Bertina Mehmeti, personazhi i “Big Brother 3”, në një debat të nxehtë me kryeredaktoren e gazetës “Paloma”, Aulona Musta, në studion e emisionit të Pasdites, konfirmoi se lidhja e saj me Erjonin vazhdon, në të njëjtën kohë që u shpreh e lodhur nga vëmendja e tepruar e mediave ndaj jetës së saj private.

“Më vjen keq që disa zënka janë bërë kaq të mëdha. E sigurt është që unë dhe Erjoni vazhdojmë”, u shpreh Bertina. Megjithatë, për një njohëse të mirë të botës “rozë” si Musta, lidhja e saj mund të jetë vetëm një farsë, për të mos pranuar ndarjen përpara publikut. Njëkohësisht, ajo shtoi se interesi për jetën e Bertinës përqendrohet vetëm në jetën e saj personale, pasi nuk ka asnjë lloj jete profesionale për të reklamuar.

Vajza e “Big Brother” u kundërpërgjigj me një shembull nga jeta e gazetares, duke e pyetur nëse ajo ishte ndjerë mirë kur u vendos në qendër të vëmendjes për arsye personale, por mori një kundërgjigje të prerë prej znjsh. Mustës. “Edhe unë vij nga një përvojë të ngjashme me tënden, por nuk kam dashur as të përkëdhelem në media dhe as kam pretenduar se jam e bezdisur nga një vëmendje që vetë e kam kërkuar. Duke u futur në “Big Brother”, ke nënshkruar një marrëveshje me publikun, që je vendosur në qendër të vëmendjes, në këmbim të interesit të tyre rreth teje”.

Kryeredaktorja e “Palomës” përfundoi me komente therëse, kur theksoi se: “Shumë personazhë “pseudopublikë” janë të parët që kërkojnë vëmendje dhe të parët që të kritikojnë kur shkruan diçka që nuk iu pëlqen. Është e çuditshme, por e vetmja gjë që ata duan të dëgjojnë është gjëra të mira, duan që t’i të thurësh vazhdimisht lavde për ta”.

Ermela Mezuraj,vlonjatja që ka jetuar në pesë qytete të ndryshme, Vlorë, Korçë, Lezhë, Shkodër, dhe së fundmi në Tiranë është e para femër që arriti të fitojë “reality show Big Brother Albania 4″.  Ermela, vajza çapkëne, bjonde, por që ndryshonte shpesh lukun e saj (tipike për të ishte ndryshimi), ka spikatur që në adoleshencë në Lezhë për inteligjencën dhe bukurinë. Gjimnazistja e “Hydajet Lezhës” në spektaklin e bukurisë, “Miss Lezha 2005″ u vlerësua me dy çmime “Miss Inteligjenca” dhe “Miss Fotozhenia”.

Pikërisht këtë vit ajo filloi të ngjisë shkallët e karrierës së saj si moderatore e evenimenteve të ndryshme kulturore që organizoheshin në Lezhë, jo vetëm në aktivitetet që zhvilloheshin në gjimnaz, por edhe në aktivitete të tjera. Më pas vlonjatja që gjithnjë përqafonte ndryshimin vendoset në Shkodër, ku studioi për punë sociale.  Atje ajo u bë e njohur në garën për drejtues të rinj televiziv, në televizioni lokal “TV1 Channel”, “Sfida”, që drejtohej nga Ergysi (personazhi që zuri vendin e dytë në BB4). Pas studimeve, Ermela u rikthye në Lezhë ku jetonte familja e saj. Ajo ishte Ermela fillimisht ishte vullnetare e Kryqit të Kuq, në qendrën e moshës së tretë dhe më pas si sekretare në një firmë.

Në vitin 2009 Ermela do të shfaqej si spikere e edicioneve qendrore informative në televizionin rajonal “Media Plus”, ku punoi për disa muaj derisa u zhvendos në Tiranë me familjen e saj. Me bukurinë dhe moskokëçarjen e saj, Ermela ka qenë gjithnjë në vëmendjen e të rinjve lezhjanë dhe për veshjen e saj ekstravagante…

Për 100 ditët e “burgut” brenda shtëpisë së Big Brother ish banorët kanë organizuar një festë madhështore në Sharm Club në Sheraton, ku kanë marrë pjesë jo vetëm ata që kanë qenë konkurrentë por edhe miqtë e tyre. Në qendër të vëmendjes ka qenë mbretëresha e këtij edicioni, Ermela. Fytyra e saj është më e fiksuar në fotot e bëra atë mbrëmje. Ervini e ka shoqëruar non stop gjatë natës duke i dhuruar vazhdimisht puthje dhe shtrëngime. Në këtë festë nuk ka munguar as çifti më i përfolur i këtij edicioni, Neda dhe Ogreni. Por, këta kanë qenë më të tërhequr nga turma. Kanë qëndruar gjatë gjithë kohës bashkë dhe herë pas herë në festë i janë bashkuar Klaudia dhe Alkena.

Ashtu si edhe brenda shtëpisë vihet re që banorët flasin me njeri tjetrin duke pëshpëritur në vesh, sikur ende kanë diçka për të thënë! Mbrëmja ka pasur moment kulmor hedhjen e fishekzjarrëve dhe kërcimin e Ermelës me Ervinin. Ne po ju servirim disa prej fotove të asaj nate që ka zgjatur deri në orët e parë të mëngjesit dhe të gjithë kanë ardhur në qejf.

Mirjeta takohet me banorët dhe drejtohet për te dalja e shtëpisë. Marieli e shoqëron deri te hyrja e tunelit. Ai preket dhe fillon të qajë. Edhe banorët e tjerë preken nga gjënda e tij. Ogreni e përqafon dhe Neda e përlotur edhe ajo i shkon pranë.

Pas daljes së Mirjetës në shtëpi bie qetësia dhe degjohen vetëm pshërëtimat e të qarat e banorëve kryesisht Marielit.
Mirjeta largohet nga shtëpia dhe niset për në studion e spektaklit duke e lënë këtu aventurën e saj, por banorët nuk e dinë ende se edhe dikush tjetër do të largohet sonte nga shtëpia.

Në katër edicione të « Big Brother Albania » Edisoni do të mbahet mend si banori i parë që pësoi tronditje psikologjike, me skena të transmetuara edhe në publik. Pas trajtimit psikologjik, Edisoni është rikthyer pranë familjes së tij në Itali, duke mos pranuar të japë asnjë koment në lidhje me çfarë i ndodhi. Të gjitha përjetimet i ka ndarë me kushërirën së tij, Renidona Zeneli, e njohur më parë në publik si “Miss Queen Albania 2009”. Ajo tregon për Edisonin para se të hynte në shtëpi, dhe pse nuk mundi ta përballonte dot lojën:

Renidona, para se Edisoni të hynte në BB, ti kishe publikuar disa foto në profilin tënd në facebook. Çfarë ju lidh bashkë?

Edisonin e kam kushëri dhe fotot bashkë i kemi realizuar në momentet tona më argëtuese, ndërsa ndodhesha në Itali për festat e Krishtlindjeve 2010, pikërisht ditën kur në Tiranë ka filluar spektakli i BB.

Sa ke qenë në dijeni për jetën e tij jashtë Shqipërisë, dhe kush ka qenë Edisoni para se të hynte në BB?

Përderisa e kam kushëri, njihemi që fëmijë dhe kemi marrëdhënie shumë të ngushta. Ai ka pasur një jetë aktive në çdo lloj fushe, por eksperienca e tij kryesore ishte futbolli dhe palestra, pa të cilat nuk rri asnjë moment.

Ti ishe personi që i qëndrove afër pas daljes së tij nga shtëpia. Çfarë të tha Edisoni, çfarë nuk arriti të mos përballonte dot brenda?

I kam qëndruar afër, sepse isha unë ajo që e prita në momentin që doli. Në ato momente kishte nevojë për një person të afërt që të ndihej i sigurt, dhe unë bëra të pamundurën të isha me të. Gjithçka ndodhi për shkakun se Edisoni ka qenë një djalë shumë i përkëdhelur, si nga familja, ashtu dhe nga shoqëria e tij. Gjithmonë është ndier në qendër të vëmendjes dhe arsyeja e tronditjes që ai përjetoi erdhi nga ndryshimi i menjëhershëm i ambientit dhe mungesa e njerëzve të tij të dashur.

Kishte përjetuar më parë ndonjë moment të tillë, çfarë jete ka bërë ai ndërsa thoni që ka qenë i përkëdhelur?

Ai nuk ka përjetuar kurrë më parë diçka të tillë. Ai ka kaluar vetëm eksperienca të shumta dhe të bukura, ndërsa është rritur në një familje tradicionale shqiptare, i rrethuar me shumë dashuri prej tyre.

Një nga gjërat që ka bërë përshtypje ishte që ai përmendte Fabricio Koronën, i cili i kishte dhuruar një palë syze. Çfarë e lidh me paparacin e famshëm në Itali, sa e vërtetë është kjo histori?

Edisoni më kishte treguar se ka qenë i ftuar në një pub në Itali, ku ka qenë i ftuar dhe Fabricio Korona. Edisoni është ngjitur në skenë, dhe ka nisur të kërcejë duke zhveshur bluzën, pra duke bërë striptizë. Ndërkohë, sapo Fabricio e ka parë këtë skenë është revoltuar, duke kërkuar që Edisoni të zbriste nga skena, pasi dukshëm linjat e Edisonit ishin më të bukura se të Koronës. Pas kësaj skene, në shtypin italian u botua një shkrim, ku thuhej : Shqiptari që sfidoi Koronën. Artikull i ilustruar me foto të asaj nate. Ishte pikërisht ajo natë kur Korona i kishte dhuruar syzet e famshme Edisonit.

Tashmë është rikthyer në Itali, ndodhet ende nën mbikqyrjen e psikologut, vazhdon të trajtohet?

Edisoni tashmë është rikthyer pranë familjes, të cilët e mbikqyrin 24 orë me ndihmën edhe të një psikologu personal. Mund të them se ai shumë shpejt do të jetë shumë mirë.

Dha ndonjë koment Edisoni për banorët, çfarë përshtypjeje i kishin lënë ata?

Komentet ishin të ndryshme nga Edisoni, në veçanti Elisën nuk e duronte dot.

Po familja e tij si reagoi pas asaj që i ndodhi brenda shtëpisë?

Motra e tij, me të cilën ai siç e pohoi vetë kur hyri ka një lidhje të veçantë, ishte nisur për t’i bërë surprizën Edisonit. Di të them që ajo u shokua nga ngjarja. Me të vërtetë ajo çfarë i ndodhi Edisonit në BB ka qenë shumë tronditëse për familjen e tij.

Ekziston një femër në jetën e Edisonit dhe çfarë ka menduar të bëjë me jetën e tij tani e tutje?

Po, ai kishte një të dashur me të cilën ka pasur disa konflikte për shkak të hyrjes së tij në BB. Por tani janë shumë mirë dhe ajo i qëndron pranë në çdo moment të jetës së tij.

Kanë kaluar pak muaj që kur Najada Konomi bëri deklaratën e bujshme në media se ndahej nga Olsi, pasi nuk mund ta duronte më situatën e krijuar. Ajo nuk është mjaftuar me kaq, por e ka akuzuar atë për një sërë vesesh të cilat janë edhe shkaktare që lidhja e tyre nuk mundi të funksionojë. Gjithashtu, Najada theksonte se Olsi nuk ishte korrekt edhe në marrdhënie me femrat. Olsi më pas ka replikuar duke mohuar akuzat dhe duke pohuar se ka qenë gjithnjë besnik në marrëdhënie më Najadën, me të cilën u lidh brenda shtëpisë së “Big Brother” në edicionin e parë. Ai ka pohuar se nuk ka pasur kurrë një histori tjetër me femra, madje as edhe një flirt të vetëm, gjatë kohës që rrinte me Najadën.

Sipas tij, sherri filloi pasi Najada insistonte të bënte një fejesë zyrtare, ndërkohë që Olsi nuk ishte akoma gati për të. Disa muaj pas ndarjes, paparaci ynë fotografoi Najadën në pub me një djalë tjetër me të cilin nuk dimë se çfarë marrëdhënie ka. Por duket se as Olsi nuk ka ndenjuar duarkryq. Dy ditë më parë, ai është fotografuar nga paparaci ynë me një vajzë të re rreth të 19-ve, bionde, shumë simpatike, teksa po hynin në kinema për të parë një film. Por nëse në rastin e Najadës nuk dinim se çfarë lidhjeje mund të kishte me djalin e panjohur që e shoqëronte në pub, në rastin e Olsit nuk ka dilemma se vajza me të cilën u pa e shoqëruar ishte më shumë se mike. Sjellja e tyre të linte të kuptoje për një raport intim. Të dy janë parë të kapur për krahu dhe që i dhuronin njëri-tjetrit në publik jo vetëm shikime të ëmbla, por edhe puthje. Kjo na bëri kuriozë që të mësojmë më shumë mbi identitetin e vajzës. Sipas disa burimeve tona, ajo është 19 vjeç dhe ka jetuar gjithë jetës jashtë Shqipërisë, ndërkohë që është rikthyer për të vazhduar studimet këtu për stomatologji. Ata janë njohur në pubin ku Olsi punon si menaxher dhe më pas janë lidhur së bashku.

Nuk dihet nëse kjo histori do të vazhdojë, pasi miqtë tregojnë se Melani do të rikthehet përsëri aty ku ka familjen e saj. Të shohim se si do të vazhdojë me tej lidhja e tyre që në këtë rast do të ketë një vështirësi jo të vogël, siç është distanca, e cila jo rrallë i bën historitë e dashurisë të pamundura për t’u vazhduar. Ndërkohë, Olsi ka një tjetër projekt, që ka lidhje me rikthimin  e tij në televizion. Ai së bashku me personazhe të tjerë të njohur, do të jetë pjesës e spektaklit “Dancing with the stars”, ku do të paraqitet si balerin. Kësaj here thuhet që ky spektakël do të startojë në mars, ndërkohë që provat për të do të fillojnë më herët. Ne i urojmë Olsit sukses jo vetëm në këtë sipërmarrje të re televizive, por edhe në jetën e tij private.

Banorët brenda Shtëpisë së BB kërcejnë dhe këndojnë me muzikën që i ka vendosur në sfond Vëllai i Madh.

Ervini thotë për grupin “Elita 5” se nuk i ka njohur më përpara, por vetëm me këngën “Alkapone” ka njohur dhe grupin.

Ermela fillon të flasë për ish-të dashurin e saj dhe thotë se është një nga temat që nuk duhet të hapet. Ajo thotë se ka qenë e dashuruar dhe se e ka humbur për një gjë absurde. Ermela vazhdon duke thënë “Të paktën mendoj se diku në cep do të jetë dikush që është gjysma ime”. Ajo thotë se ka vuajtu shumë për ta harruar dhe se të gjithë djemtë e tjerë i ngjanin me atë. “Kam hequr të zitë e ullirit për ta haruar”, shprehet ajo. Ermela thotë se kur ishte e lidhur me ish-të dashurin, edhe kur nuk i shkonin gjërat mirë, ndihej e ngushëlluar me faktin se e kishte atë. Ajo thotë se pjesën më të madhe tek ajo e zënë kujtimet.

Banorët vazhdojnë të kërcejnë pafund dhe në shtëpi krijohet një atmosferë shumë e këndshme. Të gjithë kalojnë momente shumë të bukura argëtimi.

Burimi: http://bigbrother.top-channel.tv/4/news.php?id=6499

Bjordi dhe Adela thonë se ata nuk e kanë menduar ndarjen, por as nuk e përjashtojnë mundësinë që një gjë e tillë mund të ndodhë.

Pas suksesit që u solli pjesëmarrja në “Big Brother”, e sidomos lidhja me njëra tjetrin, çifti Adela dhe Bjordi tash do të shfaqen në rolin e këngëtareve. Me një këngë të punuar nga Pirro Çako, të dielën që lamë prapa çifti i shumë përfolur janë ngjitur ne skenë për herë të parë si këngëtarë.

Kënga e tyre i dedikohet dashurisë, dhe gjatë një interviste Adela dhe Bjordi kanë theksuar se nuk iu pëlqen ta mendojnë ndarjen.

“Nuk e mendojmë ndarjen, sepse nuk na pëlqen ky mendim. Por as nuk e përjashtojmë faktin që mund të ndodhë. Jeta është e gjatë dhe asnjëherë nuk i dihet”, kanë pohuar ata.

Sipas informacioneve që morën gazetarët e “Bluetooth”, javën që sapo lamë pas, lidhjes së tyre i ka ardhur fundi. Ata të dy nuk kanë duruar dot më, me njëri-tjetrin. Sipas të dhënave që morëm nga njerëzit afër çiftit, ka qenë Najada, vajza nga Fieri, që i ka thënë “stop” dhe ndal, lidhjes së saj me Olsin. Edhe pse Najada përpiqet t’i shmangë në intervistën e mëposhtme arsyet që e çuan në ndarjen me Olsin, miqtë dhe njerëzit e saj të afërt thonë se gjithçka, ka ndodhur për shkak të disa veseve të kaluara të Olsit, dhe që sikurse është thënë poshtë e përpjetë, edhe nga e fejuara e tij e parë Lusila, kanë pasur të bëjnë me përdorimin e lëndëve apo substancave narkotike.
E pyetëm vetë Najadën se mos është kjo një tjetër lojë e çiftit, sepse ata e kanë provuar dhe herë tjetër të ndahen dhe me pas janë ribashkuar sërish, por ajo këtë radhë thotë “jo”, ndarja e tyre është në mënyrë definitive… Le të lexojmë më poshtë se çfarë na ka rrëfyer Noçja në këtë intervistë ekskluzive për “Bluetooth”…
Najada sa i vërtetë është thashethemi që qarkullon në lidhje me ndarjen tuaj nga Olsi?
Është shumë i vërtetë.
Kush e mori këtë vendim?
Unë, ishte një vendim totalisht i imi.
Çfarë u bë shkak për ndarjen?
Problemet e shumta që ka Olsi me veten…
Mendon se ka gjasa që të riktheheni sërish bashkë?
Kësaj herë është përfundimtare. Nuk më kthehet më mendja sepse duhet të mendojë për veten në radhë të parë, pastaj për të tjerët. Nuk mund të lidhë jetën me një njeri të papërgjegjshëm.
Olsi ka tentuar ribashkimin?
E ka tentuar në mënyrat e tij, por unë ia kam prerë të gjitha shtigjet. Edhe numrin e celularit, prandaj e kam ndërruar… Ato që ka bërë janë gjëra që nuk rregullohen dhe kalohen lehtë.
Ju kishit planifikuar fejesën brenda këtij viti, ishte ky sipas teje një veprim i nxituar?
Nuk mund të them tamam-tamam i nxituar… Gjërat ishin shumë mirë, unë po jepja maksimumin, por ai kishte 2-3 muaj që nuk ishte shumë në terezi, ndaj janë zvarritur edhe kaq shumë gjërat.
Çfarë do të bësh tani Najada?
Kam përfunduar shkollën për pikturë. Kam dëshirë të ndjek masterin dhe aktualisht jam duke ndjekur një kurs kualifikimi në gjuhë të huaj dhe kompjuter.
Sa e lënduar je ti nga kjo histori?
Normalisht nuk mund të bëj indiferenten, diçka është thyer tanimë. Diçka që kisha kohë që e ndërtoja, por nuk jam dhe shumë e lënduar, ju thashë kjo ishte më e mira për mua.
Si do e kujtosh lidhjen me Olsin?
Nuk mundem ta përcaktoj tani se si ka qenë kjo lidhje për mua. Ka pasur momente të bukura, sikundër ka pasur momente të shëmtuara… Nuk mundem seriozisht në këtë moment të jap një përgjigje…
Jetesa
Noçja tani ka një banesë të re, krejt më vete nga Olsi, dhe tashmë po kërkon një punë, kudo qoftë ajo. Një punë më të mirë për të përballuar jetesën në kryeqytet. Jo se Najada nuk ka oferta të deritanishme, por ajo po sheh me kujdes për të zgjedhur më të mirën për veten e saj në këtë moment pak të vështirë që po kalon pas ndarjes me Olsin. Në fakt, sikurse na tregojnë njerëzit afër tyre, por siç na tha dhe vetë Noçja ajo nuk e ka pasur shumë problem këtë ndarje. Madje, ajo më shumë se kurrë është e vendosur për të gjetur një tjetër zgjidhje në jetën e saj, tashmë jo për çështje zemre. Duket se ajo nuk ka hequr dorë as nga argëtimi, por më shumë është kufizuar te njerëz e familjarë të saj por edhe shoqëri shumë të ngushtë.
Olsi: “Nuk jemi ndarë”
Natyrisht që pasi dëgjuam këtë lajm tentuam të flisnim edhe me çiftin. Në fillim tentuam me Noçen, por telefoni i saj rezultonte i fikur (gjithsesi e gjetëm formën e komunikimit). Pas saj kontaktuam me Olsin, i cili me natyrën e tij moskokëçarëse, na u përgjigj me një pyetje: “Ç’janë këto budallallëqe more? Kush i nxjerr këto lajme?” Duke vijuar më pas me frazën që mohon gjithçka: “Si mund të ndahemi kur thuajse një javë më parë unë ju tregova se do të fejohem me Noçen?”, ka përfunduar Olsi duke i mëshuar faktit që e gjitha kjo histori është e sajuar dhe aspak e vërtetë. Por nga ana tjetër pak ditë më parë, në statusin e tij në facebook.com ai shkruan: “U R IN MY MIND”, (ti je në mendjen time e përkthyer në shqip)… E kontrolluam sërish profilin e tij dje, por Olsi e kishte fshirë këtë status…
Fejesa e Olsit dhe Noçes
Vetëm në 10 shtator, pra gati një muaj më parë, Olsi, në suplementin “Summer Pages” të Gazeta Shqiptare, që mbylli siparin më 15 shtator, shpalli lajmin se shumë shpejt do të fejohej me Najadën. “Pse të mos ta bëjmë më tradicionale lidhjen?” shtroi Olsi pyetjen retorike për fejesën e tyre të shpejtë. Olsi na tregoi se fejesa e tyre do të kryhej brenda këtij viti, do të ishte një ceremoni tradicionale me prindërit gjatë ditës, ndërsa në darkë, do të ishte një ‘party’ me miqtë. Dhe jo vetëm kaq, por Olsi dhe Noçja kishin zgjedhur edhe unazat e tyre të fejesës. Ceremonia do të ishte tradicionale dhe Olsi tregon në intervistën për “Summer Pages” se pjesën më të madhe të kohës ai e kalonte me Noçen, te shtëpia e saj. Ja dhe ëndrrat e tyre përfunduan, dhe më në fund, brenda vitit nuk do të ketë më fejesë, unaza apo gjithçka tjetër.