ishte ne cift me nje tjeter person, banoret vendosin qe te alternohen perseri ndermjet tyre. Pas kesaj ata hedhin short me leter me vrim per te ndare punet.