Ermali e keshillon qe Franceska te mos flase me asnje prej banoreve per kete teme, sepse ata do te flasin per te me shume sesa per Ermalin. Ai i kerkon qe t’ia thote atij ne sy gjithcka qe ka per t’i thene.

Ermela e Klodi qënrdrojnë në sallon e Ermela shperhet se këto ditë ka menduar për shumë gjëra që kanë lidhje me jetën jashtë, e kjo ka ndodhur pasi i mungon diçka shtëpisë. Ajo shton se ka parë disa herë ëndrra jo të mira me Ervinin, ku ai i thoshte se lidhja me Ermelën ka zgjatur kaq, e jo më tepër pasi ai do të largohet e ajo e ka ditur këtë që në fillim.

Klodi shprehet se nuk e kujton mirë portretin e Ervinit e kërkon ndihmën e Klodit për më tepër. Ermela thotë se e ka marrë malli për Ervinin e është e bindur se lidhja e tyre do të shkojë mirë pasi ai ishte i predispozuar që të mësonte se si ishte ajo.

Ndërkohë Ergysi dhe Petriti qëndrojnë në oborr duke biseduar e Petriti shprehet se ka kaluar një ditë shumë të bukur sot. Ergysi shton se këto janë momente të bukura e Petriti thotë se këto çaste do të mbeten kujtime të bukura e lot gëzimi.

Ergysi shprehet se jeta është e përbërë nga kujtimet e bukura dhe gëzimet, ndërsa pjesa tjetër është sfidë. Petriti përgjigjet se i vjen keq që disa persona nuk dinë ta vlerësojnë jetën e Ergysi shton se këta persona i duken të varfër, çfarëdo që të kenë.

Së fundmi, dy banorët e fundit që mbeten para se të jepet verdikti final janë Jonela dhe Ogreni. Personi që lë përfundimisht shtëpinë e BB këtë natë është Jonela.

Më tej, Arbana shprehet se është koha për të folur për provën e javës, e cila nuk ka mbaruar akoma. Prova e kësaj jave ka patur të bëjë pikërisht me rregullin e memorien, e Mirjeta, Petriti, Ergysi, Neda e Klodi do të çojnë deri në fund provën javore.

Në oborr gjenden të mbuluara fotot e 12 objekteve që ata kanë brenda në shtëpi. Pesë banorët duhet të gjejnë këto objekte nëpër shtëpi dhe t’i vendosin pranë fotove përkatëse.

Banorët shpërndahen nëpër shtëpi në kërkim të objekteve e pas mbarimit të minutave në dispozicion, Arbana bën rezymenë e objekteve të grumbulluara prej tyre.

Buxheti i tyre do të jetë aq sa çmimet që janë të vendosura në objektet e fotografuara e të gjetura prej tyre, që janë 11 prej 12 objekteve gjithsej.

Arbana u kujton banorëve provën e javës dhe i fton ata që të shikojnë një klip. Më pas Arbana u thotë banorëve se meqënëse javës që shkoi ata nuk kishin buxhet të mjaftueshëm, Raiffeisen Bank u ka dhënë mundësinë të marrin një kredi. Ajo thotë se ata duhet ta shlyejnë këtë kredi. Nga shuma e lekëve që kanë grumbulluar do të zbritet kredia e Raiffeisen Bank. Pjesa tjetër është buxheti i tyre për javën e ardhshme.

Arbana flet për njërin nga banorët dhe thotë se do të njohim një aspekt mjaft të vështirë të jetës së tij. Bëhet fjalë për Ergysin dhe Arbana e fton të shkojë në dhomën e rrëfimit. Ergysi merr një album, i cili është shumë i vjetër dhe i tregon publikur një edhe nga një fotot me familjarëte tij. Ai e quan “franceze” të ëmën. Ndërkohë, në monitor shfaqet rrëfimi i Ergysit.

Ergysi qan pas shfaqjes së klipit dhe thotë “Nuk mendoja që do t’ia tregoja njeriu këtë klip, por erdhi momenti ta ndaj me të gjithë”, thotë ai. Arbana i tregon atij se në studio është duke para një publik me sytë përlotur nga rrëfimi i Ergyssit. Ai i përshëndet të gjithë.

Më pas Arbana e fton që të shikojë një klip tjetër, ku shqafet e ëma, e cila tregon historinë e jetës së saj në shtëpinë e vjetër, ku e ka lindur.

I ati i Ergysit thotë se ëndrra më e madhe e Ergysit është që të bëhej artist dhe për këtë ka punuar fort.

“Kjo është arsyeja se përse të gjithë më thonë se jam 27, 28 apo më shumë vjeç”, thotë Ergysi.

Blendi thotë se ka parë vetëm adhurim për prindërit dhe shikon se prindërit e tij ndjehen të përmbushur. Ai përulet me respekt para tyre.

Algeni është gjithnjë aty, i gatshëm për t’u ofruar vullnetar sa herë që bëhet fjalë për të bërë lëmsh banorët, për të krijuar keqkuptime dhe për t’i acaruar ata. Fundja e ka shprehur edhe vetë që e ka mision të vetin pikërisht këtë pjesë. A po e bën si duhet këtë rol? Këtu ka vend për diskutim, pasi në një format si ai i “Big Brother”, një acarues është mëse i domosdoshëm pasi ai i lëviz ujrat, nxjerr anë të panjohura të karakterit të banorëve, e bën lojën më të gjallë, por për ta bërë këtë duhet një zgjuarsi e spikatur. Gjithsesi, ai me aq sa di, përpiqet ta bëjë këtë pjesë. Kësaj here viktimë e skenareve të Algenit ka rënë Marjeli, por duhet thënë se në këtë rast Algeni e ka patur fare të lehtë sepse është ndihmuar zemërgjerësisht nga Mirjeta. Mesa kemi arritur të kuptojmë deri tani, vajza nga Malësia e Madhe që në fillim u shfaq e çiltër dhe e vendosur për ta shijuar këtë eksperiencë pa e vrarë shumë mendjen, në fakt po na rezulton ndryshe.

Ajo duket se ka në mendjen e saj strategjinë më të paimagjinueshme. Kur pa se Marjeli gëzonte popullaritet, i shprehu dashurinë dhe pasi e ‘futi në thes’, po luan me të si macja me miun. Dy ditë më parë, Marjeli bëri qarjen e rradhës për Mirjetën sapo hapi sytë në mëngjes teksa ai po flinte me të. Sapo filloi ta përkëdhelë, Mirjeta jo vetëm që nuk ia vari xhesteve të tij të dashurisë, por por filloi të përqafohet dhe përkëdhelet me Algenin i cili ishte në krevatin e tij. Kjo ka bërë që Marjeli të mbulojë kokën me jorgan dhe të përlotet. Por Algeni nuk kënaqet me kaq, ai dëshiron të shohë se si e ka katandisur viktimën e radhës, prandaj dhe i shkon afër Marjelit dhe e pyet nëse ka ndonjë gjë që nuk shkon, pasi e sheh pak të mërzitur.  Por mirësia dhe toleranca e Marjelit duket se nuk kanë fund. Gjatë ditës, ai i afrohet Mirjetës dhe i thotë se ka nevojë që ta ndiejë më shumë prezencën e saj pranë tij, por që ajo nuk po e bën këtë gjë.  Këto situata kanë zhgënjyer jo pak fansat e Mirjetës, të cilët thonë se loja që ajo ka zgjedhur është shumë e ndyrë, pasi asnjë lojë në botë nuk mund të justifikojë plagosjen shpirtërore të dikujt. Ta shohim se çfarë i ka rezervuar akoma Mirjeta djalit të butë dhe të ëmbël Marjel.

Ka ndodhur një tjetër episod brenda shtëpisë së “Big Brother”, që në fakt i kaloi të gjitha parashikimet tona. Mirjeta, një vajzë që na është prezantuar pa komplekse dhe shumë e çiltër, i futet një natë të bukur në krevat Marjelit dhe i thotë: “Unë të pëlqej shumë, dua të të njoh më mirë”. Në fillim ajo has në një farë ngurrimi nga ana e tij, ose e thënë ndryshe, ai e përcjell me lezet, por më pas duke jetuar bashkë ditë pas dite, fillon të ndjejë për të. Dhe pikërisht në momentin që dukej se më në fund do të kishim një tjetër çift në “Big Brother”, çfarë ndodh? Mirjeta i largohet Marjelit duke thënë se nuk mund t’i rrijë gjithë ditën nga pas!!!! Marjeli pëson zhgënjim dhe qan një ditë të tërë. Këtë situatë fansat e kanë cilësuar shumë absurde duke shprehur zhgënjim total për sjelljen e Mirjetës, e cila inkurajoi një lidhje e më pas u tërhoq me pretekstin se e shohin prindërit. Një vajzë që futet në “Big Brother”, a duhet të ketë të tilla komplekse? Përgjigja duhej të ishte jo. Ja si komentojnë fansat: “Mirjeta po mundohet të përfitojë nga mirësia e Marjelit, që të jetë në qendër të vemendjes” dhe sipas tyre arsyeja e shmangjes nuk është familja e saj, por një lidhje që ka jashtë shtëpisë. Ndërkohë në shtyp janë publikuar foto të Mirjetës me një djalë, i cili mendohet se është i dashuri i saj. Të shohim zhvillimet në ditët në vazhdim.

Fama e Marjelit shkon deri në Itali, shkruajnë gazetat

“Mariel i sfidon të gjithë në televotim. Është ai beniamini i “Grande Fratello alabanese”. Kështu e kanë titulluar shkrimin e tyre një gazetë e përditshme e Vicencës, vend ku Marieli jeton që ku ishte 9 vjeç. Falë sportit që ai ushtron, duket se në atë vend Marieli nuk është një emigrant anonim, por një person i njohur, madje dhe shumë i dashur. Në faqet e ndryshme në Facebook që fansat kanë hapur për të, ndodh jo rrallë që të rinj italianë, me shumë gjasa miq të Marielit, futen dhe pyesin se si po shkon loja e tij, pse po qan etj, për faktin se nuk arrijnë të kuptojnë gjuhën. Por le të kthehemi tek shkrimi i publikuar në gazetë. Ata shkruajnë se djali që peshon 100 kg dhe është 1 m e 85 cm i gjatë, u kthye në Durrës para Krishtlindjeve për të takuar të afërmit dhe rastësisht mori vesh se po bëheshin aurdicionet për “Big Brother”. Mamja e tij rrëfen në gazetë se nuk ishte dakord, por i biri i tha se dëshiron të jetë pjesë e këtij reallity show, që të njohë bashkëmoshatarët e tij shqiptarë. E pyetur nga gazetari se pse pëlqehet djali i saj, ajo përgjigjet: “Mbase për faktin se ai bën shaka me të gjithë dhe nuk shtiret”. Kështu pra, për Marielin duket se ndihen krenarë edhe italianët, të cilët po kërkojnë të marrin edhe ata meritat e tyre.

Arbana u tregon banorëve se një konkurent tjetër do të bëhet pjesë e shtëpisë së BB. Prezantuesja fton vajzat të shkojnë pranë pishinës sepse i pret një surprizë.
Në pishinë ndodhet një djalë që kërcen dhe bën striptizë për to, e vajzat e shikojnë me ëndje.

Ndërkohë djemtë e shikojnë këtë skenë nëpërmjet ekranit që ndodhet në sallon.

Djali ndërkohë që kërcente, shkoi pranë Ermelës dhe e përqafoi. Vajzat e tjera shprehen me shaka se kanë mbetur keq sepse nuk kanë marrë një përqafim nga ai.

Arbana shprehet se vajzat kanë fatin e Edisonit në dorë për t’u bërë konkurent i BB, apo jo dhe ato pohojnë të gjitha me rradhë.

Klodi thotë me shaka se ai do ti sfidojë me kërcime. Arbana u thotë vajzave ta marrin Edisonin me vete në dhomën e ndenjes dhe ai takohet dhe me djemtë e shtëpisë.

Edisoni prezantohet nepermjet disa fotove. Ai shprehet se ka pasion fotografinë dhe modelingun. Edisoni thotë se futbolli ka qenë pasioni i tij, por i është dashur të heqë dorë pas një dëmtimi në fizik. Ai pohon se është shumë i lidhur me familjen e më së shumti, me të motrën.

Burimi: Top Channel